準備開rt，很多不太明白。

gn01920884

缸18寸，無沙缸，sps
問題:1,有一個1litre筒推水冷，個筒放生物環嗎？
         2,上過樓上舖問過，光靠缸內生物石，便足夠過濾。需要很多？
         3, 珊瑚不是很怕n系列嗎，為什麼很多師兄都放環到濾筒？是關於珊瑚對nh4和no3忍耐力分別？
          4, 缸底需要放沙嗎？
           5, 18寸缸請問選多少w的led燈較好？
唔該師兄們幫助一下新手。
           

mcdull918

1,有一個1litre筒推水冷，個筒放生物環嗎？<<< 對,打爆佢
2,上過樓上舖問過，光靠缸內生物石，便足夠過濾。需要很多？ <<< 越多越好
3, 珊瑚不是很怕n系列嗎，為什麼很多師兄都放環到濾筒？<<< 環是菌的理想居所
   是關於珊瑚對nh4和no3忍耐力分別？ <<< 呢個唔識,只知有方法可以解決就不大問題了.
4, 缸底需要放沙嗎？ <<< 個人喜好,裝飾用,又或者養既魚種要有沙就放囉. 沙易藏垃圾,所以 CHING 們都不建議,但我有用
5, 18寸缸請問選多少w的led燈較好？ <<< 硬件唔太懂,但買大點都唔怕,可以唔開盡,第日換缸都用得返麻.
唔該師兄們幫助一下新手。<<< 我都係新手,加油呀 ! 上面回答有錯請 CHING C 姐們更正

gn01920884

唔該師兄！

jacky66

路過搭倆句
如果樓主未養過咸水魚或LPS，建議先從前者入手，濾筒養淡水魚還可以，要養咸水魚亦未必一定養到，更煌論SPS...
濾筒最大缺點就係積存大量魚糞剩糧制做廢料在筒內，N氐幾兄弟長期高企。如想用濾筒，倒不如用生物石定期換水，但建議先玩LPS，SPS落缸冇耐變哂啡/白真係幾肉尺。

gn01920884

你好，JACKY 師兄, 幾年前都有養咸水魚,果陣係用廁所水養的。 無時間打理,番左缸。
我現在個筒放了小量生物石入去,所以我應該買多個PUMP推水冷嗎?  而缸內加多D生物石入去?淘寶買個ATS外掛盒嗎?
LPS都會在開始養的,只係目標在SPS,因此我開缸前問的問題都是SPS為目標的。  如果技術唔夠養唔到SPS就長養LPS

jacky66

ATS自己未用過，但可減NO3,PO4,其他Ching口啤不錯。
推水冷係要多個pump，但如果用濾筒pump加濾材的話係要經常打理清洗濾筒，因最毒既野都會積存在內。
先玩LPS，定左先再試SPS，keep到唔死，唔變啡/白，有生長，爆花出蘇，keep到色，養好色...依個過程係相當相當漫長...

小魚毛

己經過路好多次，都係忍唔住搭幾句⋯⋯
玩sps絕對係器材先決，經驗同技術只可以係輔助，所以即使樓主有幾年FOT資歷，最好都係當自己係初哥咁重新規劃。
既然係器材先決，sps系統o既複雜程度亦都可以想像得到，如果你玩FOT都唔得閒打理搞到反缸，咁你可以抽更多時間、心機同＄畀個sps缸嗎？

問題:1,有一個1litre筒推水冷，個筒放生物環嗎？
樓上己經有Ching提到，濾桶只係fot初階器材，我唔敢話佢一定玩唔到sps，不過我真係未見過。
         2,上過樓上舖問過，光靠缸內生物石，便足夠過濾。需要很多？
樓上舖都有好多間，唔知你問邊間。不過如果只靠生物石做過濾就夠，咁仲洗咩又沸石又豆又草咁多嘢搞？
除非你用生物石打爆個缸，而且只係Keep小量珊瑚同魚，然後密密咁換水⋯⋯如果唔係，我唔明點解會有人咁教你。
         3, 珊瑚不是很怕n系列嗎，為什麼很多師兄都放環到濾筒？是關於珊瑚對nh4和no3忍耐力分別？
同第一條間題一樣，我末見過用濾桶加環就玩到sps，sps對n系近乎零容忍，除非你所指o既缸係LPS主力，然後插幾支sps，不過咁就唔係你所講o既專攻sps。
          4, 缸底需要放沙嗎？
前面己經有Ching講得好清楚。唔重覆。
           5, 18寸缸請問選多少w的led燈較好？
除非你DIY，否則現今o既廠燈更加注重用唔同色o既燈珠呢提供更廣闊o既光譜（即係所謂「混色」），以滿足sps o既生長需要，W數只係基本要求，唔係玩sps o既重點。你可以考慮大廠Ai、Kessil、Radion等o既初階產品，18寸缸應該夠用，呢啲都係有口碑而且肯定養到sps o既燈。次選就係Maxspect、Zelight之類，喺耐用性同使用方便程度差少少，不過一定要揀專攻sps o既型號，唔好見到個牌子就亂畀錢。
唔知啱唔啱你Budget，不過燈俱應該係sps器材o既最大投資，其次就係水冷、造流、過濾系統⋯⋯

樓主只係提過生物石同ATS，我懷疑呢兩樣夠唔夠做sps過濾系統o既主力，建議你再做多啲功課，睇o下點樣解決sps對水質要求o既問題。亦都唔見你提到造流，係咪已經有打算？

唔係想潑你冷水，不過o既然目標係sps，就唔想你買唔啱用o既器材返呢左試右試，嘥錢嘥時間嘥心機，舖頭當然想你不停做白老鼠，不過好多Ching就係咁放棄，然後話sps好難玩⋯⋯