魚缸長滿髪絲藻

小魚毛

背板就咁擦咗去就得，石就麻煩好多，每次換水起石擦石係基本玩法，而且有排玩。
水肥係指NO2、NO3同 PO4等o既營養鹽成份偏高，唔關鈣、鎂、碘等元素o既事。所以怕水肥係啱，不過唔係要針對元素，而係要針對NP嗰三條友做嘢，降低水中含量之餘，亦要等吸咗太多NP o既石慢慢釋放翻出呢，所以話有排玩。
有除草藥，不過未必100﹪ reef safe。亦都可以加寶石蟹、蝦棉羊蝦（又名馬騮蝦），魚就可以搵吊、狐狸幫手，不過魚唔一定食，蝦蟹就一般都會食，只係效率較低。
光照太強太長時間都有關，減少光度同照明時間會有幫助，不過唔開白只開藍就唔知咩效果。