小丑+地毯,奶咀葵問題

小魚毛

落銅係針對魚檢疫，對海葵而言絕對唔可以有銅o係缸內，樓主冒必要小心將主缸同檢疫缸分開操作，而且海葵亦都無咩檢疫程序可以做，一般對溫對水就可以落缸。

反而要留意海葵通缸「走」o既習性，特別係奶咀，暫時都未見有咩有效「安頓」佢地o既方法。所以魚缸o既落水口同造流泵，都一定要加「花籃卅網袋」之類o既「安全套」，避免隻葵走入去變肉碎。

至於地毯，雖然佢比較安定（有沙面就可以坐定），但由於佢毒性較強，唔係所有小丑都頂得到，火公卅茶公之類就唔敢埋佢身，對其他魚呢講就更加係「生人勿近」，所以如果只係玩「小丑＋海葵」就問題不大，否則的話，意外傷亡肯定無日無之。

養海葵其實同玩魚玩珊瑚唔同，只係分種類同配搭唔同種o既小丑就已經有排研究，ching最好做多啲功課先。