想開個 3尺缸養LPS

小魚毛

沸石、藻桶，同啡台三樣嘢似乎無必然關係，樓主係咪誤會咗沸石同澡桶o既功能？

沸石唔係得一個石仔桶咁簡單，而係一整套系統，要有純水機同埋各種原素補充配合，保持住最潔淨o既水質，主要係畀養sps用。

藻桶就真係可以單一使用o既器材，相比起沸石系統係簡單易用o既設備，對水質要求次一級o既lps呢講，會係更方便經濟o既方案。

至於玻璃啡苔，玩得好o既話，兩樣嘢都可以有效減少到，但其實仲有好多因素會影響啡苔出現，無話你用咗就一定唔洗擦玻璃。

講真，擦玻璃啡苔只係好小事，玩得RT，一大抽器材設備要搞，又要睇住水質，少啲心機時間都唔啱玩，樓主跳海前請認真三思。