想請教各位大大

danaon

小弟剛組裝好新魚缸30"X20"X26"(第一次玩咸水)，
養水時間11天左右，想請教各位大大，我只打算邕養魚，珊瑚不敢玩(因沒地方可放水冷(嗚,,,)
見上面各位大大PO文說Q魚要多準備一個細魚缸，但我地方真的有限，可以什辨!!
(我完全是新手入門，買設備連缸和底缸已花了不少=  =，如組多一個細會被殺人滅口)
謝謝!!

777

用多個浮既膠西，分格魚，在主缸落藥Q，Q好就訓糧，真到搶食就放出來

Galaxy

最緊要新魚過淡。

calvinau

師兄, 請問如何做"新魚過淡"?

hkueric

Galaxy 發表於 2017-2-16 21:14
最緊要新魚過淡。

我都唔敢立亂過淡，魚態好就捱到，差少少都無命

hkueric

calvinau 發表於 2017-2-17 09:21
師兄, 請問如何做"新魚過淡"?

過五分鐘淡水咁解，滅寄生蟲

Galaxy

hkueric 發表於 2017-2-17 11:37
過五分鐘淡水咁解，滅寄生蟲

三分鐘就可以

Galaxy

防ufo

nat

無位當然直車，買魚由細至大，大仙前先入蝶

danaon

呃，如樓上師兄這樣說直接車入魚缸=  =我想我第一時間先被人滅口，這樣看待生命我情原不養，因我是第一次玩咸水魚，但都是希望他們可住得安心可養到肥肥白白，健健康康。別外我還謝謝各位師兄解答，不論淡水咸水魚，個中學問不少，日後還需各位師兄師姐教道!!  謝謝

danaon

此外過淡原因是像師兄中說滅寄生蟲，是否直接用已化綠的水中只打氣3至5分再放回正常咸度的水中再Q魚呢??

garylook

danaon 發表於 2017-2-17 20:49
呃，如樓上師兄這樣說直接車入魚缸=  =我想我第一時間先被人滅口，這樣看待生命我情原不養，因我是第一次玩 ...

無一條魚係你想像中一開始就可以養到佢死，老實講你珍惜生命，我覺得你唔好養，新手玩咸水開頭一定死傷無數

777

一缸健康既海水魚，系要用好多魚既生命而建成！

danaon

Q.Q
知道了各位師兄門

小魚毛

danaon 發表於 2017-2-17 20:49
呃，如樓上師兄這樣說直接車入魚缸=  =我想我第一時間先被人滅口，這樣看待生命我情原不養，因我是第一次玩 ...

ching態度正確，畀個
受技術、能力等條件所限，好多嘢都做唔到，但盡力避免無謂o既犧牲，咁至可以算係尊重生命，亦都係尊重你自己作為主人及人類o既身份。

tinyaulo

養水還在初期,不要急著落魚,最多加1-2條強壯的開缸魚,打大氣.
過多三星期左右,等系統開始運作,才加一條較強壯易養的仙魚,由這一條開始養起,大都會遇上魚病問題,
開始學習系統,魚隻同病既問題.如果條魚養得住兩個月,系統更加成熟可開始加第二條

可用膠箱黎Q魚,對水過淡可照做,魚冇問題才落缸

小魚毛

我自己買魚返呢後o既做法：
A・對溫
1)以水喉水沖洗魚袋，初步調節水溫及沖洗袋身的塵垢，然後放入魚缸對溫。
2)把已除氯的淡水放入膠樽，蓋好放入魚缸同時對溫。
3)對溫時間由半小時至一小時，視乎當日溫度，如果室溫與缸水溫差大，就延長對溫時間。
B・對水
4)打開魚袋，倒掉最少一半的水，然後把缸水慢慢滴入魚袋，直至魚袋水滿。有心機的話，這步驟可重複做多次會更保險。
C・過淡
5)抽出缸內o既淡水膠樽，倒出淡水（我個人會加甲基藍，不過唔一定要，隨你），倒掉魚袋內o既水，把魚放入淡水中。
6)視乎魚o既體形及成熟程度決定過淡時間，成年魚最長唔超過五分鐘，太糼弱o既B就無謂玩過淡。
7)有Ching會視乎條魚o既狀態，對完水後第二三日至做過淡o既動作，免條魚一次過受太多刺激。不過前題係你要有Q缸或者Q箱\筒，否則你就要冒傳播病毒及寄生蟲入缸o既風險。

我做完ABC呢三個步驟，就放條魚入缸o既魚格之內，開始進一步觀察同馴糧，如果再有咩問題，至再跟進。我自問買魚唔算濫，Q缸同箱已多年無用，touch wood都無咩大問題。
所以Q缸或者Q箱，不過係各師各法，只要Keep住打氣同每日換水，Q箱一樣無問題，有條件有時間咪玩得複雜啲，無o既咪簡單啲咁去。不過咩都唔做直車，就未免太簡單兼兒戲，我自問低手，咁樣倒錢落海法真係玩唔起。

Ching成30寸缸，大把位加魚，不過切記要介急用忍，慢慢享受搵魚、睇魚、揀魚o既樂趣，唔好成日覺得個缸好空，急急買魚，要知道有位加魚至係一種福氣。加魚o既次序記住由細size魚種開始，愈後至買愈大size，亦都要先讓品性和善o既魚入缸，最惡o既就最後先入貨，唔好咩都唔知，覺得條魚靚就畀錢。
而家有時間，就睇多啲資料做定功課先。

danaon

謝謝各位師兄師姐教道，這幾方面我會慢慢一步步來，因我是100%新手，所以日後還需各位大大教道。
樓上師兄更謝謝你解釋那麼清楚，感恩!!