新手缸火柴、海葵請教...

5525

arfaifai 發表於 2020-8-22 23:03
其實你唔需要check Nh3/4 , 因為有生物就自然會有，硝化功能n cycle就是把Nh3轉成no2再轉成no3, no3係最終物 ...

呢點我明白，我NO3 除咗第一個月養水期間去到50之外，係第五個星期開始一直KEEP住10左右，因為見到NO3保持較低水平，所以開始落生物。

除咗最近既海葵同火柴，之前買咗食台螺同醫生蝦都係失敗收場，除咗第一隻醫生蝦同頭兩隻食苔螺養到兩星期，之後買過幾隻都係落水第二日就死......

arfaifai

不如你清左個沙底，攪好d主缸水流才再加其他生物，見到你個缸總覺得死氣沉沉…另外見你成日話check各類指標，其實你用那一個牌子tester ?用光學咸度計？

小魚毛

針對你而家落珊瑚同葵即死o既問題，應該處理咗水質先；造流、鋪沙呢啲係長遠問題，可以遲一步再搞。

Fai ching無講錯，你睇到NO3無再降，以為OK就落珊瑚，呢個至係問題。NO3有10，一啲都唔理想，但其實都未至一落就死，事實上都有玩家可以o係咁o既數值下keep到火柴同葵，當然一定唔靚啦，甚至半生不死。

所以你應該同時要睇埋PO4。珊瑚缸水質，LPS缸：NO3--10以下、PO4--1以下，SPS缸：NO3--1~0.3、PO4--0.03~0.01。如果你測試無錯o既話，你NO3只係砸界，但PO4就超標數倍！

先測試你o既水喉水，正常本地水喉水o既NO3都有10，所以你缸水就算n-cycle完成都只降到10，唔係你個缸過濾系統問題，而係你o既水源問題。基本棉碳過濾、除氯，係減唔到NO3。NO3高，PO4自然都唔可能低。

小魚毛

建議你先試改換水源，去超市買大樽蒸餾水（唔係礦泉水，唔好搞錯！）呢代替水喉水，可以分幾次直至100%換水後，睇o下NO3、PO4數值同生物狀況有無改善，有o既話，就要忍真諗諗轉水源。除非你有米又有肌，否則買蒸餾水一定唔係長遠辦法，純水機或者廁所水，暫時都係本地RT玩家o既主要出路，樓主可以之後慢慢再做功課。

養藻啲確夠Natural，但Natural亦都等於難以百分百複製，難以保證百分百有效，因為有太多因素難以控制，所以ching建議你滾豆、行ROWA、放好啲環，因為咁玩易控制易見效，啱新手跳海。藻唔洗即撤，放埋一邊畀夠水流燈照，當輔助設備就得。

5525

arfaifai 發表於 2020-8-23 03:46
不如你清左個沙底，攪好d主缸水流才再加其他生物，見到你個缸總覺得死氣沉沉…另外見你成日話check各類指標 ...

用salifert tester、光學鹽度計

5525

小魚毛 發表於 2020-8-23 10:39
針對你而家落珊瑚同葵即死o既問題，應該處理咗水質先；造流、鋪沙呢啲係長遠問題，可以遲一步再 ...

多謝CHING意見∼∼PO4=0 (手快打錯咗🙏)
Check過水喉水NO3係10

5525

小魚毛 發表於 2020-8-23 11:06
建議你先試改換水源，去超市買大樽蒸餾水（唔係礦泉水，唔好搞錯！）呢代替水喉水，可以分幾次直至100%換水 ...

收到CHING，我試下
THANKS ~~

arfaifai

5525 發表於 2020-8-23 13:46
用salifert tester、光學鹽度計

完全無問題

5525

arfaifai 發表於 2020-8-23 22:16
完全無問題

THANKS CHING
我睇返個缸，造流的確係一個問題，我調節咗造浪個方向同上水個力度，依家缸入面既造流明顯好咗。
雖然前日買既兩件軟體都係救唔返，但經過各位既意見，我對海水缸既了解又加深不少，多謝大家。