大家評評理⋯⋯

accp220

大家認為是否合理？
我16年12月搵大根做咗一個魚缸35寸x25x31見水，一月中下旬交貨而家係四月中下旬，只係三個月。琴晚發現個櫃腳有少少問題，影咗兩張相俾大根，想問佢咩原因會咁，佢話係我自己攪過條中柱，係人為既失誤，
所以咩保養都無哂㗎啦⋯⋯咁我話有咩辦法解決？
佢話冇架啦成個櫃唔用得，有需要就攞＄5000出嚟做返個新櫃囉，
咁我話你可唔可以上門睇一睇先呀，
佢話你係人為嘅造成既錯誤，所以冇晒保養，我哋唔會上嚟，你要我哋 上門要收錢囉⋯⋯
我話你咁做生意既咩？就算係咩原因造成，你幫個客做缸，收得個客錢（FOT$13200)普通玻璃
係咪應該有責任嚟睇吓個缸問題，睇下點幫手？
佢話：咁你依家咪放哂成缸水囉⋯⋯
我話：下？你睇都未睇過個缸，就要放晒成缸水？？
佢話：總之我就係咁既建議啦，你如果個缸有咩事，都唔關我哋事啦！
我話：你咁對待D客既咩？魚界咁細，信譽好緊要㗎喎！
佢話：你咪post上網囉，睇下邊個啱？係你自己攪過個缸，唔係我哋個缸有問題！
所以，我哋係唔會負責既，我話咁你上嚟睇左先啦，佢又話人為問題，我哋唔包！
我哋上嚟就要收錢⋯⋯
我想問，咁叫做專業造缸？如果個客個缸有事，就搵位入佢，然後，就捉住人一句，係咁話人為錯誤
無哂保養？？係咪真係咁做生意？

accp220

之後佢夜晚兩點幾又打嚟，又話叫我放咗乾水先我話你想都未上嚟睇就咁早咁我剛魚點？
我話你保養都未過！講明係兩次上門保養點解你會唔想上嚟？
我淨係知道一件事 今次一定要呢間公司嘅所作所為 公告天下--
你收得我錢 我就係你個客 你係咪需要咁樣對你嘅客？
話個客有錯跟住全部保養冇晒？？？

accp220

我話根據你既收據，無講過話人為造成就唔包上門！
我可以去消委員投訴你㗎喎！
佢話：你咪投訴囉我有律師團隊唔驚架！
我真係無言了

accp220

我心諗個缸無事無幹，使咩你保養？
有事想搵你睇下，你就話個客問題？唔包㗎！？
咁做生意都得？

accp220

小兒科 發表於 2017-4-19 21:28
律師團隊，好驚驚
老細未詳細了解件事就發爛渣！離曬普

師兄，你講得啱，原來只係小問題　。。。。好彩我無放哂缸水，
否則，我缸魚就玩完。。

accp220

其實我自己都有同大根講我入唔番支中柱入缸，但佢就即時一口咬定我破壞缸既結構。。但佢又無問我之前有無用緊支中柱，我新缸落地就SET緊器材，到琴晚先攪掂個分體水冷。。。。。。才入支中柱，佢就話我

accp220

武淺靜 發表於 2017-4-19 21:57
算拉師兄。起香港找人做過只新櫃都吾洗5000蚊拉

唔係嘛﹖佢仲同我講收番成本咋喎﹖

accp220

zero322 發表於 2017-4-19 21:53
人為同保養有咩關係,係既你都上去睇左有問題再提出,而唔係聽完人講就去話唔包保養呀嘛,唔識做生意
做缸 ...

師兄，呢個就係我最唔能夠接受的理由。。。。。。。。

accp220

73855836 發表於 2017-4-19 22:01
乜原來一郁條中柱個櫃就會出問題，等我之前個缸一攪個沙缸就整走條中柱，好在冇事。原來而家造缸咁化學

師兄，我係新手，咩都唔識，所以自己如實咁同佢講，但佢就執住我呢句，話係我問題　。。。。想叫佢幫下手可以點攪，佢就話無得攪，要放走哂缸水。。。。。。佢唔會負責　。。。。。

accp220

魚迷1 發表於 2017-4-19 22:20
條友以前同人做缸上網話個佢啦做到D槓又花不過收你禁贵又唔理真係氣頂我朋友上年11月係東X42X24X30都 ...

係，好多魚友都話我缸唔值＄13200，但我初時佢話到自己好專業，諗住售後會好D。。。。。。點知，真係衰過淘寶﹗

accp220

魚迷1 發表於 2017-4-19 22:31
萬幾都比得我知你唔係錢問題而係無服務，師兄而家個缸OK吖如果唔係出聲吖大把高手幫你手&#2152 ...

萬謝魚迷1師兄，我缸現在已經無咩大礙了，原來只是缸有水微微下墜。。。只放左部分水已可以入番。。。。
真係好感謝不少魚友師兄給我的忠告、意見﹗經一事，長一智

accp220

accp220

1398killer 發表於 2017-4-19 22:46
Ching缸魚好靚，條條貴野。😂😂😂
不快事無謂上心。

師兄，咁你話就咁就要我全缸放水，又話個櫃無用，嗰刻我幾咁無助。
換缸，都係想玩多D魚啫。。。。。唔係咁去亂叫人咁做㗎下嘛﹖
本來我信佢專業，諗住問佢有有問題，佢一嘢就話個缸櫃玩完，佢有無真心諗住幫個客㗎﹖

accp220

小兒科 發表於 2017-4-19 22:50
呢個價錢，點止加條中柱，其實可以做不鏽鋼架都得。

師兄，條中柱仲要係個專業既魚友，叫我叫佢加咋﹗
佢原本圖紙係無幫我落中柱﹗

accp220

zero322 發表於 2017-4-19 22:58
有冇記錄佢話冇加架,有咪大返佢囉,因為佢戈時冇話要加,甘點解你唔加個缸會有問題呀,佢係咪屈人唔識諗清楚 ...

師兄，佢話中柱係我要求要加，佢就加，加左你攪佢就係你既問題﹗
我完全無否認自己的責任﹗所亦好坦白咁同佢講，我點入番條中柱，但佢即時話咁咪死囉﹗中柱唔攪得㗎，佢都未比我講埋就話叫我放哂缸水，咪塌落嚟唔關佢事﹗

我當時真係好SHOCK，點解一個你既客，有咁既問題，佢唔係去解決問題先，而係即時話係個客一手造成，佢哋係完全無責任﹗
呢個人咁既思維，真係好恐佈﹗
點會叫人信你係專業造缸﹖

accp220

joekwok1222 發表於 2017-4-19 23:26
好離譜喎！

我最接受唔到既係，佢仲叫我﹕你咪放上網囉，睇下點，睇下你自己係咪做錯囉﹗
我話哂都叫做你個客，比錢你做缸，錢你收左，仲要咁比說話個客聽﹖
咁我咪比大家評評理，係咪咁叫售後服務﹖

佢仲話：我錄左你音啦，你自己都話攪過條中柱㗎。。。。。。。你咪放告我囉，GOOD呀﹗我當時真係呆左

accp220

1398killer 發表於 2017-4-19 23:36
八卦問下，13200....包括器材丫？

5分普通玻璃，35 X25 X31見水，包沙缸，加缸帽
唔包任何喉件、SET喉另加，無任何器材。
沙缸要我自己畫圖比佢，因佢比我既設計係只得兩倉，我一早比哂我既器材要求佢，叫佢幫我計計，佢就話﹕ 我跟你比既器材只能間兩倉，但我一早係設計時已講明我係FOT，要三食最少，佢跟住就話我器材大吖嘛，我只可以間兩倉，結果，我又要自己找魚友幫手設計個沙缸同再搵過器材。。。。。

accp220

accp220

sunny 發表於 2017-4-20 00:14
個缸都幾貴

貴，唔緊要，起碼你要交到貨囉。。。。。。我個人覺得完全無同客溝通，HEA造，好多嘢唔合理。。。。

accp220

ff23456 發表於 2017-4-20 00:23
嘩，凈缸+木櫃+沙缸……（缸35x25x31見水）要一萬三千二百蚊！（無喉無器材無電制），樓主是羊腩+魚腩..... ...

唉，以為佢貴，會造得好D，服務會好D ，點知中伏啦﹗