|
玩左珊瑚一段時間，記得頭兩年玩乜死乜！當初係俾個半桶水既朋友毒一毒，就買個玻璃缸，ＢＭＱＱ，１８Ｗ燈同造流，就咁開缸，連咩叫沙缸，Ｎｏ３同Ｐｏ４都未知！就在設備不全又無人教導既情況下上路，結果連火柴都養唔到，總之就係無野玩得耐。之後無意中發現尼個討論區，跟住識左好多師兄，開始不停請教佢地，落左一年苦工，終於都叫識Ｄ野啦！ 為左感謝海水領域同各位師兄既教導，小弟決定獻醜，將自己重新上路既過程分享一下。希望可以幫到一Ｄ新手，免得佢地行我條舊路，塗炭生靈。由於小弟都仲係新手，如有錯誤請各位高手幫助更正及多多包含。 新缸係一個３６Ｘ２０Ｘ２０寸滴流缸，基本設備及日常用品如下: １：Led燈（軟珊瑚以藍光為主，硬珊瑚以白光為主，可因應個人喜好及珊瑚喜好而定，這裡不多講） ２：化淡（建議使用比魚缸水量大一倍的，即係魚缸水量２００Ｌ，請使用４００Ｌ的化淡） ３：水冷(建議使用比魚缸水量大一倍的，跟化淡一樣） ４：滾豆樽（all in one + NP，份量可參照說明的一半開始試，觀察及測水，一星期左右再調整份量！因應珊瑚及魚的數量不同而使用份量也不同)(建議NO3保持25以下及PO4保持0.1以下) ５：ＡＴＳ （用左四星期後停用因沙缸空間有限，感覺上效果唔錯） ６：造流用左一個漩影同３個ＲＷ４（可因應個人喜好而設定） ７：元素基本上以ＡＢ水，Ｓｏｄａ粉（玩硬野先需要）同碘為主（我跟說明的份量落），如果玩角可以加增藍及增紅色的元素 ８：用左一舊生物磚同４Ｌ環（基本上視乎魚既數量多少，我大約有３０條２至３寸半既魚） ９：消化細菌（每星期換水後落，間中一星期落幾次，視乎珊瑚及魚的情況） １０：珊瑚糧（基本上無乜講究，可能係因為我日日都有餵魚，所以間唔中記得先會落下珊瑚糧） １１：魚糧用左３隻不同糧，有小丑糧，吊糧及增色糧，基本上都係無乜講究 １２：珊瑚啫哩膠，非常好用，可以把珊瑚固定係石上，唔會成日跌！ 跟住講下今次開缸過程，基本上係非常順利，原本諗住養水２個月先可以落珊瑚同魚，結果兩星期已經把所有珊瑚從舊缸搬到新缸，第三星期就連所有魚都捉哂到新缸，比預期快左好多！總結情況如下： １：約半寸沙底（視乎個人喜好，但落缸前必需先清洗） ２：一半生物石及一半枝石，所有石都是經處理過的死石 ３：每天一枝蜂皇蜂漿（連續３０天） ４：第二天落左一條魔鬼炮彈（現在還健在）及幾粒扭扣同幾件角frag仔試水 ５：第三天加左一條藍麼同絲絨麼（現在還健在） ６：一星期後基本上水都清左好多啦，估計係細菌數量穩定下來 ７：跟住每天都把一些軟珊瑚搬到新缸（基本上所有珊瑚到現在都算健康） ８：之後情況片中有交代 開缸編 https://youtu.be/PHpQxdqhNNI
| 
發表於 2017-2-23 16:11:26
收藏
支持
反對
