大家去開邊度買Sps?

tstspage

事關魚街愈黎愈少地方有賣sps（一係就好貴）。想小小地買下斷枝但搵左好多地方都無。 想知大家去開邊度買？

alexlau

大班

hmk

呢度成日都有師兄放啲斷枝上黎賣，我都成日響度買！如果鍾意響鋪頭到睇嘅！新美人魚同九龍灣都有斷枝賣！

小魚毛

上個月至有ching問過差唔多o既問題：
SPS 您會推薦邊間鋪？

樓主自己慢慢睇翻。

小魚毛

不過就斷枝呢計，又可以分享一o下。
樓主先要有一個概念：唔係所有嘢都可以簡單咁用錢就買到，特別係sps呢類貨源供應不穩、入口又有一定難度o既生物，所以佢一定比珊瑚魚更難搵更難買，留意嗰幾間舖頭o既返貨通告，依時上去揀貨係暫時呢講，本地RT玩家o既指定動作。

至於斷枝，其實佢唔係舖頭o既貨，因為舖頭入貨係唔會一枝枝斷枝咁入，佢地一定係一件件珊瑚咁入貨，亦都唔會特登將啲珊瑚Cut碎呢買，因為除咗破壞件珊瑚o既自然形態之外，斷枝成功再生與否亦有一定風險，所以根本唔會有舖頭專登咁賣斷枝。咁舖頭缸入邊啲斷枝又點呢？呢啲其實只不過係喺運送途中唔小心撞斷碎落o既「貨尾」。係遠古時代o既珊瑚舖，老闆好多時會將呢啲「貨尾」當「贈品」咁送畀啲熟客，好多RT老手都會有一兩件咁o既「贈品」Keep喺個缸入邊，算係「見證」咗舖頭同客人o既情誼......不過隨著搵斷枝o既客愈呢愈多，斷枝變成有價有市，「贈品」就變成「散貨」咁買。

所以如果樓主要搵斷枝，一則一定係會大量入貨o既sps「專賣店」至會有比較多o既「貨尾」，其次就係佢啱啱入貨後o既一段時間，就會比較易搵到。所以運氣同Timing都要挾啱。

比較實際啲o既做法，就好似樓上咁推介，留意ching網上放售。不過仲有另一個玩法，幾年前隔離發夢網站推介玩sps，就有一班網友成日組隊一齊去舖頭掃貨，仲即場「分屍」，有舖頭更加提供「鋸床」等工具，即買即cut，一家便宜幾家著，不過隨著熱潮減退，此情不再......樓主如果識到三幾個玩家，大可以咁樣組隊去「自製」斷枝。