UV燈可以殺ufo蟲 嗎??

kenlam

我剛養魚時試過，經驗分享而已。細心觀察魚身魚眼，魚身比較難睇，魚眼比較易，發覺條魚帶左隱形眼鏡，即係中左9成，一條有，即係全缸中獎。
先準備大膠箱，大膠筒，強勁氣泵×2。
（呢個方法只適合魚魚有狀態先好做）
從魚缸抽舊水落大膠箱打氣，用大筒水喉水打氣
每個月捉哂啲所有魚出黎過淡水（遂條浸，打大氣）
如果條魚有反艇，就即刻放去大膠箱。
無事就浸佢1至2分鐘，先放去大箱
浸一條，換一筒新水喉水。
如此類推，到時有乜蟲都走哂出黎，魚缸內造景石冼刷乾淨，加返新水攪正咸度
（唔係換哂全缸水，至多3分1就得）。
將魚放返入缸攪掂。大膠箱啲舊水唔要，當換水呢

魚缸以後用密綿接水過瀘，
綿要keep住換，唔好滿瀉。

每個月做一次，你會見到好多野飛出黎。
但一次比一次少，浸到無野飛出黎後即告完成
我記得以前3次就攪掂

以後買新魚，切記做好檢疫，一勞永逸

kenlam

另外UV燈，個人應為作用不大，可用可不用。
用O3比較好，不過部機就比較貴