請問幾多度先落暖管

hkueric

據聞下星期開始轉冷，請問幾多度先落暖管，同埋有無可調節暖管推介？

hkueric

小魚毛 發表於 2016-11-2 00:11
23度OK喇，如果set 24度，有機會暖管同水冷同時著機，咁就嘥電啦。

唔該晒

小魚毛

23度OK喇，如果set 24度，有機會暖管同水冷同時著機，咁就嘥電啦。

hkueric

小魚毛 發表於 2016-10-29 14:44
樓主嗰個係珊瑚缸，可接受溫差約莫22~28度，超過呢個範圍，就會開始另啲珊瑚頂唔順。如果係FOT ...

我買左枝暖管啦，咁我係咪set 23度？我個水冷係長set 25度

Teddy

天氣低過25度，就會開暖管，以防萬一唔記得左開

小魚毛

樓主嗰個係珊瑚缸，可接受溫差約莫22~28度，超過呢個範圍，就會開始另啲珊瑚頂唔順。如果係FOT，魚o既可接受溫差又大過珊瑚，加上唔同品種生物o既情況又有唔同，好難一概而論，或者單憑個人的情況去判斷。
其實二樓位ching答23度水己經好中肯，只要缸水唔低過呢過溫度，問題就不大。天文台話星期日轉冷都係22度，你屋企o既室溫同缸水o既溫度一定唔止呢個度數，所以樓主唔需要咁緊張住。況且香港而家o既冬天愈呢愈熱，低過廿度o既日子愈呢愈少，亦都即係話要用到暖管o既子日同樣愈呢愈少，但係咁唔等於可以慳翻呢樣設備，因為再暖都好，香港o既冬天仍然會有凍得死珊瑚同魚o既日子，除非你一凍就開住部暖氣對住個缸，否則o既話，暖管仍然係唔少得。

但係既然重要性減低，就唔值得投放太多資源，暖管係啲好簡單o既器材，只要配合火數（1L水對1W），選擇防爆（玻璃製暖管容易在缸內因碰撞而破裂）功能，再配合翻個缸o既size，就問題不大。

rex

777 發表於 2016-10-28 22:56
我暖管是全年開，目的係防水冷溫控失靈，怕變冰鮮魚！有次夏天溫控探頭跌了出缸多，水冷不段製冷，經過魚 ...

講清楚你用暖管既用途就好，因驚有其他新魚友會誤會只靠缸內會產生微熱的設備，以為就可以維持缸內的正常溫度

小魚迷..粉葛

用eheim管

777

rex 發表於 2016-10-28 21:37
前年香港凍天有幾日得幾度, 加埋室溫, 咁你有冇開暖管

我暖管是全年開，目的係防水冷溫控失靈，怕變冰鮮魚！有次夏天溫控探頭跌了出缸多，水冷不段製冷，經過魚缸玻璃出曬水，好在當時用電子溫控，制冷力有限！

小魚迷..粉葛

冇話幾多度落.....
缸泵係發熱 缸可能28∼9度
夜晚開冷氣急解 3∼4∼5度
我就係咁 日頭28∼9 夜晚22∼3
所以暖管長放沙缸

777

hkueric 發表於 2016-10-28 21:16
我個缸係背濾，假滴漏

背滴漏也一樣，關鍵有泵行散熱

rex

777 發表於 2016-10-28 20:40
如果滴漏缸，有上水泵和化淡泵行散熱加上室溫，買暖管感覺得物無所用。

前年香港凍天有幾日得幾度, 加埋室溫, 咁你有冇開暖管

hkueric

777 發表於 2016-10-28 20:40
如果滴漏缸，有上水泵和化淡泵行散熱加上室溫，買暖管感覺得物無所用。

我個缸係背濾，假滴漏

777

如果滴漏缸，有上水泵和化淡泵行散熱加上室溫，買暖管感覺得物無所用。

巧恩

最好吾低過23度水啦
最好去買個擉立控制器魚街暖管內控制器信唔過的。