- 註冊時間
- 2012-1-10
- 最後登錄
- 2023-9-6
- 閱讀權限
- 100
- 積分
- 8191
- 精華
- 0
- 帖子
- 572
|
本帖最後由 Draculas 於 2014-1-22 02:22 編輯
收到幾個PM 問我關於閃光燈問題......雖然我係攝影區版主者....不過影相既高人....呢個網大有人在.....而且影相既野我都係知D皮毛.....冇嘜野好教....所以下次都係開POST 問下高人好過PM 小弟
言歸正傳,既然有人問開.....咁等我講少少閃燈既原理,希望可以解答你地既問題,亦希望有其他高人幫手補充一下:
相機測光錶同閃燈既關係:
當用M/AV/TV MODE 既時候 , 對焦同時測光,相機會話你聽曝光值,但係當插住支閃火燈既時候 , 測光錶好似唔再正常運作咁,明明話UNDER 但係影出黎又唔係好黑, 究竟係咩一回事?
其實只要明白相機同閃燈既原理,呢個問題係唔難理解,相機既測光係對持續光線測光,例如太陽光,燈膽光等等.....閃燈光只係一剎那既光線,相機係唔可以預測得到
所以係個夜景影人既時候,相機既測光只係測環境光,人物就需要閃燈去補光,你可以先影一張夜境相得到一個正確既曝光正如(ISO 100 , F.4 , 1/30s) , 主體就靠閃燈去補光,用ttl 影一張 , 如果覺得主體太光/太暗,咁就係閃燈度既曝光補償調較,達到你自己滿意既效果.
快門同閃燈既關係:
有時閃燈打落主體太光,於是我較快個快門,吸少d光.....再影,但係結果都係一樣,有時閃燈打完都係太暗....我拖長個快門....但係結果都係一樣,究竟點解?
理由好簡單 , 因為閃燈既光同快門既快慢係冇關係. 好多人都知快門可以決定相既曝光值,快既快門相機吸光量少,相會較暗,反之亦然,不過呢個理論唔可以套落閃光燈上應用
可以係屋企自己試下:同一個環境,同一件物體,同一個光圈,iso 同閃燈輸出量,係唔同既快門底下,佢地既曝光係一置既,因為閃燈既速度同你快門既速度係一致既,所以係同一個輸出量同光圈既情況下,快門既快慢係對閃題既曝光冇影響,要改變主體既曝光,你要調較光圈/閃燈輸出量/距離
大概既問題我已解答如有問題可以係呢個post 問下其他高人,當然你都可以再開新post 問
=====多謝收看=====
|
|