請教UV殺菌管

小魚毛

樓主都知UV係殺菌用，有用無用就睇你點用。
FOT講求無菌以保魚隻健康，所以有好過無。
RT講求菌種平衡以維護水質，所以無好過有。

又不過除咗殺之外，UV都可以殺減藻類，所以UV都有助改善爆藻同水黃o既問題，所以都有RT友裝UV燈，但唔會長開，只係需要時至著o下佢。
但要注意無器材係百搭同萬能。首先UV燈要求流速慢，至可以有殺菌效果，安裝時一定留意；另外UV只可以殺死水中細菌，如果啲菌或者寄生蟲係喺魚身或者沙石上，咁UV就無能為力。最後UV膽係消耗品，要定時更換，用家要自己計準時間。