開小型缸一問

firehei

純粹問一下
如果只打算養兩條小丑魚
用20L魚缸
點樣設定可以成功養到?
一定要用化氮?
可以用純水+鹽再用鹽度計check就OK?
thx all

firehei

小魚毛 發表於 2018-9-1 03:51
樓主，玩鹹濕嘢o既魔力就係在於有太多o既選擇，無論係器材或者生物品種上都一樣咁花多眼亂，但係又有 ...

先多謝寶貴意見
因為要到2019年2月左右先會搬去自己買既樓，到時候有地方就可以買個150L至200L既缸全力養咸水魚
宜家玩細缸(大約15L)主要想先試下入門，整缸只會養兩條黃尾藍魔+兩條小丑
N-cycle當然知道，先養菌，等爆NO2，之後NO3，大約一個月完成系統
早前係玩水晶蝦繁殖，水硬度之類都了解，但咸水要顧既野絕對多過淡水好多

小魚毛

樓主，玩鹹濕嘢o既魔力就係在於有太多o既選擇，無論係器材或者生物品種上都一樣咁花多眼亂，但係又有太多o既限制要遵守，所以做足功課，查清楚器材用法設定、了解生物o既習性、忍手唔好亂咁買嘢落缸，都係做鹹濕佬o既基本法。

你五日前至開Post話想開三四尺缸，而家又改玩20L缸仔，仲要一開缸就落魚，係咪心急又衝動咗啲？請做做功課，查o下咩叫N-cycle先，就明我點解話你衝動。

20L缸水量太少，好難維持水質穩定，再加上器材不足，對新手呢講仲難玩過一個100L缸。你或者慳咗錢喺硬件上，不過你會死多好多魚呢試器材配搭、設定，值唔值得呢？

化氮功能在於打走缸中o既有機廢物，亦可以增加缸水含氧量。配有合適化氮o既缸，大致可以每星期換20-30%水，無化氮o既缸，每日起碼要換30%水，如果飼養密度高就更加唔止呢個數。所以化氧可以維持水質穩定，你想唔用化氮，就要預每日花時間去換水，其實計翻啲鹽錢，好快就會cover翻條數，如果你堅持到落去，好快就會發覺唔用化氮係更奢侈o既做法。

同化氮一樣，好多器材都係幫你慳錢慳時間，或者減少傷亡，值唔值得投資就要睇o下你自己有幾多預算，睇o下自己想養咩嘢。所有嘢都應該係開缸前計清計楚，千祈唔好即興走去魚舖聽啲Sales亂點。

希望樓主唔好怪我潑冷水，放低你玩淡水o既經驗，由零開始重新學習，否則你只會嘥錢嘥時間行更多冤枉路。祝開缸成功。

firehei

剛用一個大約15L缸試玩
用 red sea 鹽+power house環
10L水大約落350g鹽
但用鹽度計(Deep sea hydrometer)測都係得1.018
要額外比多成100g鹽先升到上1.020...
落左兩條黃尾藍魔
聽日會過個好d 既鹽度計

dicky826

水喉水 + 鹽都得

勤力換水，一個掛濾都得