氣憤

kubesmile

小弟今晚到太子某間上樓珊瑚舖(太XX水族X)買咗兩件角珊瑚，回家發現其中一件鹰爪(價值480元) 背面有一半面積枯萎，後來以whatsapp形式向該店老闆講述情况，以下是我們嘅對話：

我:老细有冇攪錯，啱啱買支鷹爪燒咗 (附傳送圖片)

太: 大哥，呢啲唔係叫燒喎，燒係雪白色，係大自然枯萎，佢壓住生長引致，你係          咪初玩？啲邊全部埋晒口，唔係我個缸燒㗎。

(咪玩喇，我玩角雖然時間短，一年左右，但幫襯你都有八、九個月而花費保守估計冇一萬都有八千喇。雖然我唔識用枯字代替燒字，但我想表達係個背面點解咁？)

我:我知，但如果係你會不會揀一件有缺陷嘅角呢，玩角嘅人會不會浄係放一面呢？你又會不會放呢面俾人睇呢？如果呢件係二百元我冇話好講，又或者買家買嘅時候你會講聲呢？ (因為枯咗咁大面積，個人覺得如果賣出價錢應相對調低)

太:   我第一次聽玩角嘅人會講呢啲說話，如果你要買一件角十全十美嘅角，你買件假角囉？你明天攞返黎我俾番錢你，不過你以後唔好再係我舖買嘢。邊有買野係要十全十美？除非你要求攞上黎四面八方睇晒，價錢亦唔同。你買野咁怪，昵的係natural野，我就冇望過，就算望到你都係心甘情願買嘅。你想十全十美就去買件膠，我都話換番錢俾你。

(買果時三面我都睇得好耐好清楚，唯獨背面睇唔到，因為件角背面倚在石上，我嘅提出係冇話要攞番錢，你換過一件或下次買角時你話平少少我都覺得你有誠意，你仲叫我唔好再去你舖買野，仲話我要件十全十美，我都覺得你真係野蠻，畢竟我都幫襯過你不少。之前都聽過你對伙計講其他客齋睇唔買，宜家真係睇到你真面目。)

我:  我唔係話十全十美嘅問題，基本上你知道先至擺果邊，我唔信你冇睇過，你收得咁嘅價錢應該有番佢嘅價值，件角斷得多同比較完整都唔同價啦，老闆！顧客永遠想要買到佢應為價值嘅野，無論係貴或平，呢個係消費者的選擇。

太:  你Ya 啦， 我知道到我就唔賣俾你啦 ，我百幾件角件件去睇呀？你咁樣黎屈我，你有病呀，黐X線！

(我相信你放件角落缸都會睇過點放掛，又或者你幫我包果時冇理由睇唔到。之前我同某間珊瑚舖買件角，老闆見件角狀態唔好就叫我唔好買，呢啲咪職業道德囉。一講都唔駛唔駛發爛渣嘅！)

太:  唔該收聲啦，聽日攞番件角返黎，我知呢件角咁擺先好睇，阿八！

我:  你親自擺上去居然話冇睇過點擺？我真係唔信！

太:  你唔好咁多癈話，聽日攞番黎，四百幾元唔該呀乞衣！

(其實我覺得你誠信有問題先至講啫，大大話話都幫襯咗你成萬元，區區果四百八元我都冼得起，係時候叫番你做乞衣，睇你頂到幾時！)

G-force

jacky66 發表於 2016-2-20 17:40
至少都肯退錢,佢隔離舖係過海神仙

我覺得樓主係反影事情姐，老闆其實無謂同客嘈，客又唔係人身攻擊。ed事一定有，比說話人聽冇幫助件事。

樓主也要明白，件珊瑚有可能在老闆放落缸時冇事，但你買果一刻已經出現變化。所以老闆未必知有問題。

希望老闆及客人各退一步算吧。

jacky66

至少都肯退錢,佢隔離舖係過海神仙

riverchild1220

條友一向都串串貢架啦, 想貼錢買難受咪去幫襯下囉, 吊完人仲話人乞衣? 唔係咁惡呀MA

sa74

退貨點解要話人乞衣?! 好過份

lazyduck

明白師兄GE不憤,同店主GE憤怒,都係個句相哎唔好口!店主係放係心到屌比較專業GE~師兄就當買個經驗下次再睇真D先出門口啦,好多野都係一出門口恕不退換!

isaac427

chrislam101

原來係1樓

a14

肯定係1樓，所以我宜家唔會上去
成日扮大師，返黎返去嗰幾味
當年佢D貨真係去得快，差唔多一返就有8成比人hold左
上次大約一個月前上去，見佢D角仲有好多
其實佢可以維持咁耐，都算傳記

fishboy

應該是一樓  ，買過一次怕怕，直頭買馬1樣，件件唔同價，又無,價錢，問得多唔買就有野聽、

chrislam101

本來都唔知邊間！原來4樓個間！買過一次野ok啦！但真係好海鮮價，同個哥哥仔打機打到問都唔理人！見佢手機+電腦一齊打！

kubesmile

a14 發表於 2015-12-3 19:38
不過講真，買左包好都應該睇下，始終生口野
話說我琴日去日記睇啱左條㡖BB,得1吋多d,我叫佢包 ...

多謝師兄提醒，我買之前都睇得好清楚同一段時間，由於放嘅位置頗高同被後面舊石遮著所以睇唔到。諗著都幇襯咗一段時間都信得過，有的咁嘅應該講聲，同佢講又係度扮專家話大自然造成，其他人都識講喇，話俾番錢我仲叫我唔好去佢舖頭買野先激氣，你唔做我生意仲扮清高，成香港唔係得佢賣珊瑚嘅，最後仲講粗口。呢啲人咪睇清楚佢嘅真面目。

a14

不過講真，買左包好都應該睇下，始終生口野
話說我琴日去日記睇啱左條㡖BB,得1吋多d,我叫佢包起
比完錢想走，突然心血來潮望一望，E，條B訓低，係打橫訓低
當時即時比店員睇，經過一翻搶救，最終失敗，店員都好好
肯退錢比我，D件事教訓我，以後買魚，包左都要睇下，
如果出左門口，我估凍過水

Hanggor

昨晚第一次幫趁, 老闆都無乜野呀, 仲肯提點下我呢D新手

ice28720

都係果句！在店舖買野或約魚友交收，始終都是要睇清楚先比錢，有問題當面問清楚咁就少掙拗架啦。

傻傻地單眼仔

alvin2008

其實想咩嘢都會係咁 買之前睇清楚 返到屋企先知錯 想退貨就難囉 除非大鋪 但價錢又會貴D 所以我覺得唔可怪晒鋪頭 買魚買角都話可以睇 買器材重慘 買個造流話超靜 點知.... 打去問吓會唔會自己set錯 答案係"要靜去買MP40啦"

畢畢

輸打贏要你地唔係睇清楚先買

twice

算把啦，佢d價海鮮到呀，又成日叫你買哩件買𠴱件。我依家入都費事入呀！

ybkwok

個人意見：
若果唔係收埋件貨，唔俾你睇，
仲要迫你買既話，究竟責任誰屬？