no2仲未退

小魚毛

樓主會唔會畀「開缸死士」呢個term誤導咗？
開缸唔一定要死魚，更加唔係死多幾條就會快啲行完N-cycle。

魚缸係一個生態系統，講求所有設備同生物達至互相平衡狀態，唔同電腦、音響、相機⋯⋯買齊設備配件，插好開機就有嘢睇有嘢聽。

37日肯定算慢，處理No2係硝化系統o既第一步，你而家係第一步都行唔到。但係你唔講清楚你個缸o既資料，無人答到你個缸o既N-cycle係咪正常咁行緊。缸水容量＆濾材體積（包括石、沙，環⋯⋯）比例、開關燈＆化氮時間、溫度變化⋯⋯通通都會影到你個缸o既N-cycle進程；至於你不停咁加魚去送死，就更加唔洗講，啲菌都未養到，你就係咁增加污染源，咁玩法，咩菌都死，點養？

等係必須，有死魚就撈走佢，除非你係幾百L o既大缸，否則幾條魚o既排洩物己經夠run起N-cycle，幾條魚屍只會令你個N-cycle系統崩潰。NO2唔歸零，你都唔好再放任何生物落缸，餵魚都要盡量輕手，盡量減少硝化系統o既負擔，否則你只會停留喺No2不停咁上上落落o既無間度入邊。