連爆兩次缸, 唔通個天都唔想我養魚?!

小魚毛

個天應該無唔想你養魚，更大原因應該係ching買錯魚缸放錯位。
1)彎角缸出名易爆，通常舐嘢出事都係呢類缸。Ching爆過一次缸，如果做o下research，就唔會貪靚揀佢。
2)個缸應該係2分玻璃，咁大個缸但啲玻璃咁薄，你重要掛咁多傢生，咪即係叫自己快啲換缸。其實呢個缸只係啱玩啲簡單設備o既系統。淨係睇你套燈同架，就成副觀音頭，掃把腳咁樣。如果你講清楚有咩傢生，有良心o既魚舖都唔應該賣呢個缸畀你。
3)個缸右手邊係咪雪櫃？係你就明點解個缸爆喺右手邊，呢個都可能係你上一次爆缸o既原因，而唔係單單因為個缸老化。因為每次你開閂雪櫃門，啲震動都會傳到去個缸度，再加上你個缸右邊又燈架、又造流、 又磁刷咁多嘢⋯⋯Ching如果要拎個缸返舖頭換，就千祈唔好畀老闆見到你呢張相。

Ching如果想用翻呢啲傢生再開第三個缸，第一要轉位，第二要揀非彎角缸；第三，呢個size o既缸起碼要用兩分半玻璃，三分就更好。其實你呢兩個缸o既價錢加埋，都夠你買個好啲o既背漏缸。

小魚毛

Zeta 發表於 2017-1-15 09:42
通常一個缸大約用幾多年先老化開始有危險？

好難一概而論，平貴o既缸用料手工唔同，重要睇o下用家o既習慣，好似珊瑚缸會間唔中執o下石擺o下位，都比較容易撞傷個缸o既內壁。加上玩家多貪新，玩幾年又話換缸，個缸未老化都已經送走左……
我自已個缸係官觀訂做o既，兩尺背漏，玩左七年幾，無錢換缸，惟有死頂落去，好在用料手工都OK，就算自已唔小心整裂左缸邊一角（唔夠2cm），都照捱左五年。而家只係痴膠片間隔o既玻璃膠有老化脫落問題，但唔影響整體運作。