求指教，15/16中，Redsea Reefer Nano.

Pm0pm

搬新屋。想開個海水缸玩。
N年前玩過FOT，今次想玩埋珊瑚。
不過已經脫晒節，得登上問各位高手。

問過幾間訂做，價錢原來可以差幾倍，試過有間18吋開我成$8000,平均都$3000-4000。嘩。小弟真係唔識選擇。以前$2、300已經做到4呎缸。諗諗。買套缸唔係差好遠。都叫做牌子。間間價錢差唔多。唔洗比人當水魚。
見Redsea套缸好似企企理理。又Size
仲1516緊 Nano 定170。
本身中意Nano 。四四方方幾靚仔。
但睇完實物又覺得Reefer 170 Size唔係大過Nano好多。但容量多成3份2。一個100L 一個160L,加上價錢其實差幾百。

下面係買list.


DISPLAY: Red Sea Reefer Nano
21G - 18"x18"x18" (Total System: 28G)
SUMP: 7G. ATO RES: 1.2G


LIGHTING: Shark LED Light A80
White / Blue Channel (2 Channel, Tuning Adjustment )
4 Type of the LED (White / Blue / UV / Blue + )


SKIMMER: Bubble Magus Curve A5
Pump  : ROCK DSP1000
Power  : DC24V/13W
Size: 185*180*470mm
Tank: 300L-500L
Water level : 20CM


REACTOR: Bubble Magus MINI 80
Pump : WP600
Power  : 220V/110V ,8.5W
Internal volume : 500ML


HEATER: 100W.


FLOW: Jebao RW-4 Series Wavemaker with Controller 10W 4000L/H

RETURN: New Jet NJ3000
Dimensions: 109mm x 96mm x 69.5mm
Power: 55 watts
Flow rate: 1500 - 3000 l/ph
Max Jet: 2.9 metres (114 inches)

求指教😁

nickdo

正經 D 訂缸... 牌子野差過訂造. 如果玩珊瑚, 最平就係缸同設備... 唔好慳. 用好耐.

最好2呎起. 易玩D.

5ocean

有位梗係買170，nano display tank 只有77L太細，170話晒都有130L，其他設備應該足夠，個ATO最好唔好用，好易水浸，換個好d嘅。如果玩RT要諗埋用邊種方法潻加元素，用滴定比較好。

Pm0pm

Thanks 2位Ching.

其實都有問過幾個有玩開既fd,
比較有經驗既，15年以上，都話訂做好，料靚。
反而近十年養既，就話套缸唔差。有啲用過Redsea都話幾好。所以先諗買套。

想知訂做同套缸質素係咪真係差好遠。係咪同以前唔同。
其實訂做最怕係比人搵笨，可能用$5000係A訂，原來喺B訂 $3000搞掂。

5ocean

大前提係你想玩幾大個缸，如果細缸，套缸冇問題。玩大缸玩設計就訂造。

Pm0pm

5ocean 發表於 2016-8-29 18:01
大前提係你想玩幾大個缸，如果細缸，套缸冇問題。玩大缸玩設計就訂造。

2呎盡啦。屋企細。無計

肥嘟嘟河馬仔

2呎我覺得套缸都ok唔洗煩

5ocean

Pm0pm 發表於 2016-8-29 18:14
2呎盡啦。屋企細。無計

2呎以下套缸冇問題，有時訂造都未必好，到時一肚氣，我都試過。

harryluk

Redsea 唔洗煩   

feifeidragon

現成缸既size安，緊係現成。定做都冇話揾笨，我個缸大路做，托返來運費都2K，識撿，D料真係靚好多。

Pm0pm

feifeidragon 發表於 2016-8-29 21:38
現成缸既size安，緊係現成。定做都冇話揾笨，我個缸大路做，托返來運費都2K，識撿，D料真係靚好多。

首先多謝咁多位既回覆，
有Ching話訂做好，有Ching話套缸好。
坦白講，我本身係想訂做既，咁有個同事，玩廿幾年。
得登幫我打去幾間問，結果.....
我自己本身做建材。料值幾錢，其實大概都知道，
同事幫我問，講埋用咩料。
18吋缸，佢開我成$8000。嘩，大佬，真係水魚咁襟。個真係.......同事以前一直有幫襯開，其實識既，但無開名，佢都想知生客訂會開咩價。佢聽完都O，喂大佬，玻璃同木咋wo.值幾錢，生客都唔係咁ma.個真係.覺得.好無信心。.......
買部50吋Sony 4K 電視都唔洗8K啦。
不過我深信。如果佢地對熟客，絕對唔會咁我估呢度有唔少Ching係。
可能自己都係做銷售，覺得咁生客真係有過分。

lee043210

Pm0pm 發表於 2016-8-29 22:40
首先多謝咁多位既回覆，
有Ching話訂做好，有Ching話套缸好。
坦白講，我本身係想訂做既，咁有個同事， ...

有同感D料值幾多心中有數，係大6掟個價比較合理，
不如如果係我redsea算

Pm0pm

lee043210 發表於 2016-8-30 00:15
有同感D料值幾多心中有數，係大6掟個價比較合理，
不如如果係我redsea算

大陸訂唔係唔好，但又怕喺大陸訂完，運到落黎香港。有咩三長兩短就好麻煩。一個唔好彩，個角崩咗。但又唔影響運作wo。真係唔知點好。運返上去又唔係。到時又係得個煩字。香港訂，始終有咩問題，跟進都易啲。反而喺淘寶買配件我覺得就無所謂，買多都係輸幾十人仔。

lee043210

Pm0pm 發表於 2016-8-30 08:22
大陸訂唔係唔好，但又怕喺大陸訂完，運到落黎香港。有咩三長兩短就好麻煩。一個唔好彩，個角崩&#21 ...

所以買個redsea算, 唔洗煩

小魚毛

Red Sea套缸靚仔又方便，而且價性比高，係好多Ching o既Dream Toy。但係玩Redsea套缸o既最大問題，係佢嗰間香港獨家代理o既「精彩行銷（騙）」手法，幾個月前至就ching講過：
Redsea 滴流套缸

另外，我亦都懷疑呢系列缸櫃o既可靠性同耐用性。佢呢種DIY式o既傢俬組裝方法，做衣櫃或者書櫃當然無問題，不過要呢放魚缸，我就有保留。所以幾位板大都話只有細缸可以諗，我相信就係呢個原因。ching你既然係賣建材，應該都可以睇到佢個櫃係用咩料。




我就懷疑呢種櫃可以用到幾多年，如果ching認為玩幾年再換新玩具無所謂就當然無問題，但成個缸全套設備過萬，換缸又未必全部架生用得翻，幾年貨仔咁玩法又會唔會奢侈左啲？

小魚毛

香港出名做珊瑚缸o既舖頭其實一隻手都數得晒，佢地大多都係唔近魚街o既樓上舖。佢地所sale o既，係質素、口碑同售後服務。因為客源唔多，所以是旦一樣做得唔夠，都好難生存落去。至於價錢，就當然唔係佢地o既強項啦。

我認為訂缸主要有呢幾個原因，至值得你畀更多o既錢：
1）特別o既設計，配合你個別o既要求，或者選用唔同o既器材，亦都可以選用唔同o既材料。
2）可靠o既質素，指用料、手工、同埋耐用性。
3）負責任o既售後服務，能提供中肯、可靠o既意見，清楚最新o既技術，但又唔會一味叫你幫佢買嘢。起貨前容許一定o既設計修改、起貨後能跟進所有問題。

開珊瑚缸的確有好多o既洗費，計算清楚，慳翻啲做缸錢，可以買啲好啲o既設備（ching好似未諗水冷，RT唔可以無）。加上ching有玩珊瑚o既老友指點迷津，咁就一定要好好利用，睇多啲、問多啲，比較多啲喇。

Pm0pm

小魚毛 發表於 2016-8-31 00:00
香港出名做珊瑚缸o既舖頭其實一隻手都數得晒，佢地大多都係唔近魚街o既樓上舖。佢地所sale o既，係質素、口 ...

Thanks 魚毛兄同樓上幾位。
睇完各位指導真係獲益良多。
我會細心再諗諗。因為想長玩,唔想幾年貨仔就玩完。
明白養魚要比好多心機同$..開始諗既時候。有諗過。慢慢Upgrade上去。定一步到位。但宜家覺得。預多啲$。一步到位會好啲。請問師兄們有冇訂做缸介紹呢？感謝。

ctraymond

請問師兄們有冇訂做缸介紹呢我都想做個4呎缸

小魚毛

筆直夠o既話，就一定係一步到位好。養珊瑚唔同玩相機、電腦，器材設備不足，好多嘢都養唔到，你忍唔到手挾硬買返呢落缸，只會嘥錢同埋犠牲無辜o既生命，所以慢慢upgrade上去只會令你更痛苦。所以你一定要知道自己有幾多預算，可以買到咩器材，再認清自己o既設備可以養到咩生物，咁至算係一個全盤o既預算。

至於訂缸，你可以望望呢樹，雖然係四年前o既推介，不過嗰幾間小店依然建在，證明佢地o既商譽同實力都。其實魚街或者其它區都有啲樓上舖o既造缸口碑都唔錯，ching不防行多兩轉親身上去問問，唔一定要抱住格價o既心態，當傾計吹水咁，你會發覺個老闆想你養到珊瑚，多過想你幫佢做生意，就算你無畀錢，都會發覺多左好多嘢落你袋。訂缸唔係齋畀錢買個缸返呢，老闆同你啱口嘴形，至可以畀到令你滿意o既服務畀你。

Pm0pm

小魚毛 發表於 2016-8-31 11:48
筆直夠o既話，就一定係一步到位好。養珊瑚唔同玩相機、電腦，器材設備不足，好多嘢都養唔到，你忍唔到 ...

感動。多謝晒魚毛兄。