氮磷失衡補救

小魚毛

雖然乜嘜失衡近排好Hit，但多人講唔等於你係中招，搵出準確數值查清楚問題更重要，因為單憑測唔到NP同出啡台根本唔等於你係氮磷失衡。

氮磷失衡通常係老缸出現o既問題，你開缸幾耐？氮磷失衡比較多SPS玩家會關注，因為佢會令到珊瑚吐出共生藻、顏色變淡，直接影響SPS生長，至於對LPS影響，反而無咁直接或者至命，所以就算你個缸真係氮磷失衡，只要啲珊瑚無事、只係出啡台而唔係大爆發，咁正常維護清潔就夠，亂撞亂試只會搞出更多問題。

與其花錢買你唔熟識o既藥水，不如upgrade你o既試劑確定係咪真係失衡先，NO3 & PO4數值太重要，蛋機或者沙利法，你應該二揀一；如果你己經用緊沙利發，建議你用埋Aquarium Note呢個個App，佢可以幫你更準確咁檢視試劑讀數。