試下新Q魚方法

georgewu2015

首先，我依家有一個size18 18 18既q缸，約100升水！一般師兄一買完魚返屋企就，立即過淡！但其實好多時間師兄們一見到魚鋪有魚返，就立即9衝去買！魚剛到港已經驚魂未定！跟住立即係魚鋪轉水1次，有些魚鋪可能唔轉水！我當轉水啦，跟住就立即比人買左返屋企！仲要即過淡！其實咁過法，死魚真係唔出奇，我之前都係咁做， 除非條魚本身好強狀，唔係真係好似打機咁扣好多血！有見及此，我有檢疫缸同全set設備底下，我暫時唔會過淡住，照對水落檢疫缸先，先唔過淡睇下一星期條魚係咩環境，餵多些小糧，等佢強狀d！記住檢疫缸缸水要黎自大缸到，唔係就試唔到野！

georgewu2015

等14號4呎缸到，同埋舊魚係月底定哂水，之後出糧買魚，再開始呢個檢疫方法！到時再報告比大家聽！

Teddy

黎個方法、幾好
可以減小好多傷亡

georgewu2015

我諗呢個方法都幾穩陣，哈哈

accp220

極同意，Q魚很有用！
能有檢疫缸真好，我只得鹽桶進行AB大法(◐‿◑)

georgewu2015

或者唔用檢疫缸同AB大法，可以用日本城膠箱大法，水量比AB桶多好多，AB桶正路有約20升水，膠箱最小可以有60升至80升容量，唔用洗返仲可以用黎裝衫

魚苗

其實同一個Q缸分別係乜？
至於ab桶分法係每日換全部水，令到白點脫落後冇機會上寄生體，而且正常情況係唔會裝滿20升水，用大膠箱同q缸作用應該比較類似，並非代替ab桶方法，如兩個大箱每日互換，又只係大ab桶做法（我之前q8吋雞心就係咁做）。至於過淡問題，老手師兄們都講過唔好買返屋企即過淡，要養幾日等魚穩定有態先可以，我做法係一星期後過淡（如果冇態，基本上唔會買入）。

georgewu2015

魚苗 發表於 2018-4-8 08:30
其實同一個Q缸分別係乜？
至於ab桶分法係每日換全部水，令到白點脫落後冇機會上寄生體，而且正常情況係唔會 ...

唔知你既疑問係咪即係話，究竟膠箱同Q缸既分別係邊度？如果係呢樣野既話，分別都係同AB筒大法與Q缸用法既分別，都係同一個問題，其實！重點在於，靈活性，意思即是說，假設你有Q缸係度而且係長期行水既話，會比屋企炸型，長期使用多屋企既一個位置！。用呢點黎講，其實膠箱同ab桶係冇分別！咁點解我會話都用可以用膠箱大法先，因為用膠箱大法！可以1.放個濾桶或化氮，（唔係話AB桶唔可以，但只有20升空間較難放野）2.可以靈活拆除器材同箱，唔洗比人炸型. 3.膠箱水量比AB桶水量至小大兩倍，可以順延Q魚時換水既時間一至兩日

魚苗

只係見你話用18吋立方缸做q缸係新q魚方法先有疑問，覺得方法同一般人用q缸冇分別，都係有新魚返嚟先用，冇魚會收埋。
至於一個大膠箱基本上作用唔同ab桶，ab桶係針對白點繁殖週期而考慮，非水量考慮，器材只需打氧同冬天暖管，大膠箱如兩日換一次水已經失左意義。

georgewu2015

明白！我標題打錯左，應該轉為實踐自己新q魚既方法同總結經驗！我自己q缸就長期行水，唔會收埋,會收埋係講日本城膠箱同AB桶方法。

georgewu2015

有Q缸既好處 ：上個月條紫月燒其加爛肉（咀）可以比你大家參考下！我係落tdc加上野黃粉：首先，我係Q缸落藥，缸水量100升。第一曰，落3份1包黃粉打大氣 。第2日見冇咩效，落TDC 20ml 即預防份量 第3日冇落藥，睇下冇加藥會咩環境。結果 第4日燒其嚴重惡化， 估計細菌感染嚴重，於是先換1半水，跟住再落重藥！即半包黃粉，同TDC 30ml 第5日都係冇加藥驚條魚唔受得。第6日病情受控 ，落藥減到TDC 20 ml 第7日換一半水，唔落黃粉，都係落tdc 20ml 第8，9，10日日相同做法！係第8日開始返生其，第10日好返哂！