養到心灰意

小魚毛

樓主開缸幾耐？新手跳海其實應該先調節o下自已個時間觀，特別係珊瑚缸，開缸養水一兩個月己經唔在講，有咩問題好似爆藻爆苔咁，搞幾個月甚至大半年係好平常事。

海缸其實唔只玩器材，更重要係對由硬件、水體＆所有生物所組成的一整套系統管理；硬件齊備、做好所有設定，再配合潔淨水源、合適o既生物，適當護理......各方面都達標，咁至可以做到整個系統維持喺一個平衡狀態，只要能夠將呢個脆弱o既平衡狀態一路保持落去，缸中o既生物就可以一路生長。

所以齊備器材只係根本，點樣使用＆設定器材比點樣揀器材更考功夫。控制水質、揀選合適o既生物落缸，又係兩套學問，係難？係煩？定係樂趣？只有落咗水嗰個自己知。

小魚毛

死魚歸咎於「急性細菌感染」的確有可疑，但呢到會有更多fot高手會幫你分折，我只集中睇o下你個系統問題。

生物組合問題：
1.混養唔等於咩生物都可以一齊養。海蘋果受到刺激會播毒，一般RT玩家都唔會冒險放落缸，樓主知唔知呢點？
2.仙魚有機會咬珊瑚，對水質變化又敏感，法仙＆太后都唔平，新缸新水亦都唔應該搵佢地靠飛。而且幼魚要密餵，你話盡量唔餵魚，嗰１３磅石又有幾多嘢畀到佢地啄食？

小魚毛

器材設定：
1.光照12小時太長喇，肯定有助長爆苔，不過唔係成因。一般光照８∼１０個鐘就夠。
2.啡苔有泡，可能係鼻涕藻之類o既妖苔，成因係生物石殘留NO3\PO4等養份，加上合適光照，吸引藻類生長。生物石係二手定新石？落缸前有無做檢查沖洗清潔等工序？
3.13磅生物石根本唔足夠位養硝化菌去畀兩尺缸用，你抽起生物環，就應該要考慮另外加強過濾系統o既方案，玻璃環、生物磚、煲豆、沸石、草缸......自己再做o下功課先。4.唔見你有提過水質，有無驗過水？NO3, PO4有幾多？雖然佢地未必會直接導致死魚，但一般用水喉水玩珊瑚缸都會遇到高NO3 & PO4問題，可況你個過系統又天殘地缺，咁樣珊瑚唔死都難以養得好。

好多海缸都係犠牲咗好多海洋生命之後至可以建立到，重點係缸主能夠吸收失敗經驗小心改進，咁至唔會叫佢地白白犠牲。樓主開呢個缸o既投資同心血都唔少，千祈唔好咁易放棄。

小魚毛

Eric123 發表於 2022-11-24 00:59
Upload唔到相，多謝ching 回覆

ＵＰ相要先用修圖apps將相片檔案size壓縮，因為一般手機或者相機影啲相個file size都太大，系統會限制你上傳。啱size就可以附件或者直接copy & past咁回覆。

小魚毛

Eric123 發表於 2022-11-24 01:20
2手石黎d生物石缸到無魚 買返黎.但返黎無過淡變死石再養有d後悔，d珊瑚菇成日比蟹仔搞但d珊瑚又係痴係石上 ...

啲二手石上一手玩開咩？單單話無落過藥其實唔夠穩陣。魚缸係一個封閉o既環境，除咗可見o既寄生生物之外，其他睇唔到o既菌（包括有益o既硝化菌&有害o既病菌），都可以跟石入缸。
有蟹可以試試成嚿石dip呢隻:

ReVive Coral Cleaner Dip - Two Little Fishies
跟指示時間做唔會傷到珊瑚，要成批石一次過做，不過如果嚿石太大，啲蟹匿得太入，或者隻蟹大隻啲頂得到，就未必迫到佢出呢。

小魚毛

Eric123 發表於 2022-11-24 01:26
我試個2條 2吋藍吊 1條2吋法仔加仔2吋彩虹仙子。4條魚仔都爆，我都盡量唔餵食等佢地啄地同紫菜，生口好少 ...

正常開好缸後NO2都唔會超標，多數RT玩家都唔會嘥時間理佢。相比起NH3 4, NO3 & PO4 超標&影響個缸o既機會都大得多，係ＲＴ缸一定要定期檢視o既數據，壓制呢兩項水平亦都係維護水質o既最基本工作。

正常RT缸啲魚比較少病痛，主要係歸因於水質好，魚口密度低。但咁唔等於咩魚都一定可以養到，好似彩虹仙子呢啲魚其實好難玩，要餵生口又要維持水質，比喺FOT更難搞。

小魚毛

Eric123 發表於 2022-11-24 01:46
有無ching可以介紹邊隻環for 珊瑚缸好 唔該

暫時珊瑚缸得Sera 隻 Siporax玻璃環可以用，其他都有NO3過高問題。不過聽講都有新o既生物磚或者生化綿可以用，你可以上網做o下功課先。

小魚毛

Kekw3310 發表於 2022-11-24 22:46
其實我覺得環就唔會直接令NO3上升
有機會係底缸水流唔夠令到屎之類積累 間接令NO3上升不過大路又好用都係S ...

ching 誤會啦，生物環當然唔會令NO3提升，而一般生物環o既缺點係佢地處理NO3能力有限啫。N-cycle過程係由不同菌種分工完成，而一般生物環所培養能夠處理NO3的硝化菌比例較低，導致缸入邊o既NO3積累；而Sera 隻 Siporax環就人能夠克服呢個問題，一併將NO3 KO。

FOT可以容忍NO3偏高o既水質，但RT就No way，所以話Siporax係目前惟一可以用喺珊瑚缸o既生物環。