本帖最後由 capmo 於 2012-3-5 00:15 編輯
重新編輯capmo師兄心得
承蒙版管看重,現謹將我的粗淺方法及分享從友網轉貼在此,
這祇是我用慣的方法而並非定律.
=================================
前言
雖然我亦衹是新豬一名,至今仍衹能在養海水魚世界之門框外徘徊.
而出此文, 絕非甚麼巨著新理論,祇是個人於實踐時的經驗而巳.
實是希望能幫到一些新魚友們,行少一D枉路.
能快些接近摸到養海水魚世界之門框.
更希望能減少很多美麗的海水魚兒的枉送,
並使多些新魚友仍有興趣繼續飼養海水魚.
所以懇請各高手前輩們勿見笑及指導.
而新魚之選魚及檢疫, 佔新魚能否養到極為重要.
選魚一環則需經驗累積,而很多大師已有專文教導,
而我之經驗尚淺,故在此不作導述.
謹記大師們教導,試多些衹看不買便是.
新豬的我,自飼養海水魚之來,深感新魚檢疫之重要性.
而自覺能檢疫足,保持溫度平衡,提供一個安靜環境,
則會使能養到新魚機會大為提升.
==================================
新魚對水過程
而新魚我定會為其先進行一個甲基藍淡水浴.
而甲基藍淡水浴, 我則用開D唔係好正統既手法, 係對?不對水.
通常我會在淡水浴水內加一至兩滴甲基藍藥水一齊作進行淡水浴.
新魚番來,我會先從隔夜大水箱,
取幾升水在一細膠箱(日本x十幾升那款)作淡水浴備用.
並用水沖乾淨個魚袋(小心除剩一個),
就將魚袋放入該作淡水浴備用之細膠箱水內約2小時對溫.
於準備進行淡水浴前,我會用另一個箱或桶,
再取隔夜水開鹽後,備作Q魚用.
Q魚如需要加入黃粉或其他藥物,亦需要準備妥當.
至於用什麽藥物或抗生素醫魚,精選欄已有大師作詳細指引,
亦不再在此詳述.
當對水完成後,就將魚袋取出,將魚連水倒在一個有西既兜內,
然後慢慢將條魚用西取起,再慢慢放回入該箱已加甲基藍的淡水中進行淡水浴.
淡水浴期間,可用一個很細的氣泵打氣亦可甚至不用.
但魚友如冇備有隔夜水,那所用的水則要先除氯及加小小ph buffer才可使用.
淡水浴不要用個太細既兜或膠箱仔進行,
尤其係對蝶魚,有D位俾佢游下會魚會冇咁驚.
魚太驚慌可先蓋上大半蓋,隔箱留意其動態便可.
做淡水浴時條,如條魚訓低,尤其係D寶石等弱魚,
不要立時太驚慌,先用粒汽石或其他東西輕輕推下佢,
通常佢就會反番正游,而佢回到氣適應到就會冇事,
可以繼續進行10分鐘甚至以上既淡水浴.
但如條魚真係突然抽哂筋,硬哂,
推都冇反應,就要立刻終止FWB.
並取佢直入Q桶己準備既咸水打大氣,通常亦很快會冇事.
直至現在,我祇曾試過一條三角黃吊於淡水浴中途硬直哂,
需要立刻終止淡水浴,並取佢直入Q桶己準備既咸水打大氣,
再輕推下佢,而片刻後佢亦巳能回復正常.
而其後一日,我再替佢做淡水浴,再做十幾分鐘亦已冇問題了.
但如條魚唔好狀態,亦可暫時唔做或先縮短進行淡水浴時間,
等遲一二日再做,那就多冇問題了.
其實如條魚唔好狀態,本就已不應買入了.
所以最後幾時做淡水浴才最好,魚友們自己決定.
而用氣石略推下條魚的作用,我個人覺似心肺復甦法咁一樣有效.
我自學懂為魚作淡水浴至今,都是以此法進行.
普通魚我會進行約10分鐘淡水浴, (視乎魚兒大小及品種)
至今未嘗有一魚於淡水浴後出現問題或因淡水浴而失去.
而淡水浴完成後,我會用西直接將魚慢慢放入
巳預備好的檢疫箱或筒內,作14日檢疫.
期間我會用A,B桶, 每日作100%全換水及清洗乾淨舊桶.
此為依白點蟲生命週期作之清滅之法.
===================================
AB桶Q魚
通常替魚作檢疫,每晚我會留多桶隔夜水放在Q桶旁,
以確保AB桶水溫相同. 而每晚開好鹽及所需,
就由桶A將魚用膠西搬過桶B,也不用再對水.
而鹽度些微差別,反而我覺得對魚兒影嚮不太大.
我雖有光學鹽度計,但開鹽換水我祇用個簡單
的DeepSix 的hydrometer量量就算,
一直以來,都未試過因鹽度不同而有魚在Q魚時出事.
另檢疫期間,我會放Q箱及備用水箱在主缸前,
係一個冷氣唔強的位置及略蓋上半蓋.
就算開冷氣同關冷氣,水溫亦不會急升急降.
而冷天我則會各加上相同暖管作Q魚保暖用.
我自己不用Q缸而用Q桶,
是因為每日不停換全水及徹底清洗用過器皿及器材,
已覺是一個非非常有效的,依據白點蟲生命週期去除白點蟲的方法.
而我亦覺得如魚已沒有原白點蟲,純溫差上落是不會引致有白點的爆發.
檢疫其間最緊要留意AB桶水溫相同.當然輕微差別則問題不大.
但一個長期太大溫差之環境是對魚有不良影嚮的.
檢疫新魚時,我會用新隔夜水開鹽即用,
雖然我亦深信我之魚缸內並無白點存在可用,
但舊主缸水始終污物毐素較多,
在冇過濾系統下一整天,未必能承受新魚之排洩污染.
另如要下藥,更要加些 ph buffer及打大氣將 ph 保持.
而其餘的新魚的毛病衹要對症下藥,
正常選魚小心D,正常D魚好少養唔到.
有幸近2年,我亦衹有一條新魚馬鞍不能入缸而在Q桶西去了.
=================================
入主缸
至於Q桶Q完D魚,則可以對溫對水入缸了.
當魚已Q好約10日,如一切正常,
通常我會從主缸取水及加新水再讓新魚靜養作後期檢疫數日,
並漸漸加大主缸水份量及Q桶水量,
到入缸時衹要留意溫度相同,便略對水魚便可入缸了,
此法我用於Q大魚時更常用.
而魚入缸後可先放在大西1-2日,待魚兒先互相認識.
如有些特別對新魚熱情的舊魚,可先在餵食時先西起才放新魚.
待新魚已熟習環境才放回舊惡魚.
當然這要視乎新舊魚的大小及善惡而處理.
以上係我現時沿用既方法,雖唔係好正統,
但年來Q魚已鮮有無故死去,可能係我好彩及不會四圍買魚.
但希望以上經驗對新魚友能有些微幫助.
當然新魚友更可使用搜尋功用去搜尋大師們的寶鑑,前人的血淚史,
及精選欄中很多必讀文章,而作參考取捨.
==============================
補充
再補充多少,用AB桶請先用膠墊或膠蓋墊在桶或箱底.
我用10L箱Q魚就用25L蓋墊.
用25L箱就用50L蓋墊.
因打大氣過夜,就會有水花弄濕箱邊地下,
而木地扳就更必要加墊
而甲基藍淡水浴就應是新人必學之法.
但AB桶用法未必適合每位新魚友使用.
但檢疫就是能養到海水魚之必然步驟.
那Q缸之設立就是另一最佳之解決方法.
因每人在家中位置不同,影響家人家居環境各異.
養海水魚衹是一種增加生活情趣之嗜好,
能與家人共享最佳,不影嚮家人生活次之.
切勿過份投入而我為魚狂而影嚮與家人關係.
請謹記家庭樂遠比養魚樂更為重要啊!!!!!.
我選用了一套很烦但自己很有信心掌握之方法.
魚友慢慢亦能掌握到自己慣用之方法,
亦可多些留意魚兒的習惯動態,
漸漸熟習後亦自會有自已最惯用及最有信心之方法養心愛之魚兒了.
==============================
養魚心得
養魚祇是一種自我的缎練耐性的遊戲,
是可以大家一同成功,互相欣赏的遊戲.
養到不是什麼了不起,養不到多是耐性不足而已.
常見新魚友番新魚數日而魚未開口,便很憂心出post 求救.
其實如魚未適應新環境,或健康有問題,幾日未開口也很正常.
而我則深信除非魚已很大,或某些個別難開口類別,
因其覓食習慣巳根深蒂固才較難開口.
否則如魚兒健康,有個安靜環境,冇壓力,冇其他魚打,
魚兒很快便能適應,多能很快便開口吃糧了.
而我在Q魚時間,通常90%以上D魚已經開口食粒糧.
新魚新番,我通常見條新魚定D先試餵.
而頭一星期多衹會用蒜汁混合size的粒糧試餵.
如吊類則亦會試用埋紫菜試餵,
而用生口引魚開口我則較少需要采用,
因人懶怕轉煩,更怕令舊魚亦食上癮就更煩咯.
惟至今則未試過用生菜或旺菜令魚開口.
而很多師兄則會先使用生口如蝦肉或蜆肉等,
先引其開口而慢慢再轉回乾糧.
真是各施各法,養魚並冇一套固有步驟才行.
而通常新魚我就在換水前挑少少已準備既蒜汁糧試餵.
佢食就食,唔食就換水算數.
我好彩9成D魚,一兩日就已開口食粒糧.
唔得過一週才試毛蝦乾,
再真係唔得才試凍丰年蝦及紅蟲.
通常Q魚完成前,95%以上多已開口.
但如都唔得, 而條魚又Q好,
我會放佢地去細缸住私家缸靜養.
但亦唔係條條一樣,我其中一條火燄仙,
入缸西住成一星期,係咁睇住其他魚食仍唔肯開口.
因我已確定佢地已安全通過檢疫,我就一樣放佢地入缸,
結果3-4日後就已見佢地開口跟其他魚食糧仲識搶添.
其實魚健康定左,有個靜環境冇其便魚打,多很快便能開口吃糧.
但魚性亦各有不同,曾買4條南海神像飼養,
其中一條未足一週便開口搶糧,其餘2條則要約2星期才開口,
但最後一條竟巳有同伴搶食示範,仍要28天才肯開金口吃糧.
因知其為膽小及較神經質之魚種,雖巳Q好,
但未開口仍未敢放佢地入主缸與其他大仙搶食,
故終要擺了一月膠箱專侍.
而我平時用的魚糧都是普通粒糧.
我平時都衹是主要係用太陽牌蘭疇糧(黑金)(沉下),加太陽錦鯉糧(浮上),
加上神像細粒及 Sure 小小粒糧.
大中小size都有,間中就俾D紫菜碎餵佢地.
浮沉糧都有,等大魚浮面食,小魚沉下食,
各取所需,才不致細魚搶不到食而故餓死.
而好彩至今,都能令佢地肥肥彩彩又未白過地在我缸生話長大.
其實Q魚時,魚能否開口不是太重要.
留意魚態及行為有否異常(包括游姿,魚身及顏色狀況,排便狀況...)則更為重要.
至於常有魚友稱有沙底就很煩易起點,
冇沙底清缸,會冇咁易有白點.
其實有冇沙底,卻不是白點根源,
冇沙清缸,亦不會自動清點消點.
反而有冇蟲入缸,卻是根源之所在.
但如清缸養而要全缸用藥,則用藥份量會比有沙底較準確了.
當然如能將魚取出,用捅用藥醫則最佳最準確了.
亦近見有新魚友常用藥醫魚,
今日A藥入缸,明天B藥又來.
但急則亂,本Ａ藥或B藥用準用足巳可見效,
惟亂石投林,反未能見效及而易出亂子.
而數藥存缸,就算換半水亦殘存不少,
混合而成之份量及藥性則更難以估計......
其實常見之魚病,常用數藥已足以應付,
不需太多太濫.
如已用準用足藥,而仍不效,
則既巳全力求魚,
新魚友亦非華陀再世,而不需自責了.
其實檢疫時,如條魚有毛病,正是檢疫發揮其功用.
而於桶用藥則更易處理及準確,對症下藥便可.
否則如有病魚直入主缸,其影嚮則更大更深
而魚開口問題其實反次 :p
條魚健康定了便易開口.
但如條魚病未能搞好,
就算開口,其結果又是收番,繼而......
再者,新魚友於新缸期間更應慢慢加魚.
而水未好則更祇適宜飼養些較粗生和容易養的魚兒.
仙仔對水質之要求較高,
在開缸半年內皆屬不宜飼養,
而蝶魚對水質之要求則更高,
勿莽試而終令魚兒白白枉死.
常見有新魚友出post求教去救難養的仙仔或蝶魚,
而其缸之水質則遠未達要求,真是圖呼奈何!!!
另如新師兄用捅Q魚,切記穩妥蓋好上蓋及格仔板,
切勿留有少少空隙, 以免功虧一簣
天氣轉冷,常見魚友有魚出事.
其實養魚最重要是保持一個平衡的環境給魚兒.
突變就常是出事之根源.
無論水質,溫度或其他突變影嚮(包括被打嚇),
會致魚兒備受壓力,而很容易會令魚兒收口或生病.
保持恆溫,對魚兒是非常重要,
如我們將新魚對溫做法一樣.
長開暖管及換水前先備水預暖,
皆能於冷天時減少因溫度突變而令魚兒出事.
試想想天冷室外約十度,
新水約十餘度.
如魚缸由26度換五份一缸水,
起碼立跌低至20度或以下,
又再慢慢靠支暖管升番上二十幾度起碼半日.
咁真係3溫暖,弱魚定隨時出事.
唔好話魚,咁玩法人都隨時病
如冇準備同溫度水,則衹可多換及慢慢換少許,
令溫差變化不致過多而致出事
我則備有5支暖管.
當然2個缸2支會長開.
而另3支則是用作Q魚及換水前暖水預備之用.
但天氣冷,如用普通大陸暖管(又如水不太多,約6-7L),
暖管一著就隨時30度, 唔著就20-22度或更低,温差實是太大.
所以我己換晒用 Jager管, 已試過好似著同唔著都冇咁大變化.
多約能9L保持近25度.
但天氣冷始終温度有D上落,
所以天氣太冷都係忍下手唔好加魚住咯.
另常見魚友所犯通病是心魔太大,
明知缸水有問題,但如遇愛魚大都不能忍手,
結果不難預見.
另養魚其實如追女仔般,
見有問題應胆大心細及早處理,
要用藥或隔離就應要快,
見就反就要立刻先換水减低水中毒性,
下蜂皇漿急救,或減低loading先將些愛魚取出,
用新水對溫暫養,那亦可減少些損失.
以上衹是些近常見之求救問題的愚見,
高手魚友懇請莫見笑.
當然亦絕非對有任何出此等問題之朋友不敬,
衹希望籍此post能向些新魚友作些微幫助.
===============================
有問必答
在pm曾提魚友任何器材都不能交叉使用,
你用西同過濾有否清乾淨,
否則功虧一簣.浪費功夫,
如每天換水過濾就可不必了.
如pm 覆魚友解釋為何每日換水,
正是害怕有此情況出現.
雖然分裂体tomonts 所需要的孵化時間約為 3 到 28 天,正常為 4-8天,
原理應是可以隔多一天才換水.但每日換更定減低風險.
而每日不換水,水中污物可能已毒死條魚
而AB桶所以不用太介意早上換或晚上換,方便便可了.
至於魚量, 原則上不太手多亂搞及換水前餵,
7-8L水, 4條3吋一日仍很安全.
但如隔天真是不便換水,
那水量則要增多一倍以上,
才較安全支持魚兒超過一天生活咯
而14天是正常成熟蟲已全離魚體,當然如溫度低便多幾日更安全了.![]()
如魚友覺合用,或能減少些損失魚數便好了.![]() ![]() ![]()
=============================
完
|
發表於 2012-3-5 00:12:44
收藏
支持
反對
唔養唔會死
對我呢d新手真係最大幫助師兄..!!!! 新手對水 ..好重要學到野
