請問新設一尺缸混養選擇

小魚毛

cmcVic 發表於 2022-10-3 00:58
隻葵終於走咗出黎，過一排再睇下佢，發現佢好似好happy咁喺出水口同造浪之間自轉，但其實係咪死 ...

happy嗰個係你啫，隻葵就肯定唔係happy 。
海葵可以算係珊瑚o既一種，都係海洋中o既軟體動物。但佢地都唔會動（少數珊瑚例外），所以佢唔會郁畀你睇！佢地只會吸水伸展觸手捕食，環境（水質、水流、溫度）欠佳，佢就會收起啲觸手保護自己；揀海葵同揀珊瑚都一樣，收起觸手，縮埋一嚿o既，一定狀態欠佳。但海葵同珊瑚唔同，環境唔妥，佢可以起身走人，隨水漂流，到啱o既環境再落腳。

唔好信咩「珊瑚神器」，佢只係商品宣傳，個缸環境唔啱隻葵，有無神器都無分別！

你嗰隻應該係奶咀葵，奶葵係最鐘意通缸走o既海葵，我未聽過有人可以解釋到咩嘢o既環境啱奶咀落腳，亦都未見過有人成功keep到喺一般混養缸（成功係指半年以上）內，其他ching如果真係有成功經驗，真心希望可以拎出呢分享，造福魚友。

小魚毛

九成九o既奶咀最終都係吸入造流或者落水倉變肉醬，剩低o既就係匿入石罅餓死。你個缸而家只有兩條毛加一隻奶，暫時咩都唔好加嘢住，抽起個造流泵，喺個落水位加網閘，再等隻奶咀自己落腳，真係定咗落呢唔再郁，至再落翻個造流，再慢慢由最細逐步推大。真係搞得掂隻奶咀，至再考慮加其他生物，否則你只會一頭煙；再唔係就玩淨海葵加毛仔缸就算，貪字得個貧，貪多、貪快，都係玩海水大忌。

你造流個黑網係咪保護套？佢啲網眼太大喇，保護唔到隻葵，吸埋去一樣會變肉醬，換過隻網袋啦，你睇返呢篇：
請問捷寶細做流有咩辦法可再減弱