兩次失敗，做個紀錄

laulau

小弟不是高手, 不敢指教。不過剛開始養海魚時(三十幾年前)都試過幾次倒缸, 中間隔咗廿年冇養, 而家屋企大啲, 舊年又開始養番, 一直順順利利, 都算有啲經驗掛。

首先, 請問倒缸後的水有冇倒咗? 如果冇, 強烈建議你唔好倒, 唔好清洗任何嘢, 放佢兩個星期,繼續讓濾水系統及化氮運作, 因這時期啲水最有利及最快速令硝化細菌和各類益菌成熟, 倒咗好可惜。兩星期後驗NO2, 若全綠, 我敢保證你個缸已進入成熟階段, 到時想死魚都難。

此外, 想問幾個癥狀:
一, 當倒缸之際, 有沒有驗過NO2, 係咪爆燈?
二, 當時啲水係咪好混濁? 有冇強烈臭味?
三, 有冇養海葵? 倒缸時海葵已死(溶咗)還是健在?

其實你唔係養珊瑚的話, 唔使咁頻密換水, 每次亦唔使換咁多, NO3對魚唔會太大傷害, 尤其是你養啲都係耐養嘅魚。