查看: 3467|回復: 4

剛剛開養海魚 [複製鏈接]

小魚毛

論壇元老

Rank: 7 Rank: 7 Rank: 7

樓主

發表於 2023-3-19 18:06:41 |顯示全部樓層

Boro 發表於 2023-3-18 14:34
我都有想過,是不是測試劑有問題,no2大個5,應該調小丑都會打柴

養水行n-cycle，起碼要三四星期，你咁快放魚，根本未養夠菌，成個養水過程打亂晒！
唔想啲魚送死，就用桶另外養住啲啲魚先，無過濾齋打氣每日換水50%，都可以頂到幾星期，夠時間畀你養翻好啲水先至再放魚。
好過你等啲魚同缸水一齊攬炒，之後又再重頭開始養水。

舉報

小魚毛

論壇元老

Rank: 7 Rank: 7 Rank: 7

沙發

發表於 2023-3-19 22:07:41 |顯示全部樓層

不過你個過濾系統應該唔合格。

廿寸缸只行個掛濾，仲要用生物石做濾材。就算有活石同底沙都係咁話，畀你養到水，都只夠你keep幾條魚毛。如果好彩畀你過到呢關，你唔考慮Uprade個過濾系統，睇怕都唔洗想再加魚。

舉報

小魚毛

論壇元老

Rank: 7 Rank: 7 Rank: 7

板凳

發表於 2023-3-30 23:03:37 |顯示全部樓層

本帖最後由小魚毛於 2023-3-30 23:11 編輯

玩鹹水缸砌器材，唔係人有我有就得，所有o野都要計清楚數值。器材唔到位，就係得物無所用，有同無都無分別，

知唔知個缸o既水量？化氮、卦濾、濾桶可以處理o既水量係幾多？雖然未有實際數字，不過就咁睇，就算你用最靚o既濾材，你個卦濾＋濾桶都唔夠位畀你養菌，所以你個NO3唔會降。

情況就好似你部電子水冷機，用喺你個缸，恐怕就算降兩度水溫都會好吃力，而且要全日不停著住機，玩到三月唔燒就算你好彩（而家室溫未算高，遲多個月你就明我講咩）。

舉報

小魚毛

論壇元老

Rank: 7 Rank: 7 Rank: 7

地板

發表於 2023-4-2 11:39:42 |顯示全部樓層

本帖最後由小魚毛於 2023-4-2 11:40 編輯

Boro 發表於 2023-3-31 21:19

生物石唔應該放入濾桶，濾桶空間有限，放生物石入去太嘥位，應該用環打爆佢，爭取最多位置養菌。生物石放翻入缸，裝飾之餘更可以畀位啲魚休息。

NO2降未必同你放幾粒環落缸有關，更大機會係你個缸一路養水行緊N-cycle，行到去NO2跌翻落零呢個階段啫。下個階段就係等NO3 & PO4下降。不過要留意，香港水喉水NO3基本都有10 ，天然海水或者蒸餾水就係0 ，你自己驗驗就知，唔洗懷疑你o既測試劑。所以如果你開缸養水到而家都未換過水，而N-cycle又可以正常咁行到尾，咁NO3係有機會去0，但只要你一用水喉水換水，咁NO3就唔會有0 o既一日，最靚仔都只係keep住喺10 ，咁應該夠你養魚，珊瑚海葵或者其他軟體就無謂諗喇。

爆藻只係N-cycle過程其中一種指標，而唔係必經階段，特別係你咁早放咗咁多魚落缸，未必會爆到藻，所最實際係測試水質， NO2歸零就係一個必經階段，再呢要等NO3數值回落，如果過多兩星期都去唔到20以下，就係你生物太多卅餵糧太重手卅過濾系統唔位力養唔夠菌，咁就要再諗對策。

舉報

小魚毛

論壇元老

Rank: 7 Rank: 7 Rank: 7

5^#

發表於 2023-4-2 11:51:41 |顯示全部樓層

本帖最後由小魚毛於 2023-4-2 11:54 編輯

香港夏天室溫恒常都keep住卅幾度，降兩度水溫根本無意思！

FOT無水冷都無問題，海葵或者粗生o既珊瑚軟體最少要28度以下o既水溫，所以你加唔加隻電子水冷落去都無分別。建議趁佢未變磚前放咗佢，留翻啲錢呢買其他嘢好過。

舉報

返回列表

帳號		自動登錄	找回密碼
密碼			立即註冊