魚同魚會唔會做朋友

aria45622

因爲之前小弟養左條紫月同黃吊

佢地兩條魚去邊都一齊間唔中仲會互相打下(好輕微唔會有傷口出現)
但最近唔知咩事條紫月走左 跟住條黃吊就變到好驚青 有人行過都驚到呢埋之前手指指佢都唔驚的

pca

魚少左未驚lol，買返條藍圈就OK

argbatcan

其實冷血動物世界裡只有生存之道，什麼感情只是人類一箱情願的想法!  但牠們跟人類不一樣的是雖然冇感情的一切更來得直接，牠們不會騙人，一切都是真實的反應!

啤啤熊

試過，金頭仙同火背仙玩 食 訓都一齊。以為會有新混種魚面世。  

小魚毛

有趣的題目！

o係自然珊瑚礁內，生物的密度比起其他自然環境高得多，佢地彼此之間產生互動的情況亦會多好多，未必就會好似人講咁產生感情＼友情，但肯定可以發展成謀種形式o既「社交關係」，否則就唔會有共生（eg.小丑VS海葵、槍蝦VS古Ｂ）或者合作（醫生魚VS其他魚）咁o既情況出現。

自己都試過放條吊同狐狸落Q缸，兩條魚無耐就變成出雙入對，但最終條吊過唔到關，o係撈走條吊前，我發覺條狐狸不停咁o係條吊身旁守候徘徊，場面旳確人，但我諗條狐狸未必知道咩係「死亡」或者「悲哀」，只不過因為害怕陌生環境而同其他魚形成互相依賴，佢o既舉動只係呢種關係o既延續。

但無論有無感情存在都好，珊瑚魚呢種跨科跨種族o既互動，o係冷血生物界別中就應該難見有相近o既例子（起碼淡水魚就唔見有咁o既情況），所以我相信珊瑚魚o係呢方面o既進化，係比好多生物都「先進」得多。