想訂造傢俬

命中人

想訂造傢俬
一邊養魚一邊有新訂造
有無可能呢?

太約要幾錢

小魚毛

樓主o既意思係想訂造一組魚缸連櫃o既傢俬？

有心有筆直無話無可能，不過難度、時間、洗費都會高好多，樓主要有定心理準備。

講真，除非係玩開有經驗，或者決心要特別要求o既系統設計、巨型魚缸（五尺以上），咁至值得玩到咁大，否則一旦玩唔掂要棄缸，要改要拆就會好頭痕。

假設你要玩鹹水。你要搵識造魚缸＋木工o既裝修師傅，仲要明白鹹水魚缸要有咩要求、點設計，全香港唔知有幾多個咁o既裝修師傅，就算好彩畀你搵到，收費都一定貴好多好多！唔建議你去魚街搵魚舖造，買現成無所謂，但訂造就無謂！你肯畀錢，魚街啲魚舖咩都話OK，但事實係普通咁訂造魚缸往往都好多問題爭拗，再加埋訂造傢俬？已經唔係佢地專長，工程愈大風險愈高，就算錢多都唔好自己咁玩自己。

行內的確有啲店家係專訂造魚缸連櫃，可以造到內外兼備o既魚缸櫃連傢俬，價錢同用料質素、耐用程度成正比。呢啲店家都係跟內地工廠合作，平衡質素&收費，但疫情下封關，大大影響咗佢地工作進度，等一年半載至完成一單job，係平常事。

小魚毛

相信樓主係想搵一個裝修師傳或者一間舖頭就可以搞掂魚缸&傢俬，但除非你有非常相熟可靠o既裝修師傅，或者你有玩開魚o既老友死黨肯教路、幫你跟、幫你mon住單工程。否則造魚缸連櫃 VS 造傢俬係兩個專業，你好難可以就咁畀錢就可以得一想二，就算我講嗰啲專訂造魚缸連櫃o既店家。我都懷疑佢地肯唔肯接你造晒全屋傢俬o既order。

所以我建議樓主最好都係將兩樣工作分翻開畀翻相關o既專業人事去搞，搵裝修師傅去搞傢俬，另外搵舖頭訂造一個魚缸連櫃（其實而家訂造缸櫃o既顏色卅木皮，己經可以任你襯翻屋企啲傢俬裝修）；咁時間、成本、風險程度都會合埋好多。將來要拆要改，或者再upgrade個缸，都會單簡得多。