新手有問題

chungchungkc

請問那裡有生物石賣，如果有的話要不要帶什麼去？大約咩價？有無地址.....

pca

旺角有

小魚毛

生物石係按重量計，斷磅收錢；同珊瑚一樣，價格視乎產地來源，幾十至過百一磅，採自印尼卅菲律賓珊瑚礁o既，係最多最平o既貨色，呢自大堡礁o既，水質最好、運費最多，定價就最高。

輕身即係多窿養到更多菌，形狀以平板為佳，方便砌石同擺放珊瑚；留意自己個缸o既尺寸，太大阻碇，太細碎濕濕亦麻煩。先睇多啲其他人點砌石，學o下點樣運用唔同形狀o既石，再諗o下自己想點砌，咁樣至去買石就會知點揀。

枝狀石呢自水質最好o既珊瑚礁，不過最近斷咗貨，唔知係禁止出口定疫情影貨運，見到又夠畢直就不防試試。

生物石應該一直keep喺水入邊打住氣，咁至可以保存到石中o既各種菌類&生物，否則嚿石就會臭。所以好o既生物石，表面應該會有海綿、藻、甚至係珊瑚等生物寄生，代表佢接近原生狀態，含菌o既種類亦會最豐富。

thomas28

小魚毛 發表於 2022-5-1 00:58
生物石係按重量計，斷磅收錢；同珊瑚一樣，價格視乎產地來源，幾十至過百一磅，採自印尼卅菲律賓珊瑚礁o既， ...

想問下新開缸應該選擇邊類生物比較好?thanks

小魚毛

thomas28 發表於 2022-5-1 22:05
想問下新開缸應該選擇邊類生物比較好?thanks

RT定 FOT？
有無底沙？
行咗N-cycle未？

thomas28

小魚毛 發表於 2022-5-1 22:34
RT定 FOT？
有無底沙？
行咗N-cycle未？

RT,有沙,未行N-cycle

小魚毛

行完N-cycle至諗啦，仲有成個月，趁呢段時間做o下功課，搜集多啲生物o既資料先。

RT應該先要考慮啲功能性o既生物，食苔生物（螺、海膽、鮑魚⋯⋯）、清潔部隊（海蔘、沙星、駱駝蝦、巴士、吊⋯⋯），呢啲都係RT缸必備，可以減輕過濾系統負擔，值得優先入手，但一定要等行完N-cycle至可以落缸。

thomas28

小魚毛 發表於 2022-5-1 23:54
行完N-cycle至諗啦，仲有成個月，趁呢段時間做o下功課，搜集多啲生物o既資料先。

RT應該先要考慮& ...

多謝你解答