水冷設置問題

hide0116

魚缸：側漏 （約60l)水冷：1/3機
水冷泵：1200l/h

1.我水冷set26度，27.5著機，降到26度，眼望住佢5分鐘內已經升返26.5度，到水冷顯示27.5度時我兩枝溫度計都仲係顯示缸水26度，

2.我將水泵閘細流量，著機次數密左同埋制冷時間短左，但係都係果頭降，幾分鐘內已經升上26.5，

咁既情況係個泵唔夠流量定流量大過頭？水冷係放魚缸隔


補充內容 (2020-5-6 10:27):
補充，水冷泵係頭倉經完水冷係上水倉（即尾倉）

leemanho

唔使諗太多，呢排天氣熱啫。如果太陽照到個缸就搵野隔下。

但係水冷泵可以既話就放尾倉啦，入水冷既水應該要係最乾淨既，免得有污物積左喺水冷機入面

arfaifai

60L用1/3匹機？牌子型號？

hide0116

leemanho 發表於 2020-5-6 11:41
唔使諗太多，呢排天氣熱啫。如果太陽照到個缸就搵野隔下。

但係水冷泵可以既話就放尾倉啦，入水冷 ...

好，放假搞搞佢

hide0116

arfaifai 發表於 2020-5-6 12:53
60L用1/3匹機？牌子型號？

買大左預升級用得返😂😂😂奧凌咋

arfaifai

奧凌係電子水冷機，50L水魚缸用，我之前1呎方缸都係用佢，電子水冷唔係用壓縮機制冷，無話係幾多匹數，所以唔知1/3機怎樣計出來，記得好似係200w用電，簡直係平買貴用，耗電大而制冷弱，有心玩的話用部mini200 1/13匹機就制冷快靚正

小魚毛

奧凌都有壓縮機。


不過佢啲QC有幾好就真係難講。

如果樓主部機係新買。就考慮換個水泵先，1200L對1/3匹機呢講係比較細，大啲會穩陣啲。

不過如果之前用開無事，咁就試o下洗洗個泵同部水冷，特別係你個水冷泵放頭倉，會硬食好多污糟嘢，積落部機o既膽就會影響制冷效能，我自己就會一年洗一次機，搬部機入廁所駁條水喉去入水口，出水口另駁一條喉去馬桶，開大水喉，夠力o既話就會沖出好多污糟嘢，如果條水喉力度唔夠，就要打側部機倒翻膽入邊啲水出呢。

如果換泵洗機都無用，咁或者會係部機o既內置溫控探頭壞咗，無保養無代理又唔曉DIY，就要搵o下有無ching幫手搵溫控。

小魚毛

hide0116 發表於 2020-5-7 01:49
買大左預升級用得返😂😂😂奧凌咋

其實一般廠商所指o既冷卻水量係計到好盡，實際有效o既處理水量應該打個五折，所以你呢部其實只可以處理到150L  o既水量，再加上大陸廠習慣報大數，你升級o既新缸唔好大過120L，否則換過部水冷會更實際。

不過就算海利都係幾年貨仔，奧凌可以用到幾耐就更難講，所以樓主最好有定兩手準備。

hide0116

唔該晒咁多位，我借左朋友個2000l/h水泵，問題解決晒了