幫老友問. [複製鏈接]

草根魚友

論壇元老

Rank: 7 Rank: 7 Rank: 7

樓主

發表於 2013-3-9 07:45:38 |顯示全部樓層

同師兄分享少少小弟對淡水魚&龍魚嘅愚見!!!!
其實淡水同咸水一樣，都係要注重”養魚先養好水”依一環，不過兩者喺養水方面唔同在嘅，
就係係.......淡水養水最主要就係要建立一個良好嘅”消化系統”亦即是一般人講嘅”養箘”，當中唔同嘅就係開淡水缸時，係唔一定要照燈，所以未必會好似開咸水缸咁，清清楚楚見到爆（啡苔綠藻），不過亦可以憑經驗從氣泵打出嘅氣泡得知，缸中嘅消化系統是否已建立，從而安心落魚
其實淡水缸同咸水缸亦一樣，水體越大，水質越建穩定，而淡水缸嘅消化細菌，一般都會利用（生物環、生物球、生物珠等.....）去培植，除養大形魚外，例如玩（神仙、琵琶、慈鯛）嘅飼主，亦喜歡加入（沉木，底沙及河沙石）去做景，而當中嘅底藏亦有利增加消化細菌嘅數量，不過就難於清潔，同埋有反水嘅潛在危險!!!!!!!!!
至於師兄文中所提及朋友嘅龍魚（過背金），小弟建議用清缸飼養，不而加放擺設及底藏，而缸嘅背景、缸底嘅底色，亦要因應師兄朋友所入購嘅金龍屬邊一個種類及飼養者想要嘅效果，因為金龍除咗分（紅尾金、高背金同過背金）之外，當中嘅”過背金”仲可以細分有幾個品種（藍底過背、紫底過背、以及金頭過背）如飼養者想要突出龍魚本身品種嘅效果，就要選配合適嘅背景，例如:有底色嘅龍魚，如果用上白缸飼養，龍魚魚鱗上嘅底色，就會因應白缸環境而退，不過金質排數就會被此環境而推高，相反....如果係金頭過背用上黑缸飼養，金質與及排數亦一樣有好大機會會退，不過金質就會比用白缸飼養嘅實........所以，就要視乎飼養者究竟想要乜嘢，再配合燈具嘅設定，擺放嘅位置，龍魚亦會展現出不一樣嘅效果!!!!!!!!
效深層次嘅飼養者，更會從各方面嘅設定下苦工時間，為愛龍進行（鎖色、鎖框、推排、推鱗心、包面、包肚等.....）飼養手法
因為每一個魚場、每一條龍魚都唔同，所以依個就飼養龍魚嘅樂趣

舉報

草根魚友

論壇元老

Rank: 7 Rank: 7 Rank: 7

沙發

發表於 2013-3-9 09:15:31 |顯示全部樓層

仲有一點講漏咗
千祈唔好車條鯇魚落缸開缸試水
一來因為鯇魚本身體內蟲多
二來魚場點都會落石綠去消毒殺箘
如果全新開缸嘅話，可以叫你朋友去問魚友或者賣龍比你朋友嗰間魚鋪，攞啲佢用緊嘅白綿返去車落綿兜，利用件舊綿去加速養箘，再喺水中加入消化細菌藥水(一般用”蜂皇漿”都ok)，大約一星期到，就可以車幾十條（死士）試水魚落缸，如果養龍嘅話，可以車（紅滿、米奇、魚花等....）細魚，因為試水ok後，再落埋龍，條龍就會慢慢張佢地合體

舉報

草根魚友

論壇元老

Rank: 7 Rank: 7 Rank: 7

板凳

發表於 2013-3-9 09:18:27 |顯示全部樓層

本帖最後由草根魚友於 2013-3-9 10:02 編輯

ybkwok 發表於 2013-3-9 08:20
養龍既學問仲高

都只係少少愚見
玩下玩下、問下問下
就好多野都接觸到!!!!!因為我都有養龍.....

舉報

草根魚友

論壇元老

Rank: 7 Rank: 7 Rank: 7

地板

發表於 2013-3-9 09:49:18 |顯示全部樓層

本帖最後由草根魚友於 2013-3-9 09:59 編輯

knec0412 發表於 2013-2-28 00:36
甘係咪5尺長缸呀?唉，咸野攪5掂，甘啱個缸又好似漏水，把心一橫想改養龍，但位置最盡30寸長，所以機 ...

如果得30吋嘅話，真係唔好諗佢住，因為龍魚頭一年嘅成長速度都幾快，當師兄你而家睇中一條大約8吋嘅龍魚，基本上唔駛一年，你條龍魚已經超過16~17吋，即係話條魚一轉完彎又要轉彎，再加上龍魚係需要一個足夠嘅活動空間，佢地先可以起態，所以基本上如果問養龍嘅魚友意見嘅話，大部份最基本都會建議用48x18x18以上嘅魚缸，而過濾系統方面，有位就行底沙缸，因為底沙缸空間大，可以擺放更多嘅濾材去穩定水質，如果底沙缸行唔通，就唯有轉行頂沙缸，不過你一定要知道，個魚缸嘅缸頂擔係咪一定夠力承受成個頂沙缸、濾材、同埋注滿水後嘅重量，因為真係一啲都唔輕..............
其實養咩都好，最好都係先了解咗佢地嘅習性，先再睇下究竟啱唔啱自己飼養，畢竟所有被飼養嘅竉物（包括魚類、生物）都係有生命嘅...........

舉報

草根魚友