蛋白分離機是必須要的？

Matchchan

新手弱弱一問
我個魚缸只有32cm
咁既大細仲要唔要用蛋白分離機？

Matchchan

小魚毛 發表於 2022-9-1 22:43
水冷問題。

正常溫差應喺一至兩度之內，你有四度上落，係部機o既設定可以有咁多度o既溫差？定係部 ...

咁睇舊真係要買過舊製冷啦，橫掂個濾筒都拎走左咁就可以直接換埋舊大d既製冷啦，咁仲乾手淨腳啦
咁本身個濾筒入面果d我都冇用晒入去個背濾到，我再加反d貝殼果d入去裡面
多謝你咁詳細既解釋呀！

小魚毛

水冷問題。

正常溫差應喺一至兩度之內，你有四度上落，係部機o既設定可以有咁多度o既溫差？定係部機keep唔到指定o既溫度，超出咗你設定o既範圍？

至於要唔要換機，一樣都係睇你想點玩。28度水溫勉強都可以keep到隻葵唔溶，不過你仲有寶石花，而且想再加珊瑚o既話，就最好keep到26, 27度(LPS軟珊瑚only，SPS就要26度以下)。喺25~28度間徘徊，有一定風險，唔建議再落珊瑚，而且睇怕你隻水冷都行得好吃力，有筆直就襯未跪低放售，仲有啲渣拿。我30L細缸前後用過三部電子水冷，大部o既的確可以keep到25，26度水溫，不過全部都玩唔到一年。有位擺、唔介意嘈音大啲啲，就畀多幾百買壓縮機，貴買長用，一定低過你年年換電子水冷。

小魚毛

Matchchan 發表於 2022-8-30 23:08
果隻奶咀已經陣亡了，而家呢個葵好乖唔會變好大隻同埋唔會周圍走，佢都生存左差唔多2星期啦∼
所以我會照 ...

睇相似係砂海葵，無奶咀咁麻煩通缸走，不過一定要有沙舖缸底，而且無咩小丑會有興趣，想睇小丑「床戲」可能會失望。建議去到魚舖見到條丑真係玩緊同種海葵至好扑鎚。印象中好似蕃茄會玩砂葵，不過蕃茄係好惡o既丑，入得缸都幾難可以再加其他小丑，畀錢前請三思。

「濾筒d石」係咪珊瑚骨？雖然佢可以做濾材，但功效非常有限，FOT都唔夠玩，莫講話你想玩混養。可以o既就換咗佢，建議用SERA Siporax 玻璃環，一尺缸大概２Ｌ環夠打爆晒背濾倉。用網袋袋好至入倉，將來要清洗處理會方便好多。

Matchchan

小魚毛 發表於 2022-8-30 16:54
又係搞死葵！

海葵其實好難處理，唔適合新手，特別係最平最易買到o既奶咀，可以成功keep到喺缸入 ...

已陣亡既海葵買佢既時候得雞蛋咁大粒，入魚缸2日後就變到咁大🥲
成3份1個魚缸咁大，然後又周圍走之後就遊左去個背濾吸水到就爛晒

Matchchan

小魚毛 發表於 2022-8-30 16:54
又係搞死葵！

海葵其實好難處理，唔適合新手，特別係最平最易買到o既奶咀，可以成功keep到喺缸入 ...

果隻奶咀已經陣亡了，而家呢個葵好乖唔會變好大隻同埋唔會周圍走，佢都生存左差唔多2星期啦∼
所以我會照你咁講抽返個濾筒d石出黎加返入去個背濾果到
不過都應該好大工程😅
希望我條黃尾仔可以堅持到啦😅
不過我冇另1個問題想問
呢個係半導製冷佢只可以維持係25-28度,我已經實測過我同魚缸係冇開冷氣既情況下一日佢最高係28度
呢個溫差係唔係可以接受定係轉個強d既製冷維持佢25度會好d？

小魚毛

Matchchan 發表於 2022-8-30 10:44
呢個魚缸個背濾有一次試過隻海葵塞住左個入水口，攪到個水泵抽唔到水
所以而家就用濾筒吸水喉係背濾個身1個 ...

又係搞死葵！

海葵其實好難處理，唔適合新手，特別係最平最易買到o既奶咀，可以成功keep到喺缸入邊o既，除咗運氣，我唔知仲有咩方法，自問早已經放棄擺奶咀入缸。

其實你用濾桶取代上水泵都無用，隻葵仍然有機會塞住落水柵，甚至走入背濾倉或者濾桶......枝化氮喺主缸一樣有機會傷到隻葵，更加唔洗講日後再加造流泵入缸！

但既然已經落咗缸，咁就盡人事：化氮轉返入背濾倉，落水柵位搵細孔膠網檔住，將來放造流泵一定要加花籃或者以網袋做安全套罩住。跟住就裝香祈禱，求佢吉葵天相啦。

背濾缸係進階o既海缸設備，比濾桶更方便更易打理，唔值得為咗隻葵而行返回頭路，而且仲要係一條完全無效o既回頭路！

建議你多啲睇o下其他人點set缸，特別係呢啲一尺Nano缸仔，玩法同大缸完全唔同；至於以前淡水嗰套，就算把啦，千祈唔好望翻轉頭，盞嘥錢嘥時間。

Matchchan

呢個魚缸個背濾有一次試過隻海葵塞住左個入水口，攪到個水泵抽唔到水
所以而家就用濾筒吸水喉係背濾個身1個倉到，所以個背濾就冇咩用

小魚毛

Matchchan 發表於 2022-8-19 01:59
而家個化氮霸左好多位

樓主係背濾缸？如果係背滴漏，枝蛋分應該插入第一格落水倉，唔好嘥咗主缸啲位，搵咁細枝蛋分都係為咗咁樣，亦都可以完全避免氣泡問題。

我都用緊DYMAX呢枝，除咗要配搭靚泵同氣木外，仲有一定要加氣喉鎖控制出氣量同水位；留意因為個廢水收集杯比較細，好易就滿瀉，最好駁埋佢杯底嗰個出水，另備容器收集廢水。不過最緊要都係自己小心調較水位，佢有時爆水可以爆得好誇張。

另外，行得背濾，就可以將所有濾材收晒入三格背濾倉，除非你要非常強大o既過濾系統，否則無須要再拖多個濾桶，搞多嚿嘢出呢阻定。如果你個上水泵夠力，就可以試o下由佢推完水冷再駁翻入主缸。

你個缸有生物石，就唔應該將枝暖管放入主缸，小心啲石撞爆枝玻璃暖管。裸缸無得揀就一定要瞓底枝暖管喺缸底，背濾大可以將枝暖管插落背濾倉是旦一格就得，乾手淨腳又慳位；不過記住暖管溫度一定要設定低過水冷最少兩度，否則兩件嘢同時著機就盞嘥電。枝溫度計都係，有水冷已經可以實時顯示水溫，枝溫度計只會阻住你刷玻璃，再唔係就收埋入背濾，喺側邊望埋去都一樣睇到度數。

肥仔Tim

用外置嗎 http://www.bubble-magus.com/productinfo.aspx?id=534

Matchchan

Kekw3310 發表於 2022-8-20 14:24
外掛式會唔會比較好 至少唔會佔用缸內空間

可惜我是個新手，當知道有外式既時候我已經課金了

Matchchan

Fishwall 發表於 2022-8-20 15:29
你缸仔可以睇下呢支...成件藝術品咁...日本仔野真係無得輸...Amazon同ebay都有得賣。我試過email佢地尺寸。 ...

正呀！太毒啦！
我喜歡

Fishwall

你缸仔可以睇下呢支...成件藝術品咁...日本仔野真係無得輸...Amazon同ebay都有得賣。我試過email佢地尺寸。佢吔真係好有心用用盡佢吔識既英文答，因尺寸唔啱我無買佢哋重一樣好有禮貌咁話幫唔到我。真係感覺好好，好温暖咁。
https://reefbuilders.com/2009/06/08/mame-glass-skimmer-mame-design/

Kekw3310

外掛式會唔會比較好 至少唔會佔用缸內空間

Matchchan

小魚毛 發表於 2022-8-19 15:20
靚氣泵應該會貴過枝氣木化氮，仲要有靚氣木，樓主請小心選擇。

訂左呢支

小魚毛

Matchchan 發表於 2022-8-18 22:05
不過我另外訂左支氣木化氮，因為呢支野太大支啦！

靚氣泵應該會貴過枝氣木化氮，仲要有靚氣木，樓主請小心選擇。

Matchchan

小魚毛 發表於 2022-8-15 13:15
呢隻係掛缸內o既化氮？

如果係，佢除咗扭掣調較氣泡位，仲可以將成支化氮升降呢調較水位，應該較個 ...

而家個化氮霸左好多位

Matchchan

不過我另外訂左支氣木化氮，因為呢支野太大支啦！

Matchchan

係呀，呢支可以較個高度，佢有個指示睇個水位最高同最底係幾多，仲可以較個出泡量

小魚毛

呢隻係掛缸內o既化氮？

如果係，佢除咗扭掣調較氣泡位，仲可以將成支化氮升降呢調較水位，應該較個泡位啱啱升到去收集杯內個咀位o既水平。

不過我無用過呢隻化氮，你最好再睇竹清楚說明書。