滿身白點

william889

C hing 我個海水魚缸開 25日 放4條炮蛋，5條三白，5條魔，5條盬魔，死凈2條炮蛋，但滿身白點，怎麼辦呀！求ching 指導

llaurense

無Q魚，直接車入缸？

skimmer

新缸新水缸幾大而加得太多魚唔夠菌所以死, 唔好落藥等2條炮彈死, 換水養水先

ybkwok

才開缸25日，已經入手19條魚？

ybkwok

介紹你睇，榮少出品
http://seafishzone.com/forum.php ... &extra=page%3D1

terryso

交完學費後就係爬文啦

kukuri

學習落藥都係重要一環

everest

清缸行住水先，再重新開始吧！

william889

C hing 如果落殺菌水和白點藥Ｄ消化細咪會死哂，系唔等如從頭開始呢？如果落藥用邊隻牌子？在魚街那間買，如果唔落藥，缸水有很多病菌，算？

william889

我個海水缸系 36×18×24吋，220L 水。

william889

我個海水缸系 36×18×24吋，220L 水。

ybkwok

你而家個情況，搞掂D白點先啦！
你先開左25日缸，D消化細菌多極有限，
你犯左養咸野大忌————》急！

william889

Ching 咁Ｅ家點做呀！請指導。

kukuri

如果係我就行淡清魚兩星期,反正果兩條都是死士。下次唔好係集中營捉魚，學左Q魚先, 唔係kill魚.

hippo9449

估唔到有人仲心急過我

我見議你唔好落藥住啦 你開得缸得25日 個過濾系統都未得 係咁落藥仲衰 由d水行返幾個星期先 之後先落1 2條魚仔睇下咩情況

neva

呢度已經有好多不同師兄比了好多不同既意見，你自己想想那一個更加方便自己。

但如果是我，我會順便學習落醫白點的藥，因為剩餘的兩條炮彈應該無咁容易死，但一日他們唔死，又或者你唔去醫治他們身上既白點，永遠個魚缸都會有白點，咁為何你不去試下落藥吸收下醫治白點既經驗呢？你落藥前先看看說明份量，但一定要寫曬份量，以免記住適合份量，等下次如果再有白點病可以知道正確份量。但如果萬一呢兩條都死埋，咁你就換曬所有舊水，再開過新水，行一個月“正水”。記住，你現在所犯既錯是所有新人都會犯既錯，就係在一個非常短既時間耐放了太多魚魚落魚缸，尤其是新魚缸，一定爆白點病。

neva

再建議你，等你魚缸這兩條炮彈醫好返白點病計，又或者“正水” （即是一條魚都無）的第一日開始計，行足一個月不加任何新魚，到一個月後，如果真的無曬白點菌，開始加魚，但切記一定要一星期只能加一條至兩條慢慢加。

william889

多謝ching教導，請問師兄我應該買邊隻醫白點藥或殺菌水，請指導！

neva

我用開Seachem 的 Cupramine（師兄們喜歡叫藍十字），按照說明書是每40L水落16滴，然後等48小時再落同樣份量，直到魚魚身上無曬白點就停止落藥，然後再等一個月，期間無再爆白點才可以加新魚。
如果你情況是220L水，亦即是落88滴，我做法是今日全日分幾個時段慢慢落曬這88滴，例如馬上落20滴，然後過1小時再落20滴.......等等，比魚魚慢慢去適應。然後到了凌晨時分（亦即是魚缸燈關掉一段時間後，個人認為魚魚身上起最多白點的時段，因為到了日間係好似會少D白點數量）你就需要起床去觀察下D魚身的白點數量，然後記住大概既數量。等了第二次再落完88滴之後又等到凌晨時分去觀察下魚魚的身上的白點是否有明顯少了，如果無的話，第三次需要加藥時繼續加88滴。但如果見到魚身明顯少了白點的話，亦即是白點藥既份量應該足夠殺死白點菌了，我會馬上停止落藥，再睇下第二晚有無再明顯少白點，如果繼續有少咗白點數量，亦即是唔無再落藥啦。記住，落藥之後並不是可以馬上一日內殺死曬全部白點，是需要時間的，可能兩至三日。
另外，記得要寫低用藥份量，方便以後按照這份量去落藥。
最後，化氮問題，有人認為一定要關，但無關化氮而又可以成功醫到白點病既師兄亦不少，其中我就是。因為關化氮好壞水。我做法是加多少少白點藥，例如88滴，我會加到95滴，而不關化氮。

william889

neva 發表於 2014-10-21 20:01
我用開Seachem 的 Cupramine（師兄們喜歡叫藍十字），按照說明書是每40L水落16滴，然後等48小時再落同樣份量 ...

收到，多謝ching指導！