生物石

飛雲

想問問可以用啲咩黎痴實啲生物石。唔該各位。

BoscoChan

魚街應該有賣，專門痴住既黏土（海水用）

小魚毛

我會先用AA膠做快速定位，再用鋼塑土卅快乾英泥卅塑形黏土呢做強補。
鋼塑土卅快乾英泥可以喺五金舖買到，鋼塑土易用，不過附著力較差，唔夠快乾英泥咁實淨，但係快乾英泥比較難操作，要運用工具同累積一定經驗至可以控制得好。
魚舖o既「痴珊瑚卅生物石黏土」，其實只係加咗色o既鋼塑土，唔介意佢灰灰白白o既顏色，其實去五金舖買仲平仲方便。
塑形黏土係最新o既玩法，淘佬同美工用品舖有，用熱水操作，操作同效果都似鋼塑土，而且有唔同顏色，最好就係可以用熱水加熱軟化還原，錯咗都可以再拆翻開，唔似鋼塑土卅快乾英泥咁無得返轉頭。價格亦都唔貴。
當然，以上各種材料都係對珊瑚同生物無害！

PTLC

塑形黏土在水中痴實珊瑚得吾得？

小魚毛

PTLC 發表於 2019-3-6 02:19
塑形黏土在水中痴實珊瑚得吾得？

塑形黏土o既操作關鍵係溫度，大概65C以上開始軟化，所以如果你想缸內操作，照計o舊加咗熱o既黏土一入缸就會受缸水冷卻，開始硬化同降低黏度，影響黏合效果。

至於痴珊瑚，應該只限於SPS同有骨o既LPS，而在水中痴就應該視乎你用幾大o舊黏土同埋你夠唔夠快手。