前輩們，請問珊瑚海魚混養缸，係咪唔可以用生物環？

Hang12

各位前輩請幫忙，小弟只有簡單器材，只用濾筒，有用蛋分（bmq3)，及Ats藻盒，請問混養缸需要用珊瑚骨代替生物環嗎？還是連珊瑚骨都不需？如果冇生物環，有毒物又點清除？小弟開缸至今有9個月，一開始啊仔話想養波波魚（金木盒），所以才開始養海水魚， 大部份器材都是一位養魚前輩給小弟的，用的是一個兩尺淨缸加兩個濾筒加舊生物環（前輩稱所有器材都冇落過药），缸底鋪一寸幼沙就開缸。由一開始只養幾條金木盒魚仔及蝦仔到半年前開始共養一些平價珊瑚及小丑科，當中都死咗好多魚（木盒）及幾個珊瑚，現時己放棄飼養木盒。命硬的只有兩隻醫生蝦，兩隻寄居蟹同一顆豬腰由開缸存活至今，兩個月前引入一掛缸蛋白（BMq3)及海利28A水冷，二手shark嘅珊瑚燈，中科迷你造浪，一個月前再引入中國制ats掛式藻盒，内放有不同藻類加相反時間開燈。現時養的有幾條小丑、兩條吊、兩條古b、一青魔、幾條魚仔，一海滲、幾隻蝦。一天只餵一次魚及一星期餵一次小量珊珊糧，一星期換5份一水（慢加）。雖然兩個月至今，魚的存活大大提升，只死了一條不開口的藍吊，但no3嘅數目持續維持於25-50水平，PH值只有7.8-8水平，部分珊瑚仍然開得不好甚至每放越下，由其是飛盤及紫氣泡，己見骨養了兩個月至今情況未有好轉

Hang12

現在情況

pca

細缸養咁多

Hang12

驚濾唔哂，所以用一個大一個中濾筒，之前用qq1蛋分，所有魚都養唔長，之後換左Bm嘅q3，情況好好多，暫時只有一條藍吊唔開口陣亡，最衰係條金火公，成日勃起哂d沙同有地域性，成日追魚，不過冇咬，所以留住。珊瑚就擔心喇，因為no3唔落，長期都高企25-50，希望個ats（用左兩星期）有幫助。不過早兩日聽珊瑚店職員講，養珊瑚唔可以落生物環，小弟就真係唔知點做，如果冇環，係咪只用蛋分加Ats就可以解決問題，希望有前輩可以指點迷津

小魚毛

NO3太高，25-50無咩可能養得好珊瑚。
提議你先驗咗屋企水喉水先，大概都應該有10~20 o既NO3，咁你每次換水都只能夠輕輕沖淡NO3。
ATS兩星期未必開始見效，要再等等，不過你最好睇翻你個個ATS盒包裝說明，有無講清楚個盒可以處理到最大o既水量，如果太細o既話就未必幫到你。

小魚毛

暫時呢講，你可以買樽裝蒸餾水代替水喉呢換水，咁係最快降NO3 o既方法。
長遠呢講，你要先檢視水源問題：
軟體珊瑚缸NO3要求低至10，如果你水喉水係呢個水平，咁你可以試下建立一個高效率o既硝化系統，維持一個低密度飼養環境，咁係有可能用水喉水養一啲比較粗生o既軟體。
但如果你水喉水高過10，咁你就要考慮轉純水機或者廁所水，只有咁至可以解決水源NO3過高問題，否則你搞咩過濾系統都無用，NO3不停咁上上落落，再粗生o既珊瑚都死。

解決咗水源問題，你就可以再考慮點搞你個過濾系統，生物石、ATS、豆豆，各有優點缺點，自己做好功課再考慮點搞個缸。好似你咁用濾桶玩珊瑚唔係有好多成功例子，但唔等於無可能，但有好多好多器材使用同維護工作要掌握，你唔清楚當中o既原理而一味死跟，只會行多好多冤枉路。

Hang12

感謝師兄，其實我都想換缸

Maxxie

我都係濾桶 剛剛新跳海的