RT缸有無loading上限？

neo1688

由FOT轉RT混養，有無話幾多呎缸只可以養幾多舊珊瑚？謝師兄們解答

aquazone

rt, 看水靚不靚,水吾靚,養一件珊瑚都死,當然最基本要完成  n cycle 先

小魚毛

樓上ching講得好啱！

RT唔同FOT，每件珊瑚大小、對水質要求、對硝化系統所造成o既負擔都唔同，所以唔可以好似FOT咁逐o舊珊瑚咁數呢計bio-loading，個缸o既loading上限，就係睇o下你個過濾系統有幾頑強。

珊瑚礁同原始森林o既生態情況一樣，一平方尺之內已經可以有非常多種類o既生物，生物多樣性極之豐富；健康o既珊瑚礁，礁下o既基石可以完全畀各種珊瑚寄生覆蓋。所以如果RT缸水質keep得好，係可以玩到打爆個缸、加珊瑚加到無位放，而個過濾系統仍然可以頂得到。

我自己個兩尺缸，大大細細連埋frag仔，粗略估計都過五十件珊瑚。我缸水未算好，同高手玩手插針仲有距離。樓主玩RT，只要水質keep得好，缸o既「容量」係可以「大」過FOT好多倍。

neo1688

唔該樓上兩位師兄

小魚毛

neo1688 發表於 2022-5-23 21:00
唔該樓上兩位師兄

補充多句。

唔好畀我嗰「五十件」誤導，以為兩呎缸就可以養到咁多珊瑚，養珊瑚o既loading上限唔係由魚缸size決定，而係由你缸水o既水質決定，所以要留意o既係水質情況(NO3, PO4......)，而唔係數你養咗幾多件珊瑚。

neo1688

小魚毛 發表於 2022-5-24 08:42
補充多句。

唔好畀我嗰「五十件」誤導，以為兩呎缸就可以養到咁多珊瑚，養珊瑚o既loading上限唔 ...