請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 21414|回復: 6

養11間仙的心得     [複製鏈接]

Rank: 9Rank: 9Rank: 9

最佳新人 活躍會員 熱心會員 灌水之王 突出貢獻 優秀版主 論壇元老 開網功神

發表於 2012-2-24 21:12:05 |顯示全部樓層
相對蝶魚,仙魚比較容易養,全因仙魚是雜食性。然而仙魚中比較小型的侏儒仙科因魚型嬌小。活潑性恪及美麗色彩就有很多小型缸,瑚仙缸以致大型魚缸的愛好者。侏懦仙科中, 以火焰仙, 虎皮仙,檸檬批最受歡迎。以火焰仙為例, 鮮火紅色的魚真是不太多,一想起紅色魚便想起火焰仙了。 而侏懦仙中火焰仙難度更加是入門及了。

之前小弟已經介紹過火焰仙的飼養心得, 今次就分享下11間仙的心得。如果火焰是容易養的品種, 那麼, 11間便是難度極高的品種。建議有專業經驗的魚友才試養。 網上對11間仙的飼養方法及經驗分享也不多。 只是說難度,沒有教人怎樣養好。雖然好多魚友想一跳就跳去養11哥的心得, 不過都要介紹下條魚先。

11間仙可以在大海生長到12cm長 (4.7吋)可以話侏儒仙科比較大型。白色身體如中國米通, 再加數條黑間, 黑色的間條近肚位也漸變黄色, 還有一點小假眼。嘴巴黃黄的小小鸚鵡嘴, 加上圓圓眼睛, 非常可愛。魚友可能會發覺市面出售的11間沒有11條間, 其實因為成年的11間仙才有11條間的。令外也有一種只有八間的品種,英文學名一樣,但八間的11哥有黄色直間的。 有研究指, 所有11間幼魚都是乸的, 除後才有機會變公的。11間仙是在太平洋近印尼水域生活, 南至大堡礁, 北至日本,西至可可島,而東至社會群島。所以水質要求同其他太平洋魚一樣, 水温24-28度。 SG1.020-1.025, PH 7.8 – 8.4 , 野外的11間生活在山洞以致70米深的崖壁, 喜歡穿梳石隙間,這點對我地Q魚有好重大啟示。

好想養11間呀,到底我魚缸要有咩要求?  

先唔好講11間點開口住, 首先問一問自已個魚缸的情况。 11間唔好睇佢嬌嬌小小,其實領域牲都幾強,加上天生喜歡在石隙間游來游去,所以魚缸應該石多,洞多, 令11間安全感大很多。所以珊瑚缸養11間很適合。不過,小弟主缸只養魚,沒有珊瑚,但有石及山洞,所以有魚友用生物石養魚也有機會成功。如果石不多的魚友,只好個缸特別養他,像君子仙一樣對待了。很多魚友只有一兩片黄骨。大魚多,這些魚缸其實對11間來說很難適應的。 魚缸也建議要大要多空間游水。 36” 以上就更理想。 令外, 11間是斯文型的仙魚, 不過很少其他魚種會打擾佢, 只有其他仙魚因地位問題而追趕。 當11間習慣了魚缸, 自然發揮強悍本色。 不過11間身手敏節, 只要魚缸夠大, 多石, 西起對耐D班舊魚, 搶晒口才落缸, 就算魚缸有其他侏懦仙都冇問題。

魚缸有大魚又得唔得呢?

很多新魚買回來都很擔少,11間也不例外。不過日子久了, 11間連大魚也不怕的。加上大魚對11也沒有興趣, 在河水不犯井水下, 11間可以很舒適地和大魚生活。如果大魚多, 11間有時更加會像醫生魚, 幫大魚清潔。

點選擇一條好嘅11間呢?  

養到一條魚, 第一樣要做就係選擇一條好嘅魚。由其是11間這些難開口魚, 一定要好好選擇。一條靚11, 最好size係1.5吋。太細怕未開口已收背, 頂唔得耐, 太大又怕唔開口。 1.5吋岩岩好。令外, 一般留意仙魚要看條魚有冇態, 有冇留意四周人物, 有冇收背爆身爛旗, 不過選11要更嚴格, 要留意佢有冇望缸厎或玻璃找東西。 如果條好魚細心咁望缸底或好像找東西似的, 表示正在找野食, 開口機會大好多. 以小弟觀察, 有這動作的11不多, 真正啄下去更加少, 不過, 我真的見過!! 有條還在袋裹啄了個袋數下添。小弟除自己養到一條外, 也曾幫朋友揀條11, Q魚至開口, 揀魚條件一樣。

11間點開口呢? ....
曾有外國魚友買了條11間回家, 唔Q魚直接入珊瑚缸, 因明知唔食粒粒, 想盡快令條魚習慣環境。那11間頭三個月很少游出來, 見人就走. 期間共食左魚友3個腦珊瑚。  都算開左口, 之後佢放了Formula One片在腦珊瑚骨上, 佢有試食, 後來就食左片糧粒糧了。後來魚友沒有再update了。之後我再找不到有魚友記載有魚友講11哥開口過程了。 其實養11哥又唔一定要用腦珊瑚嘅。仲記唔記得小弟之前<開口問題淺談>一文中討論過的壓力問題? http://www.seafishfans.com/viewt ... &extra=page%3D1

新買回來的11間可以做FWB 5分鐘, 然後放落不透光的西裹, 在主缸西起, 加件小石在西. 或在Q缸生活兩星期。 與其他魚有別, 如果11間在Q桶(AB桶)用一般Q魚法, 有機會拉長開口時間。 令已難開口的11更加難開口 。令外, 不要用強光照射. 會嚇怕佢的。 最重要係比個靜靜地的地方佢, 不透光的魚西令條專心養身, 然後對住件石, 發輝獵食本能 。信不信由你, 其實引11間仙的魚糧原來可以好簡單, 事關小弟引兩條11間的魚糧很不同…等我分享下兩個方法:

1.

第1條11間仙是一年前在貓屋買的。相信是賓賓魚。當時條魚還在袋中, 還有其他5條。不過其他好驚青, 我向前望清D, 其他幾條魚就跳出水面. 只有最後果條定定地望返我。 我見佢唔細擔, 就捉左佢。除左之前讀過那外國魚友的方法外, 就沒有其他資料了。不過小弟想像到, 一般Q魚法成功開口機會微, 而從那魚友的經驗, 加上小弟在魚店觀察, 這小魚很喜歡在石上找東西。所以小弟一想, 如果好似Q金毛巾差不多, 俾個安靜地方佢慢慢回復體力。不過不是在Q缸, 而是破例在小弟的沙缸! 因為小弟的沙缸有一些珊瑚, 希望像那魚友一樣, 俾條魚有點像老家的感覺。 Q魚的時侯加件石俾佢自已玩, 引開口方面用一些非一般的甲殼生物(相信豐年蝦沒有用, 如果唔係, 好多師兄都成功開引到開口了)。 相信有利引到佢開口。  於是, 小弟幫條11哥做完FWB後, 就放在沙缸的小小魚西中。食物也兩星期前在藍地球訂了美國的水蚤(Arctipods)。
www.reefnutrition.com/arctipods.html 頭兩天沒有反應, 不過我也預計中, 之後第三天便開口了!!!!! 眼見11哥開口的喜悅, 真不知怎樣刑容. 後來在水蚤中加入片糧碎片, 條魚也就成功轉了人工糧了。想睇返條片從温當日的片段可以click http://www.youtube.com/watch?v=BJ7_ZzOx-2k

2.

第2條11間仙是半年前幫朋友在魚城買的, 是印尼魚。 當日魚城有三條, 我就揀左最細果條。剛剛好1.5吋左右完美size。 那條魚在西已好細心望玻璃上的泡泡, 還見到佢啄兩下缸邊。我心相信成功率一定高。今次Q魚方法同上次大同小異, 離不開減壓令魚容易開口的原則 www.seafishfans.com/viewthread.php?tid=4418&extra=page%3D1 。不過今次在環境和食物方面有少許不同。 概念來自這位日本魚友。我見這11間仙(這正是得8 間的品種, 間條比較細長) http://www.youtube.com/watch?v=1qGFNit7SjU&feature=related 我見這11間什麽影都冇, 景然開口食粒粒。 我就決定用不透光魚西西起, 然後同上次一樣加件石仔。等條魚回勇。不過食物方面我就只用Ocean Nutrition 的 Prime Reef 片糧碎!  因1, 小弟發覺11間只喜歡食很細件, 一啖容易入口的食物, 2, 美國水蚤有魚友說成功, 也有魚友說他的新魚唔多食, 所以我試下只用大家平時買到的片糧。我說片糧碎, 當然是只有1mm左右大的碎片。這片是我Q到第二條開口的11間. http://www.youtube.com/watch?v=CVsTQyNauac
其實這兩次方法有個共通點, 就是條11間Q魚其間沒有因換水而左搬右搬, 沒有見其他魚嚇到佢。

11間開口了, 可以落缸嗎?....

11間開口了, 可以落缸嗎?

當11間成功開到口食片糧後, 下一步要做就係等佢搶糧, 所以唔好立刻落缸. 因條魚第一次見大魚有機會嚇親或搶唔到糧收返口. 所以魚友千其唔好心急, 最難果關都過左, 唔好前功盡廢, 唔爭在等埋搶口先. 不過魚友可以張條魚搬去主缸, 用透明箱西起, 等佢見吓D舊魚. 再過多兩三個星期左右就可以落缸了. 至於食量方面, 你會留意到佢開始食量大了, 到時連細粒糧都會食的.

11間受得藥嗎?

11間受得藥的包括銅, TDC, 甲基藍, Paraguard. 5-10分鐘淡水浴都冇問題的. 只要小心唔好跳出來就得. 不過我強烈建議各師兄妹小心用藥, 唔好亂用抗生素, 唔好用錯藥. 份量唔好過量. 同上網做d research先.

11間會食珊瑚嗎?

之前有介紹珊瑚缸魚友可以試養, 但有外國魚友比佢食左D八字腦, 咁11聞到底安唔安全呢? 有研究指, 野外11 間腸胃內發現的食物包括海草, 海硝, 同珊瑚蟲, 基於11間生活的水深, 相信海棉, 小型甲殼生物如扁跳蝦等都會食入肚的. 同其他小仙一樣沒有百份百保証對珊瑚安全的. 不過相比其他仙魚, 11間還算比較安全的. 所以如果師兄想在Q缸唔係Q桶Q魚, 可以在Q缸放件生物石比佢. 生物石會有一些玻璃蟲, 扁跳蝦, 海棉, 提子草等等比條魚啄下頂下肚.

養一對會唔會成功率高D呢? 依個問題有兩個版本. 首先講位美國高人的版本先. 佢話很多珊瑚魚都是一對對的, 11間都唔例外. 很多歐洲的魚友都喜歡養魚一對對, 但這構念未在美國受落. 的確如果養一對, 魚缸又少了個空間養其他魚, 不過可以觀察到11間的群體生活. 加上魚兒養一對會比較容易適應魚缸生活以及容易開口.

養11間要有400L或以上的魚缸就可以養一對. 如果魚缸再大D, 可以群養4條或以上, 惡果條會變公, 其他變乸. 不知什麼原因, 一公兩乸係唔work 嘅, 壯果條乸會打死弱果條, 所以群養11要4條或以上. 好至於小弟版本, 我未試過群養4條以上. 一對返而試過, 因為我睇左E位美國高人的意見, 所以試試, 但同其他仙魚一樣, 壯果條蝦弱果條, 大家都好在意大家的存在. 一D都冇話容易D開口. 所以我只專心養一條, 成功一條已足夠.

好, 總結來話, 成功養到11哥最重要是揀到條超好態的11哥, 記得揀條識啄邊, 唔識都要識鬥雞眼望石或缸底找東西. 其次是Q魚減壓方法, 再其次才是食物. 希望大家成功..

Rank: 7Rank: 7Rank: 7

發表於 2014-4-8 18:56:20 |顯示全部樓層

Rank: 7Rank: 7Rank: 7

發表於 2014-7-9 00:28:48 |顯示全部樓層

Rank: 7Rank: 7Rank: 7

發表於 2014-8-5 00:25:36 |顯示全部樓層
又學到嘢,正!

Rank: 6Rank: 6

發表於 2014-11-11 18:22:49 |顯示全部樓層
謝謝分享

Rank: 6Rank: 6

發表於 2023-3-18 16:06:02 |顯示全部樓層

Rank: 7Rank: 7Rank: 7

發表於 2023-3-28 11:38:54 |顯示全部樓層
11間仙
e81680ba-8be2-42da-893f-d0ee93a832e4-1.jpg
您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2024-3-28 17:36 , Processed in 0.027142 second(s), 14 queries , Gzip On.

Powered by Discuz! X2

© 2001-2011 Comsenz Inc.

回頂部