對近日珊瑚缸分享有感而發

kfd

請容許我尼個小小小商家+收藏家發下聲
價就當然每個人都想低﹐商家想﹐玩家都想
容許我中立講句
拿件普通野﹐frag 開﹐再標高價﹐真係甘易賣﹖
其他人﹐吾羅自己個件順勢走﹐其他商家都吾會放過幾會大量入貨
返而﹐如果一件精品﹐係香港吾熱既﹐你估賣得起價嗎﹖
情況就好似皮係美洲係無人買一樣

精品﹐固當然夠靚夠少先叫精﹐價錢一定會比普通既高
每個人玩既心態都吾同﹐有人要靚﹐有人要罕
當一個有能力賺錢﹐又肯洗錢﹐又識貨既買左件天價既﹐
你有資格話尼個人很不智嗎﹖
雙反﹐一個能力有限既新手﹐見一件貴價既﹐也不會毫不猶疑去買
第三個可能﹐一個有能力賺錢既新手﹐亦吾會買貴幾多次

真正同我傾過計既朋友都知我吾會推野買﹐有時更會叫朋友停一停諗一諗
我叫過等價落既人大有人在
因價錢都係圍繞住潮流﹐需求﹐供應
解釋過普通既都可以好靚亦不為其數
因好多靚珊瑚亦供應充足

係度想各魚友﹐網主﹐管理人員深思﹐尼度始終係公開論壇﹐
我連小朋友客都有﹐真係想大家考慮下
其實預見有人標價太高﹐大可公開提點參考市價
一來提點不知情買家﹐二來亦可提點不知情賣家
三來免傷和氣
尊重先係最重要﹐無人真係要上網鬧交

新既一年希望大家和和氣氣
和氣生財

魚苗

近日網上平野標高價確係唔少，借分享做推廣，跟著係分享post 賣野又有，我現在先知甚至有人專登推高價玩野又有，自己將平野標高價賣；引起話題時又話自己都覺得價高。試問新手們點會識分以上情況呢？有心標高價玩野既人又有否諗清楚，如果真係有人pm 難道佢會唔賣？
養魚或珊瑚都只係興趣（當然有人係搵食），而每樣興趣都會有新手、老手，亦有退出、加入。之前提到物極必反乃自然定律，如果此現象繼續發展落去，frag 價越升越高，商鋪亦會惡性循環提高價格，最後負擔唔到既只有退出，市場跟著收窄，香港商鋪入貨減少，仍繼續玩既師兄選擇更少。
我並非養魚同珊瑚太長時間，但以前魚網風氣唔錯，仍記得當時新手睇好多post 學養魚，而campo 大師亦好樂意教魚友，他的q魚方法令我獲益匪淺。
希望網上平台能良性發展，令更多魚友加入，日後大家都可以更多選擇。多謝以上咁多大師回覆這post ，公道自在人心，但願能講到做到。

傻傻地單眼仔

horseone820731

有騙子手法,標高價賣皮,有人一留言話貴,即是話已HOLD
製造好搶手既效果,新手見到真係以為自己慢左一步,下次就唔理係咪買貴就買.
重有樓上有師兄講話,覺得貴就提點一下賣家留意市場價,有師兄一留言話貴就比人圍攻,
圍攻既大部份都係其他商家或賣野既媒或者自己WHATAPP組入面既自己友.
當然啦,師兄賣市場少有品種,又有買家想搵心頭好,係好事,香港好難搵到好野買
我不高興只係個別師兄既賣野手法姐.賣貴價靚野或賣名牌係正常商業社會都有既現象.

chihim

真係佛都有火。 。 60蚊有幾高吖 xx星。。。普通果d 宿宿埋埋10寸賣60吖

買果個ching 碴架benz 來交收，已經養左好耐，你話係新手吖？

我係fishzone 答問題 用自己係其他ching ，網站 學既 教人既時候，好像唔見你

塊草皮 我養左幾耐，黑店特價100蚊 4寸只見肉 超短so 無色買

60蚊賣寸幾 我真係 無深究，送我就體心情，不過見話貴。

直接賣20蚊。 點q知 你個人係要追住來咬。 真係目的明顯不過

老老實實，要指責我，你還未夠。 首先問下自己做過d 乜



你係邊？ 穩野吵，打字單單打打 你就厲害，乜叫鍵盤戰士？吵架就有份

chihim

開這種post 道理係有，但亂甘咬人  我實在不能同意

是非不分   小小事 係都穩d 機會 出來 借d 意 兩句

60蚊 聽意見 變20 都講9我 推高價引發話題扮野

者係成個post 開頭目的原來就係打9我

唔怪得點解會話爛草皮。 你唔好講我對號入座

係你自己講得甘明。 我要講就係甘多，人在做 天在看

kfd

魚苗 發表於 2014-2-9 08:13
近日網上平野標高價確係唔少，借分享做推廣，跟著係分享post 賣野又有，我現在先知甚至有人專登推高價玩野又 ...

平有平路﹐貴有貴路
鋪頭走量吾會玩到坐係度
鋪入得就自然平
見貴野賣得就會入靚野
惡性循環﹖
提下大陸﹐美國對比
大陸鬥價﹐鋪大多低檔貨﹐美國平有﹐超貴都有
市場平衡取決於大家
只可以講﹐量力以為﹐鐘意﹐覺得值以夠
係甘追住賣方﹐亦要考慮買方感受﹐無咩人吾考慮就買

kfd

chihim 發表於 2014-2-9 12:35
真係佛都有火。 。 60蚊有幾高吖 xx星。。。普通果d 宿宿埋埋10寸賣60吖

買果個ching 碴架b ...

冷靜
我信你~ 識你既都知你係傻既好人

肥嘟嘟河馬仔

chihim師兄又邊會低價野高價買，佢送出去既珊瑚多到嚇死你，唔知就真係咪亂寫。

傻傻地單眼仔

可能大家一場誤會啫

heary

一個怪人而家先發爛渣已經叻左好多！

heary

肥嘟嘟河馬仔 發表於 2014-2-9 13:13
chihim師兄又邊會低價野高價買，佢送出去既珊瑚多到嚇死你，唔知就真係咪亂寫。

佢冇送野俾我，等我亂九咁寫佢先

tommy008

其實明碼實價，你情我願就沒有什麼問題。
除非貨不對版。其實上得2手綱看得多都會知價。

魚苗

chihim 發表於 2014-2-9 12:35
真係佛都有火。 。 60蚊有幾高吖 xx星。。。普通果d 宿宿埋埋10寸賣60吖

買果個ching 碴架b ...

我相信你係講緊我，在此略作回應。
首先$4888件皮革係假局，相信只有認識你既人先知，其他師兄睇到會有咩反應呢？會否認為現在非洲區內既皮革都係咁貴呢？
其二草皮問題，你自己都覺得賣$60係貴，而我話爛草皮係你回應之前，當賣方都覺得開價太高，我咁講有咩問題呢？
第三點我捫心自問未夠料教人，自己養野亦唔係太好，仍在學習中，試問咁又邊有能力教人呢？
我出這post 目的已多次表明，而以上所講你兩個post 都係有關，所以提及，而借分享賣野；甚至於係post 賣我都有提出，並非只針對你。如以上有些師兄提出如覺賣家太貴在該post 提出，真的可以嗎？到時真係唔會被圍攻嗎？我係依個post 就現象講都得到這些回應，如回應那些post 後果如果，真的心中有數。我不會再回此post 了，如要繼續請自便。

CoralKing

我從無賣過珊瑚,上網買就有

價錢從來都係市場定價,

我都好奇怪點解有人出哩D POST.

雖然大家都想市場健康,但事實上係無可能.

哩個POST 會唔會令一些擁有靚種既師兄為免麻煩

以後唔係度賣野?咁我買唔到好野係咪你負責?

請不要以保護新手為名,扮正義出來擾亂跌序

從來社會就係咁發展,有人出來話樓價唔健康,

有人出來話IPHONE炒得貴,到今日有人出來話珊瑚貴.

科技發達,新人有責任去攪清楚市價就量力而為.

我講野唔似KFD 師兄咁文雅,但這是事實.

我好奇怪樓主點解唔投訴ROLEX ,LV 一年加幾次價,

FERRARI 換零件咁貴?

講到尾,玩唔起就唔好玩,覺得貴就唔好買.

大家想個環境好D,就搵方法討論下.我同意COURCARRE師兄建議如有人係2手太多出售可以轉去商業版
大家想方法去做好D.
唔係係哩度扮正義,自由市場,無人有資格去批判.

a14

有人講操囗呀
河大，做野!
魚苗兄，我buy你呀!

肥嘟嘟河馬仔

提下大家唔好寫粗口,仲有邊個寫粗口我睇漏左

Teddy

肥嘟嘟河馬仔 發表於 2014-2-9 21:23
提下大家唔好寫粗口,仲有邊個寫粗口我睇漏左

我都睇緊...