新手開缸問題

telegogo

完全新手。

想開RT。睇左好多N-cycle的資料。想問下skimmer 是否處理N-cycle 的NO3?  如果唔用skimmer, 可否靠換水減少N03。

另外，skimmer 安裝後要不要調挍 level?

thanks.

telegogo

非常感謝几位師兄的回覆。

會硏究清楚。

小魚毛

danaon 發表於 2017-4-22 15:16
1.魚缸3尺一定比2尺好，除了水量比較多外(水量多被外交溫度影響相對更少)。其次你排生物石時會更好排因空間 ...

Ching答得好，我補多兩咀。

-是否買現成的好？redsea 2尺約$6000 (定缸，沙缸，柜)
一分錢一分貨。
現成唔洗等、靚仔、價錢合理，啱心急開缸o既新手。
訂缸都有平貴，平就一定要冒險。貴過Redsea o既缸， 用料同耐用性都應該好過Redsea。如果ching諗住玩機年就換缸，咁不防免煩用Redsea玩o下先。不過如果ching有興趣研究o下點設計個缸（例如造多啲內置出水位加強對流），又或者諗住大拿拿一兩萬開個缸，無理由玩幾年就算，咁訂缸就會係你杯茶。不過訂做珊瑚缸，其實香港造得好o既舖頭唔多，而且一定唔係魚街地舖，ching不防search o下啲舊聞。
一定要計好晒全條數，預足筆直至好扑鎚去馬。


-其實想自己做防水木柜，好怕漏水全屋地板玩完。
魚缸櫃漏水o既情況唔多見，Redsea 我唔肯定，但訂造o既都唔多聽過有ching話會出問題。
其實更多情況會係你換水唔小心倒瀉水，搞到一地都係。如果你係木板地，咁就一定要諗清諗楚，或者一定要同屋企人溝通清楚先，因為整濕地板，個個禮拜換水都有機會出現，一定會畀漏水問題常見好多！


-有沒有高度和深度比例標準？太深會不會很困難打理？
有，有經驗o既舖頭都唔會建議你造高過廿寸，方便伸手落缸做嘢之餘，亦都可以確保珊瑚有足夠o既光照。

- 沙缸是否2倉？第一倉 skimmer + NP，第二倉 上水泵 + water cooler + heater?
RT沙缸通常兩格起，三格止。兩格就好似你咁玩法，或者再加Rowa樽，又或者玩石仔系統，都係第一格放石仔桶等器材。而三格就好似樓上位ching咁建議，玩草或者厚沙床。


- 上水泵出水位怎定？高位或低位？是否最重要做對流，減少死位?
上水泵高低位無所謂，反而重點係一定要做到無死位，因為防止垃圾積眾係基本要求。如果係舖沙面，咁缸底就一定要有足夠o既流去沖走沙面o既垃圾；如果係清缸底，咁垃圾積眾o既機會會比較少，咁缸底o既流就唔一定要咁重手。
缸愈大，上水泵o既出水位就應該要愈多，Redsea都係按呢個原則去設計佢啲套缸，不過如果Ching玩訂造，就可以細缸都玩到更多更好o既造流效果。
對流係理想o既造流效果，特別係玩sps，一定要有由對流而造成o既亂流。所以ching有無諗過玩軟嘢定硬嘢？如果係硬，造流就要再預多啲筆直。


- 用廁所水是否比較方便？2條綿芯+1條碳芯
我自己係廁所友。廁水唔一定方便，因為都會有鹹度變化同大廈洗水缸污染水質o既風險。但係佢o既水質比水喉水好呢個就係重點。香港家居o既水喉水只可以勉強玩到Lps，玩sps成功o既個案絕無僅有。唔玩廁所水，一係你就用純水機過濾水喉水，不過會有廢水問題（所以我覺得玩廁水更加慳錢同環保）；最後選擇係買蒸餾水，係最貴最辛苦（運水）o既做法。你唔好聽我亂吹，買盒no3試劑返屋企驗o下廁水同水喉水最實際。
我自己都係用兩棉一碳，不過都好似樓上位ching建議咁，再加支UV，以慢流方式出水，確保支UV可以殺清啲菌。RT缸入邊唔需要UV燈，不過過濾水源呢支燈就唔應該慳，魚要防菌，人都要防惡菌，特別係呢幾年又成日話有咩食肉菌。

danaon

1.魚缸3尺一定比2尺好，除了水量比較多外(水量多被外交溫度影響相對更少)。其次你排生物石時會更好排因空間比較多。
2.沙缸(底缸)建議最少有3倉比較好，第一倉落水過濾加化氮，第2倉可當草倉或生物石倉，最後一倉上水(而上水位最好加多一個止回流閥，魚街上樓有一間有賣，但都幾百元。
3.如會養珊瑚最好加水冷，沒水冷真的不好養很易反缸，因你做不到珊瑚需求的24-25度，而純魚最高極限都是29-30，過了這溫度魚都難養活，人在長時間30度下都辛苦何況是魚。
e.g室溫26-27度，那你魚缸水溫最少27度(因上水泵,造流,燈都會令水變熱)加上櫃內空氣流不流通都會影響。
4.主缸只用上水泵的流量(3尺缸)是不夠的，最少加一個造流才可能夠，但如多加珊瑚就用2個會比較好，而死位會更少
5.廁所水不是不好，是很方便，但拉喉過濾消毒殺菌要搞多樣東西會比較麻煩，而且用廁所水最好多加一支殺菌燈會比較好。

以上是小弟意見只作參考，如有錯誤請多多包含。

telegogo

小魚毛 發表於 2017-4-21 15:40
我只係識抄書，理論o既嘢唔敢亂吹，只可以抄多幾篇書過你睇。
隔呢網一位ching o既貼圖：

Thanks.

Some more question :

- 想用2尺或3尺缸？是否買現成的好？redsea 2尺約$6000 (定缸，沙缸，柜), 其實想自己做防水木柜，好怕漏水全屋地板玩完。
- 3 尺 缸會否比2尺缸易穩定？
-有沒有高度和深度比例標準？太深會不會很困難打理？
- 沙缸是否2倉？第一倉 skimmer + NP，第二倉 上水泵 + water cooler + heater?
- 水冷是否必須(家中一般很小>30 度)?水冷可否放入柜內影響散熱？
- 上水泵出水位怎定？高位或低位？是否最重要做對流，減少死位?
- 用廁所水是否比較方便？2條綿芯+1條碳芯

thanks.

小魚毛

我只係識抄書，理論o既嘢唔敢亂吹，只可以抄多幾篇書過你睇。
隔呢網一位ching o既貼圖：

詳細可以睇o下呢度：水質污染物 & 去除︰HN3、4，NO2，NO3，PO4，H2S...
呢樹雖然人氣高，不過人多口雜，有時好難可以客觀咁討論問題。

telegogo

小魚毛 發表於 2017-4-16 14:13
ching應該誤會左。
Skimmer好似屋企o既垃圾筒，可以將啲有機廢物收集，然後以人手清除。但係有Ú ...

thanks a lot for your reply.

幾條link 好深。要慢慢消化。

現在理解到的是：

skimmer 將水中有機廢物從水中除去,減少進行N-cycle，從而減少nitrates, nitrites，減少系統loading。

帶氧硝化箘主要係將有機物分解成 NH3=>NO2=>NO3。

厭氧硝化箘主要係將 NO3 分解成 NO3=>NO2=>N2(氣體)。

帶氧硝化箘應該自N-cycle 中培養。

對嗎？

厭氧硝化箘點樣產生？在N-cycle中？用生化石？

叧外，沙缸要放什麼？見到有D師兄話只放skimmer.

超新手

小魚毛 發表於 2017-4-16 14:23
唔用skimmer，單靠換水，理論上當然可以減少No3，但實際情況應該係你要每日換水50%(甚至8,90%)，至可以達到 ...

小魚毛

唔用skimmer，單靠換水，理論上當然可以減少No3，但實際情況應該係你要每日換水50%(甚至8,90%)，至可以達到要求。睇o下你有無咁多時間去服侍個缸。

至於skimmer校level，當然要。你揀左skimmer後再上呢問，自然就會有Ching答你要放幾高，同校咩水位。

小魚毛

ching應該誤會左。
Skimmer好似屋企o既垃圾筒，可以將啲有機廢物收集，然後以人手清除。但係有啲廢物係唔可以用垃圾筒收集，所以你屋企重會有污水渠、抽氣扇⋯⋯，而你都要定期抺屋掃塵⋯⋯
No3係溶o係水入面， skimmer收集有機廢物，有助減少由有機廢物分解出呢o既NO3，但係己經溶o係入面o既，skimmer就幫助唔大，仍然要由其餘o既過濾系統去處理，所以RT o既過濾系統可以有好多方式，亦都比FOT複雜得多。
的而且確，有某啲o既過濾系統係要耍靠carbon source 處理No3 及Po4，再由skimmer 打走的，但唔等於skimmer可以直接對付NO3。

Ching可以再參考o下以下呢幾篇：
自然飼養法
豆豆及沸石討論
徵求2個system好壞