SPS開始變啡

kkc09

請教各位師兄，養咗3-4個月，CA, Mg, Kh數據正常，燈開11hr, 唔知點解近排開始變啡，求救。

hmk

燈光唔夠或者養分太高都會令啲角變啡色！

kkc09

hmk 發表於 2018-12-27 22:33
燈光唔夠或者養分太高都會令啲角變啡色！

燈光應該夠，本身有支Led再加4支T5HO補光，已經一星期冇落養份。

小魚毛

kkc09 發表於 2018-12-27 22:38
燈光應該夠，本身有支Led再加4支T5HO補光，已經一星期冇落養份。

係一兩件變啡？定成缸o既SPS都變？

變啡一般原因都係唔夠光，所以一定要先搞清楚光照，11hr唔算短，4支T5HO亦都應該好夠光，剩翻o既問題就係LED；樓主個缸幾大？用邊隻LED？點設定（特別係各色燈珠輸出比例）？

你落缸o既Mg, Cal, Kh之類係補充海水中被珊瑚吸收o既元素，唔係養份。RT缸所指o既養份，係指由生物排放出呢o既排泄物，所以養份過高，就係指水中o既NH4, NO2, NO3 同 PO4 之類偏高，所以檢查同保持NO3, PO4 o既數值係零，比查Mg, Ca, Kh數據更重要。

kkc09

小魚毛 發表於 2018-12-28 00:17
係一兩件變啡？定成缸o既SPS都變？

變啡一般原因都係唔夠光，所以一定要先搞清楚光照，11hr唔算短，4支 ...

師兄，我剛剛開始玩SPS幾個月，得3，4件，不過得2件開始啡，其他又冇事。有用草缸，用緊LUMINI LED, T5HO用2藍2紫。No3約10左右，PO4為0。

小魚毛

kkc09 發表於 2018-12-28 00:37
師兄，我剛剛開始玩SPS幾個月，得3，4件，不過得2件開始啡，其他又冇事。有用草缸，用緊LUMINI LED, T5HO ...

試

補充內容 (2018-12-28 01:14):
試

補充內容 (2018-12-28 01:17):
試試將變啡兩件移去最高最光o既位，睇o下keep唔keep到。不過支Lumini就肯定唔夠玩sps。

小魚毛

NO3有10都太高喇，零或者近零至係標準數值。不過如果你係用水喉水，咁就算你有草缸都無用，水源污染問題唔處理，你個缸o既NO3 就永遠都唔會降。

補充內容 (2018-12-28 09:29):
水喉水本身NO3就有10，所以直接用水喉水開鹽玩珊瑚其實好難玩得好，LPS仲可以keep到，sps就無幾多可以頂到咁o既水質。

kkc09

小魚毛 發表於 2018-12-28 01:17
NO3有10都太高喇，零或者近零至係標準數值。不過如果你係用水喉水，咁就算你有草缸都無用，水源污染問題唔處 ...

明白了，即係首要解決水質先，支燈新買的。


補充內容 (2018-12-28 11:05):
咁係咪一定要用RO純水？還是用普通3層濾樽都可以？另知否RO純水機可以係邊度購買？多少錢左右？

補充內容 (2018-12-28 11:06):
我缸30吋多，260升水

小魚毛

無錯，水質絶對先決！

純水機應該係最Common o既解決方法，不過請留意，純水機出水慢，而且有癈水產生（約20~40%），所以用起呢都好麻煩o下，扑鎚前請三思。
三層濾樽過濾唔到NO3同PO4，否則唔會咁麻煩都咁多人用純水機。專賣鹹水缸器材o既舖頭，一般都有純水機賣，魚街地舖海洋ＸＸ，樓上現Ｘ、魚Ｘ、Ｘ匯、數字老闆，甚至新填地街水喉舖利可Ｘ同淘佬都有，基本版五六百至高級版一兩千，樓主不防慢慢比較。

另一選擇係用廁所水，用棉碳＋ＵＶ過濾都夠玩，比起用ＲＯＤＩ方便，不過接駁廁所水箱要搵水喉師傅搞，而且要留意大廈洗水箱通告，每次換水前亦都要check o下的水o既鹹度作微調，一樣好多嘢要留意。不過比起純水成本較平，亦都無咁浪癈食水。

小魚毛

老實講，唔多肯定你講嗰支LUMINI LED係咩燈，不過簡單咁講，除非你DIY，否則足夠畀sps用 o既 LED，以夠cover你30寸缸計，四千樓下o既牌子燈都應該唔洗諗。

以LED配T5HO的確係玩sps最穩陣o既組合，不過應該係以LED為主，再以T5HO補充LED提供唔到o既色譜，所以成本比例一定係以LED為高。

所以如果樓主以為四五千買套LED太奢侈的話，其實不防考慮用晒T5HO，反正你都用緊４支，唔差在用夠８管，啲管配色玩得好，可以靚色過LED，不過年年換8支T5HO，其實幾年就貴過你買套LED，請自已計清楚筆直。

kkc09

小魚毛 發表於 2018-12-28 12:58
老實講，唔多肯定你講嗰支LUMINI LED係咩燈，不過簡單咁講，除非你DIY，否則足夠畀sps用 o既 LED，以 ...

謝謝師兄，因下年初都打算換缸，都係時候計劃一下開支如何，添加什麼器材了。。

Kei3320

Ching 我也想知如果LED 玩SPS 應該買那一支比較好

kkc09

Kei3320 發表於 2019-1-2 20:43
Ching 我也想知如果LED 玩SPS 應該買那一支比較好

我今日剛換了支Orphek


補充內容 (2019-1-2 22:56):
等緊部RO機

Kei3320

嘩⋯正

Kei3320

如果我目標是AI 或 AP700 那一支比較好適合玩SPS

kkc09

Kei3320 發表於 2019-1-3 16:45
如果我目標是AI 或 AP700 那一支比較好適合玩SPS

2款我都未用過，要請教其他師兄。

小魚毛

kkc09 發表於 2019-1-2 21:21
我今日剛換了支Orphek

恭喜樓主，整份開箱報告好喎

小魚毛

Kei3320 發表於 2019-1-3 16:45
如果我目標是AI 或 AP700 那一支比較好適合玩SPS

我本身係AI52用家，AP700都係入手AI之後至見到，做唔到AB比較。不過可以肯定兩支燈都係大廠頂級婆特，無可能唔夠玩SPS。
兩支燈價格有少許差距，反映翻喺實際規格上，最明顯應該係AP700 o既照明角度夠濶，廠方指即使4尺缸亦足夠cover，相反AI雖指52 Hydra夠cover三尺缸，但我自己兩尺缸離水八寸亦唔多夠cover，事實上AI照射角度唔夠闊己經係公認o既缺點。雖然升高支燈可以拉闊照明角度，但我估兩尺缸都應該要離水一尺高，咁就要睇

小魚毛

睇o下你缸頂有無空位，所以要安放好支燈其實都幾頭癢。

但AI o既操控其實十分出色，每色Channel o既燈珠都可以獨立調較光暗同時間，可以組合出好多唔同光譜色調，要玩得好都要啲時間慢慢研究。

所以如果Kei hing係兩至三尺缸，缸頂又有足夠空位，咁買AI都應該都唔會後悔，否則的話畀多幾百玩AP700都無錯。

Kei3320

Thx Ching 指點