大家認為這個組合如何

小魚毛

ching有心機爬文，值得畀個你。
不過呢個站班大師入晒魔㗎喎，咩都可以研究一餐，ching你要睇清楚佢地講咩先。
原先樓主係想討論光學鹽度計0既準確性同誤差，不過佢引用0既資料就可能誇張左啲，明顯係間鹽度計生產商0既宣傳稿（只有佢呢隻「D-D」牌最準，其他牌子都有誤差！）但係資料入邊0既理由：鹽水同海水0既分別，就真係值得討論，所以先至有咁多大師一齊吹。

其實簡單呢講，班大師總結左幾點：
－所謂誤差只有0.002，影響不大。
－除左海水同鹽水既分別之外，重有溫度、唔同地區0既海水鹽度、唔同牌子唔同批次鹽度計0既生產質素⋯⋯太多我地控制唔到0既因數會影響到個結果，計得幾多？

－光學鹽度計有一個優點，就係可以微調，所以點都比較平0既浮沉同入水式準確。

－使用習慣比選擇決定更加重要，每次用前同用後都一定要清洗，唔係就幾勁0既器材都死！

小魚毛

可以兩用就呢隻，鹽度＋溫度－－浮沉式：

最平，都算準，不過要睇清楚個鹽度數值就辛苦啲。

次平就係呢隻－－入水式：

比較易睇讀數，但係聽講最易出現誤差都係佢。

一般就係用呢隻－－光學式：

算比較貴，我自已用0既係ATC，有埋溫差，$250，用左八年都算OK。

最貴0既係電子式，詳細比較可以睇睇呢樹。

小魚毛

我0既個人經驗：
盡信書不如無書，數值0既嘢雖然重要，但都係要呢參考啫。玩珊瑚最重要水質穩定，但咁唔等於一定要你撳住啲數值喺謀一個位置，只要唔大上大落就得。我盡量keep個缸0既鹽度係0.1255~0,1265水平，但係有時上落到0.1230~0,1280都無事。
反而試過有一次舐嘢，係因為我用廁所水，平時都會check左鹽度至落缸，就係有一次懶check就落缸，咁就中招。見啲珊瑚唔妥，至呢度鹽度，得翻0.11XX。死左大半珊瑚，魚反而無事。事後至知原來區外整街喉，啲工人臨時搵條淡水喉駁落鹹水喉……所以重最重要係使用0既方法同習慣，用咩器材反而係次要。

鹽度計係必須品，但唔等於你一定要用最貴最頂級0既器材，應該睇你整體0既預算，你用一千幾百開缸，無理由用二三百呢買支鹽度計。
以ching你0既筆直呢睇，你用百零蚊去淘支光學計返呢都算合理，唔放心就可以考慮我嗰支，算係比較多人用。