請問有無人知呢條魚

小魚毛

寶石魚要群養，落單就比較難搞，最少兩條會好啲，同種當然更好。

落兜隔離可以畀水喉通或者碎石之類畀佢匿，增加安全感。

活豐年蝦ＢＢ係寶石至愛，可以先引佢開口，慢慢再馴人工糧。

下次買魚前做多啲功課先，畀咗錢至呢問就遲喇。

小魚毛

火公雪印都係小丑，屬雀鯛科，你嗰條品種係紫后，屬於寶石魚科．

群養意思係同一品種一齊咁養，小丑既唔同種、更加唔同科，對寶石呢講係異類，畀唔到安全感佢，對佢開口無幫助。好多種魚都有群居習性，唔可以單丁一條咁養，好似寶石咁起碼養兩條，如果個缸夠位，好多ching會一次三四條咁入貨，咁樣成功Keep到o既機會至比較高。

小魚毛

活豐年蝦B的確會壞水，不過你只係馴糧，唔係定期咁餵，問題應該唔大。
我自已珊瑚缸都會餵，不過就只係每星期臨換水前一晚至餵，盡量將壞水影響減到最低。

建議你可以將豐年蝦Ｂ搵個樽入好放入雪櫃，冷凍後啲Ｂ會沈底，然後抽走上層啲水，減少水量降低對水質影響。咁樣喺雪櫃，可以keep到兩星期。

再唔係就用個大樽打氣獨立咁隔離，每日換水，既可以增加條魚o既安全感，又唔怕污染主缸水質。

小魚毛

唔好意思，睇漏咗你話「買幾條試下」。

寶石其實唔易養，開咗口都未必Keep得到，無喇喇消失係平常事；RT著數過FOT，有造景好過裸缸，冰鮮吸引過乾糧；既然落咗缸就盡人事啦。