珊瑚燈一問

小魚毛

樓主，之前都睇緊Kessil，做咩downgrade到去Aquabeauty同shark？

論牌子，Maxspect肯定好過shark或者Auqabeauty，Zelight都只係「山寨」M記o既貨。不過Maxspect o既QC真係嘛嘛，啲燈比較多鑊氣或者好快壞；至於Zelight，shark或者Aquabeauty就更加唔洗講！
燈我比較崇洋，Kessil, AI 同 Ecotect 都係好用兼襟用o既大牌子，問題只係唔知啱唔啱樓主o既畢直。

小魚毛

一份錢一份貨，樓主你睇二手區啲 Post就可以見到。Maxspect燈一地都係，好多都帶病帶傷，而且都係年零貨色多，可以預計到佢有幾襟用。

K，A 同 E 三隻係二手區珍品，一放即刻有人收，貴買但係二手有市有價，Ai 同 Eoct. 呢系列o既燈出產都有四五年時間，有關o既設訴真係唔多。所以如果畢值有限，不防留意o下二手市場，好彩執到枝，夠你開開心心玩佢三幾年。

不過講返轉頭，以珊瑚缸設備呢計，水冷之外，燈俱應該係第二貴o既投資，值得你「挪用」其他設備o既預算投放入去。