訂做魚缸

小魚毛

一分錢一分貨，平啲又好啲？我都想知有無咁o既舖頭 。十三年前我同你一樣喺三老闆樹訂缸，個缸用到而家，當年我都唔覺得佢平，不過就覺得佢好，用足咁多年，咩都底翻。不過而家三老闆貴人事忙，唔得閒招呼我呢啲散客，想搵佢再訂缸都有難度。

連埋器材又點比較平貴？唔計你個缸點做法，淨係器材價格都可以上落好大，一套三尺缸燈俱，一千幾百o既有，幾千至過萬都有⋯⋯如果你完全唔在意舖頭畀咩器材你，而只著眼於個Lump  Sum，咁恐怕你好難好似十年前開缸咁咁順利。

如果樓主真係唔清楚器材o既資料，咁就奉勸你要更加留意舖頭o既商譽，羊毛出自羊身上，你要平啲咪同你換啲cheap啲o既㗎餐，搵食嘛，做唔做得成單生意，緊要過你養唔養到魚。

小魚毛

三四個月咁快！？  我淨係約佢上舖頭傾都要幾個月，做缸簡直不敢想像！

如果你覺得三老闆o既收費&服務合理，其實業界仲有兩間舖頭同佢齊名，樓主不防問o下：
1)現X水族館：通菜街182號2樓   電話: 24674762
2)'"X"eef Leader：荔枝角通洲西街1043號通利大廈2樓E室(珊瑚、海水魚、器材)   電話:9224 3123車

想再平啲，其實可以考慮呢兩間舖頭寄賣o既二手器材，雖然未必有保養，但經老闆執過，鑊氣會少好多，有問題老闆都會幫手跟。我更加試過喺現X用消費券買二手器材，一來一回就慳幾千，私人賣買就一定無呢枝歌仔唱。

小魚毛

sunkenny27 發表於 2022-6-2 16:31
請問呢兩間鋪會唔會做背濾缸或者會有二手背濾賣?

背濾當然會做，不過問題係背濾設計比較簡單，即使現成套缸都唔會差好多，除非你好在意質素或者耐用性，否則你會覺得性價比低咗啲。

二手缸就要睇o下彩數，印象中好似唔多。估計因為二手缸唔難放手，特別係呢啲「名牌」訂造o既缸，點都會有人有興趣，唔洗搵翻舖頭去放咁轉折。

又不過你不防直接去問老闆，三間舖o既老細都好nice，唔會介意你只問無幫襯。

小魚毛

vinvin 發表於 2022-7-26 13:14
邊度買魚或者珊瑚生物？

恭喜樓主新缸入伙！

你玩開應該都知，鹹水魚同珊瑚都唔會長期齊貨咁喺舖頭等你得閒至去揀，你應該等舖頭返貨就出去掃，所以留意住呢度o既--商店通告~生物，有Post至去入貨，咁至係王道。

至於舖頭可以睇o下--魚鋪地址 。玩珊瑚個市場好細，魚街地舖只買少量大路貨，佢地一定要又買魚又買器材至維到皮，賣珊瑚永遠唔會係佢地主要收入。所以行魚街唔好耷低頭只望住地下，樓上舖同魚街週邊o既舖頭會有更多珊瑚專賣店，未必一定更平，但肯定更專業同有更多選擇，唔去行行只會係自己o既損失。

另外，個別地區都有少量舖頭聚集——荃灣、屯門，特別係牛頭角＆觀塘，佢地都有定期返貨，值得留意。