環在珊瑚缸

r199818

樓主已經講了大前提環內基本上要做到最低含氧量，用什麼方法做到這個要求，大家可以想想

Jamjam226

睇完各Ching高見獲益良多，
我無理解錯的話no2可以用環來解決
但no2會生成出no3，而在大量環加底水流可形成壓氧品處理部份no3
多餘的no3就依靠碳原解決，但小弟仲有一個問題
就係Po4，這是否分解no3的生成物？左缸中有沒有生物方法可降低（除養水草缸做過瀘）是否一定用薬水

chihim

po4 唔關no3事。。

Lewis_Lo

小弟有個問題
我40吋缸，600L水，用120L SERA環，豆樽只放20ML豆豆，開缸三個多月，養十多條仙及十幾隻蝦。
每星期換60L水
現在 NO3＝0，PO4＝0.25。

其實用SERA環是否真的可減NO3 or 跟本就生物小，生產NO2少，引至連NO3都少，所以能比個少少20ML豆豆解決NO3？

chihim

Lewis_Lo 發表於 2014-5-2 02:19
小弟有個問題
我40吋缸，600L水，用120L SERA環，豆樽只放20ML豆豆，開缸三個多月，養十多條仙及十幾隻蝦。 ...

停豆米知

TimTim

我咁睇，
1. N2 去 ammonium compounds由nitrogen fixing bacteria做，魚缸內此菌份量好小，效果可以忽略。
2. 水中ammonium compounds主要來自餵食。糧無比魚食都會比其他野食，最後一係變成該生物既肉，一係代謝後變ammonia排出。
3. ammonium compounds轉no3靠nitrifying bacteria. 此菌要似附「表面」生長。任何表面都得，而有凹凸不平位既表面可提供更多表面面積，所以可以比多d菌生。石同環都係做緊呢樣野。
4. 環會令no3升，我估主要係因為環會卡垃圾，令原本可以比化氮打走，棉隔走既野留左係水度分解出更多ammonium compounds再令no3升。如果係底缸加個做流吹正d環，應該可以解決問題。外國有用環養珊瑚既ching都係咁做，效果ok。當然，細菌死都會放番n出黎，太多環養太多菌都會令baseline level既no3提升，即係no3長期唔上唔落keep係一個水平。
5. 大家講既厭氧菌將no3變番做n2，理解上可能有小小錯誤。其實「厭氧菌」並不討厭氧氣，亦唔須要無氧氣先生到。基本上，呢d厭氧菌（denitrifying bacteria）係缸中周圍都係，只不過佢平時唔吸no3，都係吸氧氣黎做呼吸作用（同人一樣）。不過，佢地有能力係唔夠氧既情況轉用吸no3。因此，只要我地提供到一個低氧既環境，就可以「焗」佢地吸走no3。所以講緊既重點唔係生唔生到「厭氧菌」，佢地周圍都係。而係可唔可以做一個低氧環境，迫佢地轉吸no3唔吸氧氣。
6. 環可以做到低氧環境。只要生係表面既菌夠多，而環既洞夠細就得。生係表面既細菌吸走菌氣，而洞細水流慢帶唔到足夠氧氣去洞入面，咁個洞中就係低氧環境，d厭氧菌（denitrifying bacteria）會開始吸no3。只係，呢個份量有幾多呢？環既中心低氧位我估唔會好多，因此環可以做到，不過效果低。
7. 如果講到效能，用碳源呢個方法一定比製造低氧位焗厭氧菌吸no3高。因為製造低氧位都要有足夠（好大）既位置先有明顯效果，如果唔係基本上唔夠no3形成快。而碳源則唔須要佔好大位置（基本上就咁車carbon落魚缸就得）。
8. 但係碳源都有佢既問題… 因為碳源其實係比多d能量細菌，等佢生快d生多d。而係佢地生長既過程除左能量仲會吸水入面既nh3/no2/no3黎整蛋白質。咁，就可以將溶左係水中既no3，變成細菌既身體，再由化氮打走。但係，如果支化氮唔夠勁，打唔走，咁d菌又留番係水度，咁佢地又會死又會放番n出黎，即係得個吉。因此行碳源，勁化氮係必須。
9. 碳源仲有另一個危機，就係當細菌生多，如果一下子改變太大，會令魚缸失去平衡。一個缸其實入面有好多不同品種既菌，佢地互相克制，令缸內環境保持平衡。如果一下子某幾隻生得多左好多，會令成件事失控，可以反缸。
10. 碳源令菌生，生會吸no3。其實仲會吸走其他野，因此元素既補充都要注意。我就咁落海水素加換下水其實都得。而菌生會吸走邊種特定既元素，我真係唔係好知，要請大師們補充。

vsvs

Lewis_Lo 發表於 2014-5-2 02:19
小弟有個問題
我40吋缸，600L水，用120L SERA環，豆樽只放20ML豆豆，開缸三個多月，養十多條仙及十幾隻蝦。 ...

600L水,石都應該唔少
我估你啲豆豆做唔到啲乜,得20ml咁少
10條咩類型仙魚先
你啲環應該做到野

vsvs

TIMTIM師兄所言甚是
用環目的只求:
適當數量細菌--適當的環境--適當處理效果

chihim

TimTim 發表於 2014-5-2 10:05
我咁睇，
1. N2 去 ammonium compounds由nitrogen fixing bacteria做，魚缸內此菌份量好小，效果可以忽略。 ...

吸元素？  用翻之前滾豆 一個月無換水既 數據

鈣少20 鎂少30 kh少1  一缸軟野加lps

元素好多 不過最重要係上面三樣。。  

唔知吸左乜，落海水素 唔多好，因為太多本來唔需要補的 會補埋入缸

海水素者系 海水裡面 果20幾種元素。。 好多對珊瑚無用，本來含量都系極低

換水指定動作 絕對好過落海水素。。 個人覺得這支野買來係浪費錢的

4. 如果成立，石頭一樣。。。。

vsvs

行外加炭源,食carbonate好快,要多補充

chihim

適當數量細菌，我估計係由落幾多碳源控制吧

環多菌會多，前提係有野刺激d菌爆長？

任何生物都要有多個條件合適先可以大量繁殖吧

都系果句，以我了解 環同生物石 好處壞處都系一樣的

記得以前怕林話 一升水一磅石， 先叫足夠。。。。。

唔比你食，比大大笪地你 都無力繁殖後代

Lewis_Lo

vsvs 發表於 2014-5-2 10:07
600L水,石都應該唔少
我估你啲豆豆做唔到啲乜,得20ml咁少
10條咩類型仙魚先

[backcolor=rgba(255, 255, 255, 0)]魚有：金虎紋，異變珊瑚美人, 混火仙，火焰仙，金頭仙，閃電批，藍點批，日本仙，石美人，黃丹吊，德國雀，畢卡索，野生飛機紋小丑
[backcolor=rgba(255, 255, 255, 0)]已上都係魚仔，由1吋至2.5吋，每天餵一次

TimTim

chihim 發表於 2014-5-2 10:36
吸元素？  用翻之前滾豆 一個月無換水既 數據

鈣少20 鎂少30 kh少1  一缸軟野加lps

同意海水素唔可以加太多。我一個月一加支。而問心，我覺得唔加都唔會差太多，因為我一星期都換1卅8水。加，都係心理作用多。（有碳吸d，化氮又打d，豆有菌又吸d，加番d安心d…）

TimTim

chihim 發表於 2014-5-2 10:51
適當數量細菌，我估計係由落幾多碳源控制吧

環多菌會多，前提係有野刺激d菌爆長？

有位，其實就會生到。
水入面只要有好小，就算check都check到係0，都夠菌生。
菌生長，最大既限制因素係位置。
因此，太多位，就會生太多菌。菌累積多，死都會多。
咁既情況，會不斷放番no3出黎。
只係，放出黎既no3會又被菌吸番。
吸no3生長，死又放番出黎…
一個cycle咁。
因此唔會見到no3係咁上升。
而係會見到no3 keep係一個水平不變。
平衡點咁既情況。

呢個係太多菌既問題。
而環，提供既surface area太大，好多時都會引致呢個問題。

chihim

甘石頭太多米一樣會發生這個問題？

者系kz  nz 石仔太多？

TimTim

我覺得石太多都會有呢個問題。不過石通常唔會因為無人會放到成個魚缸只得石。
而以我所知kz既石仔係用作吸附劑，用途同碳相似。

nickdo

其實太多人混淆左. SIPORAX 唔係用黎減NO3. SIPORAX只係可以用黎替代生物石的product黎. 加多D SIPORAX = 加多D生物石, 可以咁諗.

咁有人又話, 用 SIPORAX 係FOT係咪可以做到NO3=0, 咁我又問返一個問題, 用生物石係FOT係咪必定可以做到NO3=0? 答案係有人得...

只用生物石乜都唔加 RT 可做到 NP 接近0. 同理 SIPORAX 都可以.

點先可以? 有好多因數, 大水流最重要, 清缸低, 低缸0積屎, 勁化氮, 等.

但如果自問用生物石做唔到NP接近0, 諗住加 SIPORAX 黎做低NO3. 咁就錯了.

用SIPORAX至少有下列優點.

主缸只用超少石黎做景, 咁主缸水流就可以好好, 積屎少, 垃圾更易被帶去底缸.
化氮打到更多垃圾
SIPORAX 可以定期清洗(傳統主缸生物石就只有越積越多垃圾)

chihim

TimTim 發表於 2014-5-2 13:40
我覺得石太多都會有呢個問題。不過石通常唔會因為無人會放到成個魚缸只得石。
而以我所知kz既石仔係用作吸 ...

沸石。。  吸野只系一個小功能，主要系養菌

chihim

相信體資料都會體到 石用一段時間會死，要煲 重生

如果單純話環係no3 工廠。。 積垃圾 等等

石頭又何嘗不是一樣？

深水角

我瑚仙缸派……

發覺用環有效……
對養魚有穩定作用