阿南出品 必屬佳品

lung1122

12月尾 係阿南到訂左套缸！到左1月中個櫃到左 個缸係1月尾都到埋~因為過年既關係 差吾多2月尾先有時間set喉  set 好晒喉  之後發現兩隻門個底爆開晒！ 即時打比阿南 佢第一時間話會吾會我屋企好潮濕 水都未行  ？ 又有開抽濕機！ 點會好濕呢？ 之後佢話做過對門比我  ok 無問題  ！ 跟住過左幾日就約埋師父黎裝分體 ！準備開缸 之後發現個櫃好多位都烈開晒 ！又即時打比阿南啦 就約左上黎我到睇！ 睇完之後就話 幫我汁汁隻櫃？ 用都未用 就以經烈到甘 ！ 仲話幫我汁？？我當然死都吾肯啦  之後佢先話做過隻櫃 ！ 做過隻都死啦 大佬 我 set晒喉 裝晒太炮 仲要我自己叫車出去拎~ 明明就係你d貨有問題 點解要個客咩晒條數？ 錢就賺到盡 做d甘既貨出黎 ！好啦 個櫃換完 又到個主缸有問題  尋晚發現主缸頂 烈左一片玻璃出黎 又即時打比阿南啦 第一時間話 我點知你點用個缸！點知你係咪用刀片片塊玻璃出黎 ！ 作為一個老闆 講埋d甘吾負責既野！ 搵你做缸都係因為出名 質素好 原來掉返轉既 真係一分錢 半分貨 ！ 搵佢做缸簡直貼錢買難受 態度極差 ！ 好啦 睇相啦 首先對門烈  



之後到個櫃烈




新櫃同舊櫃 新櫃比舊櫃明顯多左木方 衰左先用多d料？


個新櫃仲話照圖做？ 龍又開錯 叫我過得去就算 插頭都過吾到點算呀 ？  個新櫃慢慢又開始烈緊


到主缸啦  見到主缸頂有片玻璃烈左出黎  即時打比阿南 點知你點用個缸 ！ 同隻門爆左第一句一樣 點知你屋企係咪潮濕呀 推卸責任就最叻   玻璃無撞過 亦都無崩


打左甘耐 都係想提醒師兄 洗錢要洗得開心 一分錢一分貨 吾好好似我甘 貼錢買難受 態度何其差！！

kenjigood

缸崩成4,5個月先發現..得啖笑.

kinming

厚顏無恥!!!!!!!!!!!!!!!!!

newtoy

最後結果係點.......?

jackbo

所以話。。唔係身有屎。。點會同您換呀。。。

TimTim

淨係見到個櫃咁爆法，個電線位開到咁，塊玻璃咁裂法。
咩事心中有數啦。

我隻櫃，自己唔小心又好，化淡爆水又好，過去一年浸過十次都有。
家下一條裂痕都未有，一塊皮都無甩過。
d料係得既，點會幾個月就收皮…

tamtikyeung

longlong

以我個人觀點及經驗知識既睇法.睇到個櫃D木咁爆法.好大可能個櫃係大陸間廠做好後求其放埋一便又冇冚帆布檔水.剛巧又碰上落大雨淋濕左.攪到地台濕濕地.兼又冇揾野攝高個櫃等佢離地.D漬水就由木腳扯左水上去.基本上唔係原實木材.如曾濕過小小水既木都會由木板既邊位什至係木腳扯水上去而唔會即時爆烈的.要一段時間D木收哂水佢就會慢慢浮現出嚟的.更唔好既木材曾浸過水個 D. 2至3日就現哂出嚟.好易睇到.因為佢會脹身(即係行內人講既大肚).呢D問題好多木工師父一睇就知.就咁睇樓主個問題應該係前者.再講..就算屋企點潮濕木材都唔會咁樣爆烈法.只能說好微.反宜屋企入面.地台.牆身.地櫃個面都係裝雲石遇到潮濕問題仲多..咁樣講.住係海邊同半山個D住户一到潮濕季節咪全屋木制傢俬唔使要..

hung128

everest 發表於 2014-7-2 18:48
公説公有理婆説婆有理唔知他們内裡咩情況他們當事人先知啫,初時都唔知原來係造三 ...

睇咁耐我覺得你講得最公道
樓主點用 大家唔知 係櫃問題定使用問題 大家好似一早有答案咁
換左一隻新櫃 又到缸有問題 但正常黎講 玻璃如無內傷 無撞過 好難會有玻璃甩一舊出黎

everest

魚苗 發表於 2014-7-2 15:49
哦…但我睇唔到話應該賠缸果啲師兄提出要比保費啊，唔通亞南收13000造三層缸同櫃已包埋保費？不過佢地 ...

公説公有理婆説婆有理唔知他們内裡咩情況他們當事人先知啫,初時都唔知原來係造三層缸咪個個覺得貴囉,過左幾個月先發現有問題就難講啦!

魚苗

哦…但我睇唔到話應該賠缸果啲師兄提出要比保費啊，唔通亞南收13000造三層缸同櫃已包埋保費？不過佢地又話收得貴，我都唔太明白

everest

包賠要加保費先得喎！

我係wingk960

好小入黎.乜咁旺場.

魚苗

睇左成個post,好多師兄認為新缸收貨時冇花冇裂（樓主應有正常驗收冇以上問題），用左5個月後才發現缸有裂痕，造缸鋪頭都應作賠償（相信市面上有鋪頭做到此點大家才覺得賠償係正常做法）。
本人正準備換缸，幸好睇到此post (原想搵亞南造缸)。現希望各位師兄介紹下邊間造缸鋪頭有此包賠保證，當然價錢都應較亞南平（）

b16zx

啲人出咗名，係咪出品質數就叉呢？
不過佢做缸間嘢負面新聞都聽好多

Mrocean

其實阿南既態度。有幾差...吾洗多講啦。同二個朋友上佢公司。搵佢做魚缸...問多二句。佢就同我地講：我幫你地諗得就實無問題....吾明緊就問既啦。問多二句就話煩。  態度差。件貨品幾令都好。。。我吾會比錢買難受。條氣頂住係到...（係朋友訂...吾係本人訂）

alfa

因為魚缸唔係用強化玻璃，如果邊位有好輕微損傷可能會俾玻璃膠遮到而唔覺眼，慢慢因水壓造成崩裂，但呢個問題通常審死官都攪唔掂！但通常通過良好的服務態度可以化解！

c.ming11_16

嘩!  睇完當事人南哥出黎回應真係無0得輸
咁嘅服務態度 同 售後服務 事問邊個敢同你訂缸
真真正正 貼錢買難受
如果識自己起圖設缸咁洗鬼比錢搵你（專業人事）去做自己搞掂得啦
定係阿南哥 唔鐘意做新手生意呀！乜都唔識仲要你諗點設計麻X煩呀！最好一次講定係咁就係咁 你咪改圖呀自己諗掂落左訂有錯都唔好改呀你！係咪要咁

jackbo

睇完之後。。我就覺得。。點解我要受您氣。。我同您訂個缸和櫃。。唔明有問題梗係要問啦。。。您仲好意思係到講。。話自己係粗人。。。
您要記住。。。樓主係您客人。。。唔係您朋友。。您要識得尊重人。。
睇完您咁大段。。。就知您點樣對有特別要求D客仔。。。問多二句就俾您話煩。。開多幾個孔。。又話樓主多要求。。。如果係咁。。您一開始報價。。要十三萬先有得做咪得囉。。。
洗鬼報完價。。又話樓主乜。。樓主物。。。

您可能覺得自己已經盡晒責任。。個櫃烈左。。換個新俾您。。。再烈。。都無辦法。。。您咁做係好。。。仲好好添。。。您幫樓主換得櫃。。您自己心中有數啦。。。唔通您會講出咩。。。如果掉番轉角色。。您會點諗。。。您自己好好檢討一下。。。