你好各位師兄， 新手想開個12吋珊瑚缸玩下

sumhorko

請問12吋 背滴漏缸， 要用幾多磅生物石，同埋用 要咩設備 ，我係魚街見到有紫色既 生物石， 紫色生物石同平時嗰隻有咩分別？ 有邊種珊瑚較為養啲㗎， 麻煩曬各位師兄 解答 唔該

肥嘟嘟河馬仔

紫色應該係人造石，養珊瑚要水冷

sumhorko

唔該師兄可否教下小弟，真心想學養珊瑚唔該

kwan88a

要買個化氮啦，玩珊瑚要買好多支珊瑚專用藥水

sumhorko

kwan88a 發表於 2018-11-18 21:04
要買個化氮啦，玩珊瑚要買好多支珊瑚專用藥水

請問師兄要買邊款牌子？

小魚毛

珊瑚係對環境轉變極之敏感o既生物，亦都可以話佢地對人工環境o既要求極高，達唔到相關o既水質要求，根本生存唔到，即使只係少少o既差別轉變，亦會快速死亡。所以無關魚缸大小，基本設備缺一不可，唔會有細細地、少少地、平平地咁玩o下呢回事。

決定下海前請諗清諗楚，幾千至上萬蚊開一個缸，12寸缸之外仲要更多更多地方放水冷等等一大抽器材，每星期抽時間驗水換水，要理解魚缸、器材運作原理、不同生物o既飼養技巧，呢啲都絶對花錢、心機同時間，就算你真有耐性條件去同佢玩，都仲要同家人商量好撥地、濕氣、嘈音等等問題，否則你珊瑚未養得成，已經畀屋企人迫返你上岸。

１）12吋背滴漏缸， 要用幾多磅生物石？ 1加侖2磅石，12寸方缸約莫30升，即大概8加侖，對翻16磅石就夠。不過12寸方缸地方有限，小心啲石太大，落足16磅可能會有阻水問題。 ２）紫色生物石同平時嗰隻有咩分別？ 除咗版主講o既人造石，亦都可以指生咗紫苔o既生物石。除咗美觀同代表原生水域水質較佳外，個人唔覺紫苔生物石有唔同，特別就發揮水質控制o既效果而言，兩者根本無分別。 ３） 要咩設備？ 呢個問題就大咯，絕對唔只你眼見o既化氮、生物石咁簡單，後續。 ４）邊種珊瑚較為易養？ 的確有啲珊瑚較為粗生，但一樣要求有齊所有設備，差別只係在於器材級數上。入門可考慮LPS (軟珊瑚），當中菇、扣、草皮之類都算係比較易養o既品種。

sumhorko

小魚毛 發表於 2018-11-19 18:06
珊瑚係對環境轉變極之敏感o既生物，亦都可以話佢地對人工環境o既要求極高，達唔到相關o既水質要求，根本生存 ...

多謝師兄麻煩你唔該