有冇師兄試過魚同蝦蟹一齊養？

小魚毛

1）缸入邊一定要有足夠o既石頭、窿罅位畀啲蝦匿埋，唔係佢換殻嗰陣就一定變點心。
2）Size唔可以差太遠，如果唔係（i.e.大魚vs蝦毛 or 大蝦vs魚毛），細仔隻o既一定變活糧。
3 ）某啲魚係以蟹蝦等甲殻類為主食（eg.龍、狐），選配時要留意；亦都可以用細魚配大蝦o既方法處理。
4）蟹有比較大的螯（鉗），所以好多都有較大攻擊性，只要細隻過佢o既生物都會攻擊，一定要選啲比較溫純o既品種（eg.葵蟹、寄居蟹、啦啦隊蟹⋯⋯）
5 ）有大鉗o既蝦（eg.拳師蝦\長臂蝦、龍蝦⋯⋯）都會係麻煩o既生物，同蟹一樣會以大食細。