O3機一問

小魚毛

樓主請睇清楚樓上ching點答你先！唔好知啲唔知啲就亂加o架餐！！

NO3同O3係兩樣嘢呢，唔可以搞錯！

O3（臭氧）可以消毒殺菌、除臭，從而改善水質，但呢啲同減NO3無直接關係，最多只可以話佢有助減少缸中生物o排泄物或食物殘渣轉化成NO3等污染物，但咁只係有限程度，絕對比唔上你控制餵飼量有效。所以03機肯定唔係你諗咁用呢減NO3！相反，如果使用不當（例如將O3直接打入生物環，就會殺死硝化細菌），有機會削減硝化系統o既功效。
呢篇嘢講得好清楚臭氧有咩效用，自己慢慢刨：臭氧機的論述與運用

NO3（Nitrate 硝酸鹽）係化合物，唔係細菌，所以臭氧對佢起唔到作用。相反，水族系統中減NO3 o既方法，主要就係利用不同的細菌呢分解（ie.硝化作用），同減PO4 o既情況類似，加藥水、煲豆就係呢類；或者用吸附性o既濾材－－火山石（玩家多叫「石仔」），呢吸取水中o既 NO3、PO4等營養鹽化合物。

所以O3機主要係FOT用多，RT要解決 NO3同PO4問題，高階玩石仔系統，中階便捷揀豆豆或通粉，初階可以就咁試o下加藥水（減NO3\PO4專用硝化菌水）。

一般生物環都好易產生大量NO3，唔適合RT缸用，佢同O3機都係FOT缸o既器材，唔多啱用落珊瑚缸度，唔好以為養到魚就可以養埋珊瑚！