海水領域 SeaFishZone › 討論區 › 海水魚討論 › 新手發問區 › 青苔，紅泥問題

查看: 4516|回復: 16

青苔，紅泥問題 [複製鏈接]

Macy

註冊會員

Rank: 2

電梯直達

樓主

發表於 2020-4-22 11:52:53 |只看該作者 |正序瀏覽

而家個缸勁青苔，爆紅泥藻，我度過po4係0.06ppm係咪算係好高？而家應該買野去降低po4定係用殺菌燈好呢？

收藏0 支持0 反對0

舉報

dicky826

論壇元老

Rank: 7 Rank: 7 Rank: 7

17^#

發表於 2020-4-24 11:30:31 |只看該作者

個d可能係啡苔黎，魔唔食紅泥

舉報

小魚毛

論壇元老

Rank: 7 Rank: 7 Rank: 7

16^#

發表於 2020-4-23 23:50:05 |只看該作者

玻璃面就要人手用除苔刷刮至乾淨，食苔螺點都會有啲「烘」。沙面可以用跳螺，皓海有得賣。

如果紅泥只係生喺背板就簡單啲，一邊用除苔刷刮，一邊用喉直接吸走，重點係唔好畀啲紅泥通缸飄，否則會惹到成缸都有，最怕係惹上生物石就有排搞。

你竟然有條肯食紅泥o既魔？如果佢命大無畀紅泥毒死，相信好多魚友會有興趣同你收購。

舉報

Macy

註冊會員

Rank: 2

15^#

發表於 2020-4-23 19:15:55 |只看該作者

小魚毛發表於 2020-4-23 10:48
不過正如樓上幾位ching咁講，就算今次搞得掂，你都要檢討o下目前o既飼養密度同餵食量，否則PO4同紅泥問題一 ...

多謝師兄長盡分析，而家青苔主要生係三面玻璃同沙面(1cm左右)，生物石有少量，紅泥就全部係背板魔仔好鍾意食，咁可能買隻螺幫下手

舉報

小魚毛

論壇元老

Rank: 7 Rank: 7 Rank: 7

14^#

發表於 2020-4-23 10:48:32 |只看該作者

不過正如樓上幾位ching咁講，就算今次搞得掂，你都要檢討o下目前o既飼養密度同餵食量，否則PO4同紅泥問題一樣有機會翻發。

舉報

小魚毛

論壇元老

Rank: 7 Rank: 7 Rank: 7

13^#

發表於 2020-4-23 10:25:45 |只看該作者

本帖最後由小魚毛於 2020-4-23 10:26 編輯

青苔比較簡單，加條食苔巴士就得。不過如果唔加魚o既話，可以考慮更平更簡單o既食苔螺，但要留意放得無脊髓生物落缸，就意味你唔可以隨便喺缸內落藥醫病，否則呢啲生物可以一o下就ＫＯ！針無兩頭利，你要自己衡量點搞。

紅泥麻煩就好多！你有生物石，開缸五個月，水中PO4正常，相信紅泥都係生喺石面，咁即係話啲 PO4其實係畀生物石吸收咗，而家吸飽咗再放翻出呢，所以吸引紅泥喺石面生長，由於紅泥吸收緊石中o既PO4，所以水測唔到有PO4。紅泥主要以吸PO4同光照呢生長，所以你可以做o既：
暫時性：減光照時間或亮度、落ROWA或者減PO4之類o既除磷劑、加UV殺菌燈，三種辦法都可以減慢紅泥生長，但治標唔治本，紅泥會好易翻發或者喺缸入邊同你死纏爛打。
長遠性：因為PO4源頭係生物石，要根治一定要由生物石入手。簡單咁可以每次換水都拎嚿石出缸洗刷（一定要用鹹水卅舊缸水），盡量刷走啲紅泥至再放返落缸，如是者咁搞佢幾個月，等啲石o既PO4完全釋放，就可以根治。如果石o既數量唔多就直接換石，不過唔可以即刻拎走所有o既舊石，否則會打亂你個缸o既硝化系統，有機會即刻反缸。可以分幾次幾批石咁換啲新o既生物石落缸。
市場上係有除紅泥o既藥劑，不過係咪隻隻都有效我唔敢講，而且係咪可以根治，其實關鍵都在於你啲石吸咗幾多PO4，都可以話要講o下彩數。

舉報

Macy