求教：硬毛藻Chaetomorphia 過濾系統需求

kfklam

最近睇見網上好多香港以外嘅魚友都有用硬毛藻做過濾，佢地話咁樣夠自然，唔需要用咁多化學物同儀器。但系係香港嘅討論區好似冇咩人討論哩個話題咁。所以想係度請教下大家。我見人地通常都係用沙缸養或者用Aqua clear嘅掛慮改裝做小型沙缸來做硬毛藻過濾。佢地一般都係設定水流令硬毛藻在沙缸中滾動，打個6500k嘅燈照住佢，設定沙缸嘅開燈時間剛剛好係主缸嘅相反時間話咁樣可以穩定地控制水嘅H值，跟住係沙缸放miracle mud或6”厚嘅活沙。
會到正題，我想問嘅係我個缸係34L嘅假滴漏缸，可唔可以係假滴漏度建立硬毛藻系統？同埋香港邊度可以買到Miracle Mud或fuji mud？如果有Ching養過請分享一下。 先多謝各位師兄。

aqua_man

我之前24"缸時, 用過舊款 Bubble Magus Q3 外置化氮都幾好。個人認為, 化氮就是海水缸的心臟, 不能缺少了。而且它是把部份未轉化成 Ammonia 和 NO2 的物質打走, 做前期工作； 而後期去除 Ammonia, NO2, NP, 則要靠其它方法。
有些生產ATS 廠方說它生長出來的草如海邊岩礁上的植物比起一般的海草有四倍吸收NP的能力。
之前亞瑪遜有賣Magic Mud, 你可以問下他們。

Idos601

現在我新開的缸，都有用這種鐵絲草，
但請教c兄們，要幾多才先叫做足夠來讓佢地可以吸缸內的no3, 另外，佢地會否好似Ats 咁，好產生左浮遊生物來餵飼珊瑚呢？謝

swtam

timmysfxc 發表於 2013-1-13 20:59
正常魚缸入面會自己生出黎，no need to buy

Thanks!

timmysfxc

yoowicked 發表於 2013-1-14 12:17
哩個先係我最唔明既地方
成日聽日講"水肥"，諗極都唔明咩叫水肥？！我自已係軟珊瑚加魚，少餵食 ...

水肥我估係指no3 po4 level高. 因為藻要佢地先生到.

simon1083

kkenwong123 發表於 2013-1-10 09:23
ching我有個24寸缸玩ATS没過濾及化痰玩左大半年。

同您一樣百無缸，且廁所水 1 Oct 2012 開缸
軟野 x 6, 魚 x 4
第一輪魚 5pcs 因手賤全亡，第二輪魚 4pcs不足一個月安然，軟體全開

yoowicked

timmysfxc 發表於 2013-1-13 21:02
可以有好多原因唔生，可能d水“好”得濟，無足夠養份都會生得慢。

哩個先係我最唔明既地方
成日聽日講"水肥"，諗極都唔明咩叫水肥？！我自已係軟珊瑚加魚，少餵食，盡可能都keep住D水乾淨，怕污染。
早幾日嘗試將兩棵藻放入主缸，睇下燈光會否另佢地有少許變化，紅提好明顯堅挺左、深色左，而綠提就見到生左好多好幼既根，可能真係燈光問題。

timmysfxc

yoowicked 發表於 2013-1-12 13:20
我都好有興趣想知多D，我一個月前都開始左一個好細既藻缸仔係底缸，買左紅提&綠提各一少份，用左支10W 白色 ...

可以有好多原因唔生，可能d水“好”得濟，無足夠養份都會生得慢。

timmysfxc

swtam 發表於 2013-1-12 10:21
請問有冇師兄知道買完呢件ATS硬件後，D藻可以邊度買才種？

正常魚缸入面會自己生出黎，no need to buy

timmysfxc

個化氮d色好淺，正常既應該好似24味or at least深啡。水位set set佢可能會好d。
ATO... 細魚缸可以用2條管，一支同水lv一樣一支係for出水，水位低自動出水，到位就停。diy都得，易用又唔使電。

kfklam

timmysfxc 發表於 2013-1-11 22:37
小左環會小d nitrate呢個concept我有小小唔支持。因為其實多環，多n cycle細菌，有更多capacity去轉換水中 ...

Ching細缸真系好難搞，加多啲生物石，缸入面嘅水容量就會變小，魚嘅游泳空間亦會變小。因為水容量小，水位會因為蒸發而改變得好快。我依家都諗緊DIY一個ATO幫我自動加水來解決水位問題。因為我有時幾日都唔系屋企所以都幾頭痛，遲啲夏天開埋風扇仲死得快啲添，咁細個缸又唔可以裝chiller。
個化痰其實我都諗住換個外置嘅，下面張相系哩個化痰4日嘅化痰量。圖片啲色淡咗實際其實系黃黃綠綠咁嘅顏色同埋有啲黑色一粒粒嘅垃圾都化到出來。

哩張系依家缸入面嘅狀況，攞走咗個化痰真系靚好多。
不過我依然覺得有化痰可以唔多唔小減低個缸嘅負荷。
所以會物色一個外置化痰。
唔好意思唔知點解張相明明系正嘅post出來變咗打橫。

我睇過Ching講嘅ATO系統，個概念好吸引但系好似好難setup。

Ching可唔可以指點下點setup套ATO？

yoowicked

我都好有興趣想知多D，我一個月前都開始左一個好細既藻缸仔係底缸，買左紅提&綠提各一少份，用左支10W 白色LED射燈每日照8個鐘，但我發覺綠提無乜多到，雖然無化白，但望上去唔多健康，紅提就好D，有少少生長。其實無打算個藻缸有乜作用，純粹想試下養藻，請問是否燈光問題？點樣先可以令佢生長好D呢？

swtam

kfklam 發表於 2013-1-10 23:00
Ching 講嘅ATS系咪就系哩種呀？

請問有冇師兄知道買完呢件ATS硬件後，D藻可以邊度買才種？

timmysfxc

kfklam 發表於 2013-1-10 22:27
多謝師兄指點。我開缸有兩個月啦。個缸係Dazs嘅set缸12“x12”x14“背濾缸，用緊NACQQ因為太大放唔 ...

小左環會小d nitrate呢個concept我有小小唔支持。因為其實多環，多n cycle細菌，有更多capacity去轉換水中既ammonia去no2再去no3。小左環，小左no3，咁分分鐘會多左好毒既ammonia同no2，咩生物都會死。細缸黎講，真係要減no3, 換多d水係最簡單直接既解決方法。仲有，5磅石對一個想玩得自然d用小d器材既珊瑚缸黎講真係小左d，建議要有15磅左右。支化氮… 樓主用左一排感覺如何？其實真係可以唔用。（我都知一定有人會唔同意我咁講。不過個人覺得呢支化氮，其實都係好打有限，家下仲要坐埋入display，又唔好睇，不如唔用。）背濾多d環，碎石也可。已經有既硬毛藻可keep住，一個月左右修一修佢。支燈… 應該要換支好小小既… 最後記得加生物一定要好慢好慢咁加。呢part“忍手”，先係最難。

kkenwong123

我用2支T514wx2700K一個1200泵

kfklam

kfklam 發表於 2013-1-10 11:56
ching有咩秘訣可唔可以以同大家分享下呀？

Ching 講嘅ATS系咪就系哩種呀？

kfklam

timmysfxc 發表於 2013-1-10 13:26
呢種藻可以24小時照光都ok. 佢生長時會吸收水入面既NO3同PO4, 當你定期修剪佢就即係將缸入面既NO3同PO4拎走 ...

多謝師兄指點。我開缸有兩個月啦。個缸係Dazs嘅set缸12“x12”x14“背濾缸，用緊NACQQ因為太大放唔入假滴漏度，所以放咗囉主缸（暫時）。開缸個時加咗好多生物環，但係因為想玩珊瑚所以慢慢囉返啲環出來減低nitrate，依家剩返唔夠0.5L嘅環。主缸一開缸第二個星期就放4磅死石同1磅活石 。因為新手所以冇加沙，靑缸底。現在生物有一隻1”醫生蝦，一條2cm小丑魚，一隻2cm寄居蟹，一條2cm藍魔同埋3粒海邊搵到好常見嘅騾仔。一個星期換一次水10%。燈係跟缸嘅9W LED燈 6白一藍。背濾有三個槽，依家第一個放咗白棉，第二個放硬毛藻同幾粒環。第三個槽放暖管同埋上水泵。遲啲返香港再post相比ching指點下。

timmysfxc

呢種藻可以24小時照光都ok. 佢生長時會吸收水入面既NO3同PO4, 當你定期修剪佢就即係將缸入面既NO3同PO4拎走.  佢唔係過濾, 亦取代唔到石/環/厚沙底(n cycle).  
你個缸咁細如果放唔到好多, 佢既效果好有限, 倒不如用ATS... 淘寶現成100-200蛟細size個隻可能岩你用.
最後都係果句, 細缸換水勤力先係皇道. 一星期一次10%左右.

kkenwong123 ching你個缸點setup不如分享一下~~~

kfklam

kkenwong123 發表於 2013-1-10 09:23
ching我有個24寸缸玩ATS没過濾及化痰玩左大半年。

ching有咩秘訣可唔可以以同大家分享下呀？

vsvs

kkenwong123 發表於 2013-1-10 09:23
ching我有個24寸缸玩ATS没過濾及化痰玩左大半年。

有冇全缸照欣賞下?